السبت *31/3/2012 مفيد فوزى : أهلا بحضراتكم أتحدث إليكم من أحد المزارع الحيوانية فى وسط الدلتا فى القليوبية على وجه التحديد الموضوع ده يهم البيت المصرى أهمية بالغة أولا فى المدن لأنها اللحمة اللى إحنا بناكلها وهل هى منصابة ولا مش منصابة موضوع مهم جدا فى حياتنا وأيضا يهم الريف المصرى ليه ؟ لأن العجل أو البقرة فى الريف المصرى هى عصب الفلاح ويسموها فى الصعيد ريشة الفلاح ولذلك فأن بطلة هذا التحقيق فى واقع الأمر هى هى المعلومة بالمعلومة نفهم بدون معلومات منفهمش ويزداد الموضوع غموضا بعد غموض المعلومة أهميتها إيه ؟ إن إحنا نعرف الحقيقة دن تهويل لأن المنشتات دلوقتى فى الصحف خلتنا نحس إن فيه مصيبة فى حياتنا إسمها الحمى القلاعية وحقيقة الأمر حسب الإحصاءات بتقول إن تقريبا 7% من ثروتنا الحيوانية قد إضير معظمه الحيوانات الرضيعة وإن أقل من 0،5 % أصاب العجول وألبقار والجاموس الكبير ما الحقيقة إذنا إيه بالضبط الموضوع ؟ إيه أبعاده هل هو صراع بين حيتان الحيوان وحيتان الدواجن ؟ لا أظن الأمر أخطر من ذلك الأمر مهم للغاية نحن نناقشه فى حديث المدينة فاصل مفيد فوزى : دكتورعادل أنورهل فيه شيىء يخلينا نبقى قلقانين على ثروتنا الحيوانية ؟ د/عادل أنور: لا يا فندم دى موجات بتظهر كل 3 ، 4 سنين والحمى القلاعية ظهرت عندنا فى 86 ظهرت فى 2006 السنادى ظهرت فى 2012 مفيد فوزى : الحمى القلاعية كلمة قلاعية دى عايزين نفهمها ؟ د/عادل أنور : خلع الغشاء بتاع اللسان مرض الفم والظوافرالحيوان بظرفين مفيد فوزى : طيب الحيوان أولا الأصوات اللى كنا بنسمعها دلوقتى سببها إيه ؟ د/عادل أنور : الحيوان بيقول انه شاف حد غريب دخل المزرعة لوالناس اللى بيراعوا الحيوان مش هيعمل كده مفيد فوزى : هو دلوقتى محتج ؟ د/عادل أنور : بيستغرب فيه إيه ؟ مفيد فوزى : بيتظاهر د/عادل أنور : بالغة العصر يعنى ؟ مفيد فوزى : فهمنى الناس فى البيوت أكيد هتسألك تقولك يشتروا لحمة ولا لأ ليه بقى ؟ لأن أنا لاحظت إن أسعار الدواجن إرتفعت وأنا من أكلى السمك فظيعة د/عادل أنور : رفعت الأسماك أه لأ اللحمة مفيهاش مشكلة خالص بس الواحد يتأكد إنها دخلت المجزر واللحمة مختومة وبعدين الحمى القلاعية لا ينتقل عن طريق اللحمة نهائى مفيد فوزى : مش ممكن إن حيوان مصاب يخش فى مجزربالهروب من د/عادل أنور : لأ وارد ولكن الدكتوراللى موجود هيعرف من حرارته انه مصاب بحمى هيعزله مفيد فوزى : أنا أعرف إن الحيوان لما يكون عند الراجل الجزار مصاب بحمى إزاى ؟ د/عادل أنور : هو هيخاف يعلقها أساسا لأن اللحمة المحمومة هتبقى سودة مش وردى مفيد فوزى : ما هو أحيانا يا دكتور الإنسان ميبقاش عارف إيه بالظبط اللحمة د/عادل أنور : إحنا بنقول ‘يه ؟ لازم لما أشترى بروتين حيوانى دايما معلوم المصدر معروف والسعر برده يعنى لما واحد يقولى كيلو اللحمة ب20 جنيه يبقى فيه مشكلة عنده على طول مفيد فوزى : وإنت شايف لما اللحمة بتتاخد تتحط على طول فى الفيرزر ؟ د/عادل أنور : لأ تتحط فى الرف علشان يحصلها التيبس الرمى بالغة الجزارين تتشمع مفيد فوزى : خليك مع لغة الجزار يعنى إيه التيبس الرمى ؟ د/عادل أنور : اللحمة طرية المذاق فى بقى يتتاكل دى اللحمة اللى تقعد مش أقل من 12 ساعة على الرف وتخش الفيرزر على طول مفيد فوزى : الفيرزر بيعمل إيه للحمة ؟ د/عادل أنور : بيكسر البروتين بتاع اللحمة مفيد فوزى : طب الناس لما تيجى تشويها أو تحطها فى أكل وتطلعها د/عادل أنور : القيمة الغذائية بتاعتها بتبقى أقل شوية مفيد فوزى : الرضع فى الحيوانات ليه بتصيبه الحمى القلاعية ؟ د/عادل أنور : لانه بيشتغل على عضلة القلب ولو لقيت عجل رضيع نافق أو تعبان وعملت صفة تشريحية بلاقى قلبه خطوط زى النمر بالظبط كده معروف مفيد فوزى : هى الحمى دى بتدخل ععلى الجهاز التنفسى ولا على القلب ؟ د/عادل أنور : لأ الفيرس بيلف فى الدم يرفع الحرارة مفيد فوزى : لدرجة كام ؟ د/عادل أنور : ممكن 41 من 40 لى 41,5 يبقى الشكوى إيه الحيوان الكبير سخن محمى مفيد فوزى : فى تقديرك لما نقول أقل من مليون نص أبقار كبية قد إصيبت معناها إيه ؟ د/عادل أنور :مطمأن الوضع ده يطمنى كويس جدا بدليل إن مربى عنده حالة كبيرة من أول جرعة بيبقى زى الفل مفيد فوزى : يا أخ محمد مجدى فى حاجة مهمة أنا ملاحظ إن كل حيوان شايل عند ودنه مش فاهم دا رقم قومى ولا بطاقة شخصية ولا نمرة الحيوان ولا إيه محمد مجدى : دا رقم تأميمى مفيد فوزى : تأميمى يعنى إيه ؟ محمد مجدى :الحيوان ده بيكون مؤمن عليه من إدارة الطب البيطرى بيتم التأمين على كل حيوان وكل حيوان بيكون ليه بطاقة صحية مفيد فوزى : دى البطاقة الصحية ؟ محمد مجدى : بطاقة صحية يعنى بالنسبة للحيوان مفيد فوزى : مكتوب فيها إيه ؟ محمد مجدى : مكتوب فيها رقم بناءا على الرقم ده بحصن التحصين الدورى وبناءا على الرقم ده بوزن الميزان الشهرى وبناءا على الرقم ده بعرف الحيوان المصاب بكون عارف رقمه وبعالجه مفيد فوزى : بتعالجه إزاى ؟ محمد مجدى :بعالجه على حسب نوع المرض اللى موجود عنده مفيد فوزى : هل إنت حاسس إن فيه أمصال فى البلد ولا ليقحات ولا دى ناقصة ؟ محمد مجدى :لا والله هى مش متوفرة بصراحة مفيد فوزى : وبعدين بتعمل إيه لما مش متوفرة بصراحة ؟ محمد مجدى : إحنا بالنسبة لشغلنا لمزرعتنا إحنا بنحصن التحصين الدورى اللى هو كل 6 شهور فلا قدر الله جه مرض زى اللى موجود ده الحيوان المحصن بصفة دورية بيكون أكثر مقاومة للمرض من غيره وفى بداية ظهور المرض إحنا إدينا مضاد حيوى ودا علشان يقوى المناعة بتاعة الحيواتات مفيد فوزى : طب عايزك تقولى المفجوع ده اللى بياكل العلف ده دا فيها إيه إيه الأصفر ده ؟ محمد مجدى : دى درة أصفر مدشوشة مفيد فوزى : يعنى هو بياكل هذه الدرة زائد الأخضر ؟ محمد مجدى : أيوه ددا دريس الدريس ده برسيم مجفف مفيد فوزى : ودى معمولة علشان يتغذى منها إذنا هو مش مفجوع هو بياكل محمد مجدى : لأ دا طبيعى مفيد فوزى : هو أنت بتحس إمتى يجوع ؟ محمد مجدى : والله بالنسبة لنظام التغذية عندنا نظام التغذية مفتوح فالحيوان ما بيجعش قوى وعلشان كده ما بيصبش بمرض ودا من أفضل انهع التغذية إحنا بنسميه أوبن بوفيه يعنى عندنا الأكل طول اليوم مفيد فوزى : أوبن بوفيه ؟ كأن دا يا محمد الأوبن بوفيه ؟ محمد مجدى : أيوه مفيد فوزى : صور يا جدع الأوبن بوفيه علشان الناس تشوف الأوبن بوفيه طيب طول دلوقتى كلهم يعتبروا فى حاجة مصابة ؟ محمد مجدى : لأ الحمد الله رب العالمين مفيش حاجة مصابة ودا من فضل الله يعنى مش هنقول دى شطارة ولا حاجة دا من عند ربنا توفيق من عند الله يعنى مفيد فوزى :إيه مسئولية الفلاح فيما يتعلق بهذا الشيىء اللى هو أكل الحيوان وصحته إيه مسئوليته ؟ محمد مجدى : المفروض إن الفلاح يكون عنده توعية بالنسبة للأمراض اللى موجودة وبالنسبة للتغذية مفيد فوزى : يعنى إيه توعية ؟ محمد مجدى : التوعية المفروض الإرشاد الزراعى يوعى الفلاح على الأمراض مفيد فوزى : محمد سيبك من كلام الإتحاد الإشتراكى فاكر الإتحاد الإشتراكى ولا كنت لسه طفل ؟ محمد مجدى : لأ كنت لسه طفل مفيد فوزى : كنت لسه طفل الإتحاد الإشتراكى كان يقول كلام كبير على الناس أن تتوعى وأن تكون التوعية هى السلاح وأن يكون الوعى هو الأساس سيبك من ده إيه الحقيقة البسيطة المجردة لهذه الحيوانات ؟ محمد مجدى : والله أنا عايز أقول نصيحة لأى مربى المفروض الإنسان اللى عنده حيوان ما يبخلش عليه لا بتحصين ولا بأكل لأن هو إذا إداله كل ما عنده من تحصين ومن أكل هيديله ناتج أفضل النهارده الإنسان اللى بيغذى أفضل بيحصل على عائد أفضل أو ربح أفضل من الإنسان اللى بيأكل على قده مفيد فوزى : دكتور سمير عباس حضرتك التخصص بتاعك فى فى الطب البيطرة هو الصحة العامة يعنى إيه الصحة العامة والأمراض المشتركة ؟ د/ سميرعباس : كل ما يخص صحة الإنسان مفيد فوزى : الإنسان ؟ د/سميرعباس : الطب البيطرى هو الخط الأول للدفاع عن صحة الإنسان مفيد فوزى : يعنى إيه فهمنى ؟ د/سميرعباس : يعنى فيه حاجات كتير وأمراض كتير بتنتقل عن طريق الحيوان بطريق مباشر أو غيرمباشر للإنسان فإحنا بنحمى من هذا مفيد فوزى : زى ؟ د/سميرعباس :بالنسبالى عندى من الأمراض الخطيرة جدا والناس حتى ما بتتعاملش معاها وما بتخدش بالها منها الحيوان أصلا مابينش عليه المرض وعلشان كده الدولة عاملة مشروع لحماية الثروة الحيوانية والإنسان من هذا المرض الخطير اللى بيعمل الحمى المالطية ودى كبيرة جدا فى الإنسان مفيد فوزى : دى بتتنقل من الحيوان الحيوان اللى هو مين ؟ زى إيه ؟ د/سمير عباس : الجواميس والأبقار والأغنام مفيد فوزى : أه بالقرب منهم طبعا د/سمير عباس : لأ عن طريق شرب اللبن علشان كده أنا بركز على الحتة دى اللبن لازم يتغلى كويس فى بيوتنا إحنا عندنا ست البيت أول ما تشوف اللبن يفور على البوتجاز تروح طافية مفيد فوزى : دكتور سمير أنا هتزحزح من مكانى علشان حضرتك تخاطب كل أمهات مصر اللى عندهم أطفال أدينى أهو جيت يمين أهو حضرتك هتكلم الناس فى الكادر وإنطق قول كل اللى عايز تقوله د/سمير عباس :ياريت غلى اللبن يتم فى وعاء واسع وفيه حتى إختراع جميل دلوقتى زجاجة كده بتتحط معاه علشان تمنعه إن هوز يفور فدا ممكن يقعد يغلى لمدة 10 دقائق فى الحالة دى أى ميكروب موجود إن شاء الله هيقضى عليه أو تاخد لبن يكون مبستر من مكان آمن فى شركات بتعمل اللبن مبستر دلوقتى دا بردوا مطلوب ليه لأن هذا المرض ينتقل عن ريق اللبن وعن طريق الجبن القريش بالذات اللى هى معمولة من البان حيوانات مصابة لأن الناس بتجمع اللبن من أكتر من مركز حتى ما تقدرش تحصرها أما الدولة الحمد الله قامت بمجهود كبير فى الموضوع ده مفيد فوزى : أقولك معلومة أقاطعك بيها؟ د/سمير عباس : إتفضل مفيد فوزى : هل أحذر الجبنة القريش ؟ د/سمير عباس :إحذر الجبنة القريش من المصدر المجهول لكن من لبن واثق منه أو مغلى وإنت عملتها تبقى حلوة مفيد فوزى : يا دكتور سمير حضرتك لما تخش سوبر ماركت حضرتك واعى إستنى إنت واعى ومصحصح ودكتور فى الطب البيطرى لكن أخوك اللى واقف جنبك ده أمى أمى ما يعرفش حاجة غلبان عيان عايز ياكل جبنة قريش فأنا إزاى الجبنة القريس أحذرها والدكتور بيقولى خد جبنة قريش وجميع الستات فى مصر لما تحب تعمل رجيم تاكل جبنة قريش إنت بتذرنا من الجبنة القريش ؟ د/سمير عباس : المجهولة مفيد فوزى : المجهولة يعنى أنا لما أقول لحد هات جبنة قريش من البلد ما فيش داعى د/سمير عباس : من حيوان سليم إزاى أعرف ؟ اللى هى نرجع للمربى المربى لازم يقدم الحيوان بتاعه للإختبار مفيد فوزى : هو أنا يا دكتور سمير هدور على تاريخ حتة جبنة قريش وأشوف المعمل وأشوف صاحب المرعى هل هو مجدى ولا عطاله ولا إبراهيم ؟ هل هو عنده ضمير ولا معندهوش ضمير ؟ القاعدة إيه ؟ القاعدة البسيطة التى ممكن الناس تاخدها بما إن فيه أمراض تصيب البقر وألبان قد تكون مشبوهة د/ سمير عباس : أجيب اللبن وأغليه كويس دا نمرة واحد والغلية على الأقل 10 دقائق فيه ناس أول ما يفور بيطفى عليه ودا فى الحالة دى بيهرب فى القشرة اللى فوق اللى هى القشرة بتاعة اللبن وبيستخبى فيها ولما بيهدى بيرجع تانى بل بينشط كمان مفيد فوزى : اللبن الزبادى يا دكتور ؟ د/سمير عباس : اللبن الزبادى علشان يبقى زبادى سليم لازم يتغلى الأول 10 دقايق مفيد فوزى : اللهى هو إيه اللبن الزبادى ؟ د/سمير عباس : اللبن قبل ما يتعمل زبادى وبعين أبرده مفيد فوزى : لكن أنا اللى بيجيلى يا دكتور بيجيلى من السوبر ماركت د/سمير عباس : وما بقولك إهمل الزبادى فى البيت دا سهل جدا مفيد فوزى : أعمل الزبادى فى البيت ؟ د/سمير عباس : أسهل حاجة إنك تعمل الزبادى فى البيت النهارده لو غليت اللبن وسبته يبرد لدرجة 40 اللى هو إنك تحط نقطة على إيدك تستحملها فى الحالة دى تحط خميرة من أى سلطانية زبادى مفيد فوزى : خميرة ؟ أحط خميرة على اللبن ؟ وأجيبها منين ؟ د/سمير عباس : من الزبادى مفيد فوزى : هشتغل معمل فى البيت ؟ د/سمير عباس : مش معمل دا إنت هتعمل زبادى حلو وطازة لولادك مفيد فوزى : ربنا يطمنك فاصل مفيد فوزى : معلومة مكتب الأوئة الدولى يضع مرض الحمى القلاعية ضمن قائمة الأمراض التى تتصف بالقدرة على الإنتشار السريع عبر الحدود من أثارها السخيفة هى التجارة الدولية للحيوانات عبد الواحد إنت مضار فى الماشية اللى عندك ؟ عبد الواحد : أيوه يا فندم أنا حضرتك عندى مزرعة فيها 70 رأس بتلوا عندهم 8 شهور حصنت من حوالى 16 يوم وجالى المرض تانى رغم إن أنا حصنت ومن حوالى يومين رميت راسين طبعا ماكنتش أعرف إن أبلغ الشرطة أو الوحدة البيطرية والنهارده نفس القصة قمت الصبح لقيت إتنين بردوا ميتين فرحت على الإدارة والوحدة بلغتهم وبلغت إسم الشرطة عندنا مفيد فوزى : يعنى إنت كنت محصن ؟ عبد الواحد : ايوه يا فندم مفيد فوزى : محصنهم بإيه ؟ عبد الواحد : بالمصل اللى هو جاى من الوزارة مفيد فوزى : ومع ذلك ماتوا ؟ عبد الواحد : أيوه يا فندم مفيد فوزى : فهمينى بيحصل إيه يعنى أنا بقول باللغة الأدبية يترنح الحيوان ثم يسقط هو بيحصلوا إيه الحيوان ؟ عبد الواحد : هو حضرتك أعراض الحمى القلاعية أولا بيحصل سيل من الفم وتقرحات فى اللسان وفى الحوافر من تحت وإرتفاع فى درجة الحرارة مفيد فوزى : دا بيحصل بسرعة شديدة ؟ عبد الواحد : أيوه يا فندم يعنى إحنا ما بنفرقش المزرعة ثانية واحدة 24 ساعة قاعد فى المزرعة لدرجة بعد ما حصنت والدكتور قالى إدى مضادات حيوية ومسكنات وحاجات زى كده بعرف الحيوان هيجيله قبلها ب5 دقايق بحس إن الحيوان مش طبيعى بقوم جارى مديله المسكنات والمضادات مفيد فوزى : إذن إديت مضادات حيوية ؟ عبد الواحد : أيوه يا فندم مفيد فوزى : وإديت لقاحات ومع ذلك مات معناها إيه ؟ عبد الواحد :معناها الفيرس دا جديد هى الحمى القلاعية زى ما سمعنا بيقولوا إن هى 7 فيروسات إحنا حصرنا 2 بس وال5 انهع مفيش أى أمصال ودى كلها اساسها جاية من الحاجات اللى هى جاية من بره بعد إذن حضرتك مفيد فوزى : يعنى إيه الحاجات اللى جاية من بره ؟ عبد الواحد : اللى هى اللحوم اللى جاية من برا كده الفيرس هيقضى على القطيع المصرى كله كده إحنا 4 إخوات قاعدين نشتغل فى المزرعة ليل ونهار علششان نشوف إحتياجتنا وناكل عيش من ورا الحاجة دى وإحنا ناس شغالين فى الموضوع ده من زمان بدل ما يجيبوا بمليارات من برا يدعموا العلف يدعموا الرده يدونا قروض ميسرة علشان نشوف مصالحا أنا كده وقفت مش معايا فلوس أنا مش قادر أكمل 70 راس بتلو وزنهم فى ال200 كيلو مش عارف أكمل والمرض هيقضى عليا هيوقف حالى مفيد فوزى : هل حدثت عملية تعويضات ؟ عبد الواحد : لا يا فندم مفيد فوزى : هل إنتم طلبتم من الدولة تعويضات ؟ عبد الواحد :لا يافندم ما حصلش مفيد فوزى : هل سمعتم إن الدولة هتعوض المضارين فى ده ؟ عبد الواحد : سمعنا يا فندم سمعنا مفيد فوزى : لكن ما حصلش بشكل عملى ؟ عبد الواحد : لأ ما حصلش مفيد فوزى : إنت اللى عندك كام راس ؟ عبد الواحد : 70 راس مفيد فوزى : فى المزرعة منهم كام راح ؟ عبد الواحد :منهم كده 4 ومحتمل أنا قاعد معاك وعارف إن فيه حاجة هتحصلها لأن أنا سايب 2،3 تعبانين مفيد فوزى : الله يعنى خلال فترة ممكن تبص تلاقى المزرعة حيوان ورا حيوان ؟ عبد الواحد : أه فأرجوكم إنجدونا شوفولنا أى تلقيح أى مصل يوقف لنا المرض ده يعنى معلش فلوسنا دى كلها جايبين قرض من البنك هسدد البنك منين ؟ عاوز قروض ميسرة للبتلوا مفيد فوزى :اللحمة اللى بتيجى من بره زى الهندى والأثيوبية هل دى لحمة جيدة ؟ عبد الواحد : لايا فندم واسأل الشعب كله لا يعلى عن القطع المصرى اللى هو اللحمة المصرية اللى متربية هنا اللى واكلة من أرض بلدنا يعنى متربية على الحاجة الطبيعية مفيد فوزى : طب ما هى الدولة أحيانا لما ما بتلاقيش البتلو موجود فى مصر بتجيبه من برا يعنى فيه إستيراد للحوم عبد الواحد : ماشى يا فندم مع إحترامى لحضرتك ومع إحترامى إن لازم يكون فى حجر صحى يشوف دا يرجع ما يخشش البلد لأن قبل كده بردوا إستوردوا لحمة من برا وجالنا مرض من برا وقضى على مزرعتنا مفيد فوزى : طب وصل إزاى مزرعتك ؟ عبد الواحد :وصل نتيجة اللحوم المستوردة مفيد فوزى : إزاى عايزأفهم ؟ هو اللى بيجى من برا بيجى عبارة عن إيه ؟ لحوم حية يعنى لحوم حية زى دى ومدبوحة هل اللحوم الحية بتختلط بالمزارع دى ؟ عبد الواحد : لأ طبعا مفيد فوزى : طب اللحوم المدبوحة تأثرإزاى فى ده ؟ أنا عايز أفهم وعايزالناس تفهم معايا يعنى أنا فاهم لغاية دلوقتى إن الضرر اللى جه لغاية عندك إنك حقنت وإديت مصل وحصنت وإديت مضادات حيوية وع ذلك الحيوان مات دكتور أميمة الراجل المضار قالى إن هو إدى الإمصال وإدى اللقاحات وإدى المضادات الحيوية يعنى كل ما يجب أن يفعله من أجل التخصص بتاع حضرتك اللى هو الإرشاد البيطرى ومع ذلك عجول ولا بقر إنصابوا د/أميمة : أنا هقول لحضرتك المصل مش موجود فى مصر الأن مفيد فوزى : كده بوضوح ؟ د/أميمة : أه المصل مش موجود الموجود التحصين التحصين بيخلى الحيوان يعمل أجسام مضادة للفيروس لما يجى المرض يصده فهو بيقول إدى التحصين التحصين دا حاجات معينة زى ما الدكتور يوسف قال لحضرتك اللى موجود لسه مالهوش تحصين فى مصر فاصل مفيد فوزى : وبالتالى بيموت د/ أميمة : لأ ما بيموتش مفيد فوزى : آمال إيه ؟ د/ أميمة : هى الإصابة لما بتيجى فى الحيوانات الكبيرة ما بتمتش بتجيلها الإصابة بتاخد فترة معينة لو بتنتج لبن بتقلل اللبن لكن المشكلة فى اللحوم الصغيرة مفيد فوزى : العجول الصغيرة بتموت ؟ د/أميمة : بتموت مفيد فوزى : هل لو كان موجود اللقاح أو المصل الجديد د/ أميمة : لما يجيى المرض هيلاقى أجسام مضادة هتصد المرض مفيد فوزى : فهمينى مكتب الأوبئة الدولى فى العالم هل بيحذر بعض المناطق اللى بيزورها هذا الوباء؟ د/أميمة : كل منطقة ليها وباء معين يعنى الحمى القلاعية دى فيه فيروس كذا نوع موجود فى مصر يتعمله التحصين بتاعه موجود فى السودان يتعمله بتاعه فهو يقال إن فيه حيوانات جت مهربة من السودان دخلت مصر هى دى اللى جابت لينا العترة الجديدة دى مفيد فوزى : أو الوباء الجديد د/أميمة : اللى هو الوباء الجديد من الحمى القلاعية مفيد فوزى : حضرتك كمسئول فى الإرشاد البيطرى بتعملى إيه بالظبط هل بتكلمى الفلاحين هل بتكلمى أصحاب المزارع ؟ د/أميمة : الفلاحين والمربين بنعمل توعية طوال العام نيجى قبل التحصين يعنى مثلا فيه تحصين النهارده فى بلد كذا باجى قبليها فى البلد بيلف بالميكروفون بيقول يا جماعة فيه تحصين بكرة مفيد فوزى : ميكرفون يلف فى البلد ؟ د/أميمة : فى البلد يقول فى تحصين موجود فى المكان الفلانى مفيد فوزى : هل بيحصل إستجابة ؟ د/أميمة : لأ إستجابة قليل جدا مفيد فوزى : لأيه ؟ د/أميمة : الفلاحين صعب ثقافتهم مبتبقاش عندها إستجابة مفيد فوزى : يعنى الفلاح ليس لديه وعى بصحة حيوانه ؟ د/أميمة : مالوش وعى وبعدين طالما الحيوان سليم أروح أدديله حقن ليه ؟ دا تفكير الفلاح مفيد فوزى : معلومة الحمى القلاعية مرض فيروسى بيقول عليه حويصلى حاد والحيوانات القابلة للعدوى هى الحيوانات الأليفة زى الماعز والغزلان أما الجمال فإنها أقل قابلية للعدوى على فكرة الماعز ممكن يحمل الحمى القلاعية وما يبانش عليه ولا تبانلوا أعراض دكتور يوسف حبش هل لدينا فى مصر الأمصال الكافية لعلاج الحالات المضارة ؟ د/يوسف حبش : بالنسبة للأمصال ما بتعالجش الحالات المصابة أنا عندى لقاح بحصن بيه فور ظهور المرض مفيد فوزى : هل فيه لقاحات فى مصر متوافرة ؟ د/يوسف حبش : متوفرة اللقاحات فى مصر العترة وال مفيد فوزى : يعنى إيه عترة ؟ د/يوسف حبش : عترة يعنى نوع الفيرس نفسه مفيد فوزى : حضرتك بتدى لقاح يعنى مثلا مزرعة زى دى بتلقح كلها باللقاحات حتى لا تصاب ؟ د/يوسف حبش : نعم بحصن كل 6 شهور مفيد فوزى : آمال إيه الأمصال ؟ د/يوسف حبش : لأ الأمصال اللى هى الأجسام المناعية اللقاح اللى أنا بديه علشان تتكون الأجسام المناعية مفيد فوزى : بيتقال فى الصحف إن الأمصال واللقاحات مجتش لسه مصر ما الحقيقة بالضبط ؟ د/يوسف حبش : هو إحنا كان عندنا أمصال لثلاثة ولن معندناش للعترة الجديدة ؟ مفيد فوزى : عترة جديدة فى الحمى القلاعية وبالتالى لم يحدث ليها بعد لقاحات د/يوسف حبش : لأ مفيش لقاح ليها عندنا مفيد فوزى : الحيوانات المحصنة بلقاحات إصيبت أيضا إصيبت لانه لما يأتى لها اللقاحات الجديدة طبقا لمحورة الفيروس إكتشاف اللقاح للفيرس فى الوقت الحالى حاليا لم يتم إكتشاف إنها عترة جديدة إلا فى الوقت الحالى بعد ما سحبوا العينات وعزلوا وصنفوا الفيرس إكتشفوا إنها عترة جديدة وجارى تصنيع اللقاح فين ؟ د/يوسف حبش : بمعرفة الهيئة ؟ مفيد فوزى : فى أنهى حتة فى مصر أم إنجلتر ؟ د/يوسف حبش : لأ هيتصنع فى مصر مفيد فوزى : ها يتصنع لكن مش مصنع حاليا د/يوسف حبش : لكن متاح حاليا مفيد فوزى : سؤال ليه هناك حاجة بتتحلل فى المعمل المرجعى فى لندن ولم تسافر بعد ؟ د/يوسف حبش : المعلومة دى أول مرة أسمعها مفيد فوزى : أول مرة تسمع عن المعمل المرجعى فى لندن ؟ د/ يوسف حبش : أنا أعرف المعمل المرجعى مفيد فوزى : دوره إيه المعمل المرجعى ؟ د/يوسف حبش : بيصنف العينات اللى راحت نوع الفيرس مفيد فوزى : إذنا إحنا منعرفش حتى الأن ما نوع الفيرس الذى إصيبت به أبقارنا بالحمى القلاعية دكتور أنا محتاج لأنك إنت مش بتتكلم معايا إنت بتتكلم مع الناس وبالتالى عليك أن تقول ما لديك من معلومات بوضوحا مطلق معدش فيه وقت للتخفية د/يوسف حبش : هو بيقال إحتمال تكون ...... مفيد فوزى : دا فيروس جديد ؟ د/يوسف حبش : نوع جديد من الحمى القلاعية مفيد فوزى : معلومة تاريخ المرض فى مصر نمرة واحد ظهر سنة 1950 عاد سنة 1952 حتى 58 ثم عاد سنة 2000 ثم عاود الظهور سنة 2006 و2007 ثم عاد مرة أخرى سنة 2009 حتى ظهر 2012 فاصل مفيد فوزى : دكتور أبو سنة حضرتك مسئول عن إدارة غرفة الأزمة تسمح تقولى أخر تقرير لإدارة أزمة الحمى القلاعية فى المكان اللى حضرتك بتدير الأزمة فيه إيه اللى حصل ؟ د/أبوسنة : آخر تقرير عندنا لغاية إمبارح كان عندنا 728 حالة مصابة وتم علاجهم مفيد فوزى : 728 د/أبوسنة : أيوه فى محافظة القليوبية منذ 26 :2 لغاية إمبارح عندنا 27 حالة نفوق نفوق لحيوانات إصيبت بس معظمها من الحيوانات الصغيرة الرضيعة لأن المرض الحمى القلاعية نسبة النفوق فيه لا تتعدى ال5% يعنى من 2 لى 3% فى الحيوانات الكبيرة بتزيد هذه النسبة فى الحيوانات الرضيعة لانه الفيروس بيبقى قاسى شوية على الحيوان الصغير لأنة مناعته بتكون قليلة فما بيستحملش بيعمل حالة فى القلب إحنا بنسميها زى جلبد النمر فى القلب بيعمل بطش زى جلد النمر المرض بيجيلنا فى مصر على نوبات والمرض وعندنا عترتين أوردى موجودين فى مصر إحنا بنحصنلهم مفيد فوزى : أنا مرة يا دكتور أبو سنة المحافظ المحترم عدلى حسين فى يوم من الأيام قالى معلومة أنفلونزا الطيور يا إستاذ مفيد سوف تعيش فى مصر لمدة 10 سنوات وكان الكلام دا واضح كان دقيق بالكامل وبعض الناس لم تصدق كلام عدلى حسين وثبت إنه حقيقة د/أبوسنة :المرض الفيروسى ممكن تعدل من الصفات الجينية بتاعتها لكن الحمى القلاعية لو هرجع للحمى القلاعية الأنفلونزا ممكن تتحور إنما بالنسبة للحمى القلاعية هو زى ما معروف عندنا 7 انهع من الحمى القلاعية وال7 انهع تحت نوع وفى أكتر من 60 تحت نوع مفيد فوزى : كلم الناس البسطاء يا دكتور مش كلية الطب البيطرى جامعة القاهرة د/أبوسنة : أنا خريج جامعة القاهرة حضرتك هو فيه 7 انهع من الحمى القلاعية ما ينفعش يتحط نوع مش موجود عندى زى اللى حصل النهارده حصل اللى فوق اللى موجودين عندى النوعين معهد المصل واللقاح فى العباسية بينتج المصل للنوعين حتى لما كانت بتحصل حالات فردية من الحمى القلاعية فيد فوزى: آمال ليه أثر؟ د/أبوسنة : أثر المرة دى معهد صحة الحيوان قال إن فيه عترة جديدة دخلت وصنفها وقال إن هى ساد تو ولكن إحنا منقدرش نعلن المرض كأطباء بيطريين لا يعلن إن فه ساد تو إلا من المعهد المرجعى مفيد فوزى : فى لندن ؟ د/أبوسنة : المعهد المرجعى فى لندن هو مش عيب ه معمل أو إتنين فى العالم كله ما إحنا عندنا أنفلونزا الطيور المعمل بتاعنا مرجعى فى مصر دا لا يعبنا كمصريين إن إحنا معندناش معهد مرجعى لتصنيف الحمى القلاعية فإتبعتت العينات وعرفنا بردا إن فى خلال 42 ساعة هتيجى نتائج العينات إذا جت نتائج العينات إن هى عترة جديدة مش موجودة عندنا المفروض إن معهد المصل واللقاح فى خلال يعنى مش هنقول شهر فى خلال أيام يطلع مصل مفيد فوزى : هل فى تقديرك انه غلق بعض الأسواق للحيوانات الحية شيىء من العلاج؟ د/أبوسنة : شيىء من مقاومة المرض فاصل مفيد فوزى : عرفت من الراجل المحترم الدكتور على شمس الدين رئيس جامعة بنها عمل ورشة لمناقشة الحمى القلاعية ‘يه ممارسة هذه الورشة وهل إستعين بحضراتكم ؟ د/أبوسنة : هو الورشة بإذن الله هتتعمل يوم الأربعاء وإحنا بصدد التعاون مع الجامعة لعمل الورشة يوم الأربعا القادم وإحنا بننسق ورشة العمل فى الجامعة بالتعاون مع كلية الطب البيطرى مفيد فوزى : كلية الطب البيطرى فى بنها؟ د/أبوسنة : فى بنها مفيد فوزى : إذن كأن في كلية للطب البيطرى فى بنها ؟ د/أبوسنة :وبنستعين بجميع الخبرات سواء من الطب البيطرى أو برا الطب البيطرى لمكافحة مرض الحمى القلاعية مفيد فوزى : يعنى إنتم مش مجرد بس إن إنتم أطباء فى مديرية الطب البيطرى لكن الجامعة كمان واساتذة الطب البيطرى فى فى جامعة بنها ؟ د/أبوسنة : بيشتركوا معانا بمعلوماتهم وبمجهودهم على أساس نستعين بالكوادر العلمية دى بردوا فى مكافحة المرض مفيد فوزى : عايز أقولك معلومة كده لكن أنا خجلان أقولها لكن لازم أقولهالك دكتور البيطرى سمعته الإجتماعية مش ولا بد السؤال سخيف ؟ د/أبوسنة : لأ مش سخيف مفيد فوزى : يعنى مثلا واحد يقولى إيه أنا بنتى جالها دكتور أقوله قلب؟ يقولى لأ أقوله أسنان دا بيكسب تمام ؟ يقولى لأ وبعدين يقولى إيه دكتور بيطرى ليه بيقولهالى همسا ؟ د/أبوسنة : هو وزن الطب البيطرى ودوره مش موضح فى الإعلام الأن لكن الأطباء البيطرين كثيرا منهم مفيد فوزى : لكن ليه ليه الدكتور البيطرى إجتماعيا د/أبوسنة : أنا هقول لحضرتك فيه حاجة هو فيه شقين المسئول عنهم مفيد فوزى : حضرتك متجوز ؟ د/أبوسنة : متجوز مفيد فوزى : جميل تسمحى تقولى لما جيت تطلب السيدة الفاضلة زوجتك وكانت عارفة طبعا إن إنت طبيب بيطرى هل أصحابها قالولها عنك حاجة ؟ د/أبوسنة : زوجتى تفخر بيا تماما كطبيب بيطرى .
