ملفات خاصة

عبد اللطيف المناوي: السيدات والسادة مساء الخير الرئيس حسني مبارك وجه مجموعة من التكليفات للحكومة للقيام بها هذه التكليفات وضعت بالاساس مجموعة من المحاور الاساسية حول المسائل الخاصة بتشجيع الاستثمار والمشاركة الاجتماعية هذه التكليفات تم ترجمتها الى شكل من اشكال محاور العمل التي وضعتها الحكومة وحملها الدكتور احمد نظيف امام المؤتمر الاخير للحزب الوطني وتحدث فيه عن هذا اليوم اتي الى هنا مقر مجلس الوزراء لكي احمل هذه التكليفات وتلك الالتزامات التي التزمنت بها الحكومة واضعها امام المسئول الاول عن تلك الالتزامات وهذه التكليفات دكتور احمد نظيف رئيس مجلس الوزراء اهلا بيك يافندم واسمح لي ان ابدا معك في البداية على الموضوع الاكثر حضورا على الساحة هذه الايام وهو ما حدث في الاسكندرية ذلك الحادث المؤلم تلك الجريمة المؤلمة تحدثنا كثيرا عن ان المادة الاولى للدستور هي ان المواطنة اساس الدولة السؤال هو لماذا لم يتم ترجمة هذا المفهوم حتى الان في شكل قوانين؟
د. احمد نظيف:هو الحادث كان مؤلم وآلمنا جميعا ولكن في النهاية هناك عبر كثيرة جدا نستطيع ان ناخذها من هذا الحادث اهمها انه حادث ارهابي ويدل على ان مصر مستهدفة ويدل على ان الوحدة الوطنية في مصر مستهدفة ولذلك اهم شئ نقدر نعمله اننا نفهم هذا انا قلت ان هذا الحادث ليس نتيجة فتنة ولكنه يستهدف الفتنة وبالتالي مهم جدا اننا كمصريين كلا المصريين نفهم الموضوع دا كويس ونصحى له كويس ونتعامل معاه على هذا الاساس لانه دا جانب رئيسي في هذا الحادث دا موضوع وموضوع بيؤكد فكرة المواطنة لكن عايز اقول مفيش ارتباط مباشر ما بين الحادث وما بين ما يتم لترسيخ فكرة المواطنة لان فكرة المواطنة هي ثقافة مجتمع ، ثقافة المجتمع ان تتبنى هذه الفكرة مفيش قانون لوحده يقدر يعمل مواطنة ، المواطن مواطن كلنا بنحب مصر ودا بان تماما في تداعيات الحادث الحقيقة المفاجاة رد الفعل المجتمعي مسلمين قبل الاقباط لما نلاقي المسلمين عندهم استعداد انهم يعملوا نفسهم دروع بشرية عشان يحموا كنائس مصر هي دي مصر هي دي المواطنة مفيش قانون يقدر يعمل كده لوحده لكن في النهاية علينا ان ناخذ من هذا الحادث فرصة اننا ننطلق من هذه المواطنة نترجمها من الدستور الى ما نراه ننظر في تشريعاتنا عشان نرسخ فكرة المواطنة عدم التمييز وليس فقط على اساس الدين ولكن على كل الاسس على اساس الجنس على اساس السن لا يجب ان يكون هناك تمييز في مصر هي دي حضارة مصر وهو دا اللي لازم نمشي فيه
عبد اللطيف المناوي: هو مفهوم المواطنة بيرتبط بشكل اخر بصورة عدم التمييز ان يكون وطن لكل المواطنين بلا تمييز وقد يكون هذا الحادث باتلفعل بيستهدف الفتنة ولم يخلقها ولكن كانت هناك حالة من حالات الاحتقان الموجودة نتيجة عدم التعامل عدم ترجمة مفعههوم المواطنة الى شكل قوانين ذكرت حضرتك دلوقت نم هذا سيتم ترجمته السؤال هو ماهي خطتكم في التعامل مع هذا الموضوع ماهي المشروعات المطروحة هذا التمييز هل يمكن ان يكون هناك قانون ضد التمييز؟
د. احمد نظيف:مفيش شك ممكن ان يكون هذا ويجب ان يكمون هذا وانا في تصوري ان هناك بعض المظاهر اللي شفناها مش في هذا الحادث وانما في الشارع المصري بشكل عام مظاهر بتوري ن هناك نوع من التطرف على المناخ كله ولكن دا قلة والحادث اثبت انه قلة الاغلبية العظمى اللي بتبقى عادة بتبقى الاغلبية الصامتة اتكلمت ولما اتكلمت هي بتطلع المتطرفين من كل جانب يعني انا بتطرف لكن انا ممكن اخرج من الكادر الخاص ودا اللي احنا عاوزينه ودا اللي لازم نعمله واحنا بنراجع قوانيننا وفعلا بيتم في مجلس الوزرا مجموعة عمل علشان تنظر في القوانين المختلفة علشان نتاكد ان هناك تفعيل للماكطنة بالشكل اللي نراه ، المواطنة بترتبط بتطور المفاهيم داخل العمل وثقافة العمل وتحسين مستوى المعيشة ايضا العدالة الاجتماعية الاحساس بالعدالة بيؤثر في هذا تاثير مباشر كل ماقدرنا نرسخ مفاهيم العدالة الاجتماعية لذلك اللي بنقوم فيه في الحكمة وفي تكليفات الريس هي كلها بتؤدي الى ترسيخ فكرة المواطنة الجزء الاخير الخاص المشاركة الاجتماعية امتى الواحد بيحس بالمواطنة لما يحس ان هو بيملك الوطن
عبد اللطيف المناوي: اللي هي المشاركة المتساوية وفقا للمواطن كمواطن
د. احمد نظيف:بالظبط لما اتكلم عن اللامركزية دا ما يعنيش بس ان القرار يبقى في ايد محافظ ولا في ايد وزير هي تعني ان المجتمع كله بيساهم لما تعني عن التعليم في محافظة معينة بتكلم عن ان هناك مجالس اباء مجالس امناء هناك مجالس من المجتمع بتساعهم وبتنفذ واحيانا بتشارك ماديا او بفكر مع الدولة ككل في هذا الاتجاه هذه هي المشاركة الحقيقية
عبد اللطيف المناوي: وهنا نشير الى ان الحكومة لم تعد ملتزمة فقط بمحاور عمل وانما الزمت نفسها ايضا برسالة الى الحكومة الزمت نفسها بالتعامل فيها معغ المجتمع ولكنم حتى نغلق الملف الخاص بموضوع الاسكندرية وماحدث هناك العديد من الجهات الاوربية والامريكية والغربية التي وجهت ما يمكن ان يبدو وكانه انتقادات الى الحكومة في مصر في التعامل مع الاقباط طالبت بمجموعة من المطالب السؤال هو كيف تنظر انت الى تك الملاحظات وكيف ترى رد الفعل الذي ينبغي ان يكون في هذا الاطار؟
د. احمد نظيف:نجن نوجه رسالة ونقول اذا كان هناك ما يقلق في هذا الحادث فهو يقلقنا اولا كمصريين قبل ما يقلق أي حد في أي مكان نقول ان مصر قادرة تمام على تن مصر تحمي اقلياتها واغلبياتها محدش يقدر يفهم العقلية المصرية زي المصريين ومصر بمصريينها كلها باقباطها قبل مسلميها بيرفضوا تماما أي تدخل خارجي في هذا المجال فاذا كانت الملاحظات دي جاية من قبلق على مصر نقولهم ما تقلقوش على مصر تنقولهم مصر بخيرو وقادرة تماما على تجاوز أي ازمة حدثت لها في الماضي او هتحدث لاقدر الله في المستقبل
عبد اللطيف المناوي: ايه حدود القلق وحدود التدخل من وجهة نظرك ؟
د. احمد نظيف:لا يعني مفيش مانع ان اصدقائنا يبدوا اسفهم يبدوا قلقهم يبدوا نصائحهم نتقبله والحقيقة احنا بلد مفتوح وقاتدر على ان يتقبل مثل ذه النصائح وغيرها من الاخرين ولكن عند هذا الحد نستطيع ان نتوقف اكتر من كده لا يمكن التدخل لما حد يقولي اعمل دي الطريقة دي وما تعملش دي بالطريقة دي لان محدش يعرف بلدي زي ما اتنا اعرفها وزي مات أي مواطن مصري يعرفها وبالتالي الرئيس كان واضح في دا تماما لا نقبل أي تدخل اجنبي في اي شأن من شئوننا اقتصادية اجتماعية في أي مجال سياسية لاننا قادرين تماما على اننا نضع لنفسنا برنامج واضح بنطور نفسنا وعندنا من الجهات الرقابية وعندنا من المؤسسات داخل الدولة من يستطيع هذا سواء داخل الحكومة او حتى في المجتمع المدني
عبد اللطيف المناوي: اذن قبل ان نخرج الحكومة ملتزمة في هذه المرحلة من ضمن التزاماتها بعد هذا الحادث ان تتعامل مع مفهوم المواطنة وتترجمه في شكل قوانين في شكل تعديلات والا يكون هذا الحادث يمر في فورة الانتباه لها ثم ينتهي الحادث هذا هو التزام الحكومة تجاه هذه المسالة
د. احمد نظيف:اعتقد هذا .. لازم نستغل الروح الجميلة من المجتمع المصري عشان نطور من مفهوم المواطنة في المرحلة القادمة
عبد اللطيف المناوي: طيب انا هنا اجي ممثل للناس احمل تساؤلات حول التكليفات حول الالتزامات حول ما يحدث ولكن قبل ذلك دعنا نفرق بين امرين هناك برنامج الرئيس الانتخابي الذي وضعه من حوالي 5 اعوام وباقي على هذا البرنامج اقل من عام وهناك برنامج الحز الذي تحمله الحكومة الان للخمس سنوات القادمة قبل ما ادخل في برنامج الحكومة اين نحن من برنامج الرئيس اين نحن من الالتزامات التي التزم بها برنامجه الانتخابي والفترة المتبقية هل هي كافية لتحقيق ذلك البرنامج كاملا ام لا؟ اتفضل
د. احمد نظيف:انا عايز اقول انه في النهاية مفيش تعارض بمعنى اننا بدانا بتكليف من الرئيس في عام 2005 ببرنامج تنموي واضح المعالم سمي ببرنامج الرئيس اللي الشعب انتخب على اساسه الرئيس واللي تعهد فيه الرئيس بوعود محددة للشعب وبارقام محددة ودا اللي عمره ماحصل قبل كده كون بقى اننا دخلنا انتخابات برلمانية وكان لازم يبقى عندنا برنامج يجتاز ذلك فطبيعي ان البرنامج اللي وضعه الحزب وضعه بالاشتراك الكامل مع الحكومة وكل برامجنا بتتم التعاون مع الحزب والحكومة واضح جدا انه فيه لابد من الاستمرارية يعني انا باخد من اخر سنة وابني عليها انها اول سنة في البرنامج الجديد فلا يوجد تعارض لانه اثيرت تساؤلات حول هذا عند بعض الناس احنا فين من البرنامج انا بقول بمنتهى الوضوح ان هذه الحكومة تحملت المسئولية بالكامل المسئولية التنفيذية للبرنامج واعتقد اننا بقول بمنتهى الثقة اننا بعد 5 سنوات من البرنامج اننا على الطريق السليم وكل مؤشراتنا بتقول ان كل مكون في هذا البرنامج تم العمل فيها هل انجزناه بالكامل بنقول انه فيه بعض مكونات البرنامج النهاردة تعدينا اللي كان مطلوب في الست سنوات مثلا برنامج الصناعة عرفنا المصنع الكبير هو أي مصنع فيه استثمارات باكتر من 15 مليون جنيه او مصنع موجود وتوسع باكتر من 15 مليون جنيه احنا تعدينا الرقم يمكن وصلنا ل 1300 مصنع والبرنامج كله عايز الف واحنا لسه قدامنا سنة ، السياحة احنا كان الهدف 14 مليون سايح احنا النهاردة وصلنا ل15 ملين سايح قبل سنة من انتهاء البرنامج ودا بيشجعنا ان الخمس سنوات الجايين قلنا لا هنطلع ل20 مليون سايح فاذن قوى الدفع اتوجدت في هذا المكان ، نا في تصوري هنعدي بامتياز - الامتياز في الجامعة 85% على فكرة – وبالتالي احنا هنحقق كلام السيد الرئيس واحنا ما بنتقولش كلام مرسل احنا بنقول كلام بالارقام ونطلع تقرير سنوي ان شاء الله مع نهاية الفترة الانتخابية هنتحاسب واحنا مستعدين للحساب
عبد اللطيف المناوي: الامتياز من 85% هذا صحيح ولكن هناك امتياز مع مرتة الشرف الاولى السؤال هنا هل تعتقد اتننا هنوصل الى ماهو فوق الامتياز في تنفيذ برنامج الرئيس هل هناك بعض المناطق الت سوف لمنن تتمكن الحكومة من تنفيذها واذا كان هذا فاي مناطق ولماذا؟
د. احمد نظيف:انا اعتقد انه فوق الامتياز في كل المناطق يعني معندناش حاجة متعثرة دا اللي اقدر اقوله لك بوضوح واهم عنصر كان هو عنصر توفير فرص العمل لانه فلسفة الفكر الجديد في الحزب الوطني اننا نعمل نمو اقتصادي عالي علشان النمو دا يؤدي الى فرص عمل للناس ودجا اللي بتسال عليها انتوا بتتكملوا عن نسبة نمو 7% طب الناس ما حستش انا بقول ان اكتر حاجة بتحسس الناس هي فرصة عمل لانه تتخيل حضرتك اسرة فقيرة ومقدرش صاحب الاسرة ان هو يشتغل هيعمل ايه اكتر حاجة هتفرق معلاه ان هو يلاقي شغل بعد ماكان دخله صفر فجاة هيبقى عنده دخل فاذن مش مسالة ان انا ارفع مرتب حد ، احنا النهاردة تخطينا 4 مليون فرصة عمل احنا عندنا ملفات في التامينات الاجتماعية أي واحد بيعمل جديد بيفتح ملف لاول مرة في التامينات الاجتماعية اذن دي مرتبطة بارقام وبفلوس بتتدفع يعني وبالتالي الارقام دي ارقام مدققة وحقيقية وهي اكبر دليل على ان النمو الاقتصادي اللي بنقول عليه واللي العالم كله بيشهد بيه النهاردة دا نمو حقيقي وحقق بالفعل فرص عمل للناس بدخل جيد نسبيا احنا لوش فالمرتبات النهاردة اتحسنت في القطاع الخاص قبل الحكومة واحنا عملنا كل دا مع ايقاف التعيين بالكامل في الحكومة على عكس ماكان بيحدث في الماضي لما كانت الحكومة هي المشغل الرئيسي للناس احنا خدنا خطوة جريئة جدا لان الحكومة اصبحت متخمة مفيهاش مجال خالص لاي وظائف جديدة يادوب اللي بيخرج معاش بندخل بداله النهاردة فاحنا ثبتنا حجم العاملين في الحكومة تحت ال6 مليون بعد ماكان بيزيد سنويا حوالي 150 الف احنا كنا في بدية التسعينات 3 مليون النهاردة 6 مليون احنا بنحس كل نمن يحصل على احجر او مرتب منم عمل عام من ميزانية الدولة فدول يقتروا من 6 مليون
عبد اللطيف المناوي: اذن الفترة المتبقية من برنامج الرئيس الحكومة ملتزمة ان تستكمل ما تبقى
د. احمد نظيف:دا التزام قائم يعني مثلا في مسالة المباني النص مليون وحدة سكنية احنا خلصنا ما يقرب من 350 الف لكن الباقي تحت الانشاء فهل كله يخلص لكن معروف مين الشخص اللي متعاقد على الوحدة بتاعته وكل شئ فالالتزام قائم في المدارس ايضا نقترب من الهدف في عدد المدارس المطلوب اللي هي 3 الاف مدرسة
عبد اللطيف المناوي: تكليفات الرئيس كا منها الوصول الى نسبة نمو تنصل الى 8% السؤال هو هل بتعتقد ان الاقتصاد المصري مكونات الاقتصاد المصري قادرة بالفعل لان تتفاعل وتصل الى تلك النسبة ازاي وامتى
د. احمد نظيف:هي قادرة وقابلة بشروط احنا امامنا تحديات احنا الحمد لله اثبتنا ان هذه البلد قادرة تماما وان فيها قوة داخلية كامنة غير عادية اذا اطلقناها احنا لما حصلت الازمة المالية احنا شفنا اقتصاديات اقوى مننا بكثير شفنا اقتصاد بينكمش احنا اقتصادنا فضل ينمو بحوالي 4% اثناء الازمة مش بس كده العالم كله كان بيسسرح موظفين اعداد ضخمة بل الاف في بعض الدول احنا كنا لس بنعين ونخلق فرص عمل العالم كله كان بيخفض مرتبات وشفنا مظاهرات اللي حصلت في دول اوربية كثيرة احنا رفعنا المرتبات في اثناء سنوات الازمة
عبد اللطيف المناوي: قدرة مصر على تجاوز الازمة العالمية كانم مرتبط بالقدرة الذاتية على تخطي هذه المسالة ام كان مرتبط كما يقول البعض انه مصر لم تكن جزءا اصيلا في الاقتصاد العالمي وبالتالي تاثرها لم يكن تأثر حقيقي؟ ايه انت ترد على النقطة دي ازاي
د. احمد نظيف:اقولك ان اقتصادنا نرتبط بالاقتصاد العالمي هي السياحة بتيجي من جوه مصر بتيجي من خارج مصر هي قناة السويس دي لما ينزل رع قناة السويس بحوالي 40% في عز الازمة هو دا مش ارتباط الاقتصاد العالمي لما صادراتنا بتمثل جزء مهم جدا من النمو تتعثر هو دا مش اقتصاد عالمي لما تحويلات المصريين من الخارج تتاثر هو دجا مش اقتصاد عالمي دا الفكر بتاع القرية العالمية اصبح العالم بيشوف بعضه زي ما القرية بتشوف بعض زمان مفيش مجال ان احنا النمهاردجة نتكلم عن هناك اقتصاد مقفول على نفسه دي مش حقيقة الحقيقة ان ازاي تجاوزنا الازمة حاجتين مهمين جدا اننا في 2004 بدانا بالفعل خطوات اصلاحية في منتهى الاهمية اهمها اصلاح القطاع المصرفي وبالتالي البنوك بتاعتنا دخلت الازمة دي معندهاش أي مخاطر على عكس نوك كثيرة جدا في العالم وقعت بعضها
عبد اللطيف المناوي: الازمة انطلقت من البنوك في الاساس
د. احمد نظيف:لو مكناش عملنا الاصلاح المصرفي في 2004 كنا هنبقى في مشاكل حقيقية الجزء التاني انه المنحنى بتاعنا طالع لما تبقى طالع وتخبطك ازمة هتهديك فدا جزء مهم تاني احنا عندنا نظمة اقتصادية في نظام الضرايب ونظام التامينات الاجتماعية اصبحنا نظام الجمارك عمل جذب استثمارات كبيرة جدا فالسوق المصري المحلي كان ابتدى ينتعش بانت عندنا في حاجات كتيرة جدا في استهلاكنا لمواد البناء في استهلاكنا في الاغذية فالسوق المحلي شارك في الازمة وال4% تقريا كانت جاية من جوة احنا ننمو من غير ما نجيب استثمارات من الخارج في حدود 4 او 5 %
عبد اللطيف المناوي: يعني انت عندك قدرة النمو الداخلي مش فقط الاعتماد على الخارج في مسالة النمو مكن الاستهلاك الداخلي نفسه
د. احمد نظيف:ودا كانت واضح تماما شوف في السيارات حصل ايه في كل المنتجات الصناعية حصل ايه شوف الصناعة المصرية بكل مجملاتها احنا بنصدر النهاردة اجهزة منزلية للخارج واجهزة تكييف وبنصدر منتجات صناعية لخارجح مكناش بنصدرها قبل كده فاصبحنا منافسين الزراعة في مصر اصبحنا بنصدر انتاجنا الزراعي زاد رغم كل الكلام عن المية انتاجنا زاد لو مكانش في الكمية زاد في القيمة
عبد اللطيف المناوي: وبالتالي فكرة القدرات المصرية الخاصة
د. احمد نظيف:دي حاجة والحاجة التانية تنوع الاقتصاد ان احنا عندنا اقتصاد متنوع ما بنعتمدش على حاجة واحدة تتضرب نقع زي ما بيحصل في السياحة لاقدر الله لما حاجة تحصل في السياحة ، السياحة النهاردة قاطرة تنمية جيدة جدا مس بس على اساس انها تساهم في نسبة النمو بدرجة كيرة ولكن على انها بتخلق فرص عمل كثيرة جدا وبتشجع قطاعات تانية لما السياحة بتقوم صناعة الموبيليا بتقوم صنعة الاغذية بتقوم التنوع التاني جاي من الصناعة الصناعة التقليدية في مصر بتنمو 7 و8% كانت قبل الازمة النهاردة بتنمو تاني وطالعة تاني 6% بعرفها من فاتورة الكهربا بتاعة الصناعة كل جهة استغلت قد ايه انا كنت لسه سال وزير الكهربا عن عدد البيوت الي دخلت عداد كهربا لاول مرة السنة اللي فاتت اقتربوا من مليون و960 الف تقريبا دا تحدي كبير لازم نلهث وراه طول الوقت الى كان ذلك عندي وزراعة عندي قناة السويس عندي الصادرات عندي تحويلات المصريين من الخارج الاقتصاد بتاعنا ما بيعتمدش على رجل واحدة وزاد علينا اخيرا اقتصاد المعرفة احنا النهاردة بقينا من البلاد المصدرة لمنتجات تكنولوجيا المعلومات وبارقام كبيرة تعدت السنة اللي فاتت المليار دولار فالتنوع دا اللي خلى مصر اصبحت مصنفة من الدول اللي هي قابلة وقادرة على النمو السريع الكلام دا لما يتقال في العلم بيلفت نظر المستثمرين والبنوك وجهات الاقراض الدولية لان احنا محتاجين تمويل التحدي الرئيسي عندناعشان ننمو ال8% هو اننا نجد متا نمول به هذه الاستثمارات لان عندنا نقص في التمويل لان مدخراتنا كمصريين وحدها غير كافية
عبد اللطيف المناوي: استثماراتنا احنا كمصريين قاردة على ان ترتفع بينا قد ايه والاستثمارات المطلوبة قد ايه وايه هي خطتكم غفي الفترة المقبلة لتشجيع الاستمرار على الجناحين على الجناح الداخلي وعلى الجناح الخارجي؟
د. احمد نظيف:مازال عندنا مدخرات بشكل كبير ولا زال الاقطاع المصرفي محتاج ان هو يستثمر بحيث تدخل استثمارت حقيقية داخل البلد ما تبقاش بس ان هوة يستخدمها في سندات حكومية لان انا لو بنك اسهل جدا ان انا اسلف الحكومة في شكل سندات عن ان انا اخش في مشروع او اسلف مشروع فلازم اشجع البنوك اكتر على هذا مش بس كده والاهم من كده التنوع انه ينزل لمستوى المشروعات الصغيرة والمتوسطة اللي هي العمود الفقري بتاع التنمية يعين الشركات الكيرة آه كويسة وممتازة لكن في لنهاية الحقيقة ان 80% من فرص العمل بتيجي في الشركات الصغيرة والمتوسطة وانا اتفقت مع السيد رئيس البنك المركزي ان احنا هنركز على النقطة دي النهاردة القاموس بتاعنا قايم على الاقراض البنوك بتقرض ولا لا احنا مدخرات البنوك مدخرات المصريين كلهم لو انا اديتها للحكومة الحكومة تقترض طبعا علشان تسد العجز اللي عندها لكن دا ما انعكسش على الاستثمارات وعلى فرص العمل
عبد اللطيف المناوي: مدى تجاوب البنك المركزي مع هذه الفكرة؟
د. احمد نظيف:لا فيه تجاوب ممتاز والارقام بتتحسن والاقراض من البنوك للقطاع لخاص بيتحسن ولكن ما وصلناش فيه لاملنا
عبد اللطيف المناوي: امتى يتم تنفيذ وترجمة دا بشكل حقيقي على الارض وامتى لناس تشعر ان غفيه تحول في تعامل القطاع المصرفي مع المشروعات الصغيرة؟
د. احمد نظيف:انا بتصور انه في كل سنة فيه تحسن احنا في المرحلة التانية بقالنا سنة واحدة وانا بتصور انه في خلال 5 سنوات هنصل لمعدل عالمي ، المعدل العالمي للاقراض للمشروعاتت الصغيرة والمتوسطة لكن تمويل المشروعات الكبيرة مخحتاج اننا نجد استثمارات من الخارج فدي مهمة جدا الاستثمار الاجنبي مطلوب ايضا عشان يكمل على هذا والاستثمار الوطني موجود عندنا شركات كبيرة النهاردة عماقة موجودة في مصر في الاتصالات وفي المقاولات وفي مواد البنا ولكن محتاجين استثمارات اكتر من الخارج عشان كده احنا عندنا النهاردة قائمة كبيرة من المشروعات الكبيرة والعملاقة اللي تجذب مستثمرين من الخارج وبالذات المنطقة العربية وبيساعدنا ايضا المناخ العام في العالم النهاردة لانه اخوانا لعرب احنا اجتمعنا بيهم حصل لهم هزة قوية انا اعرف بعض الشركات العربية الكرة اللي مساهمة في مصر خسروا مليار ونص دولار في امريكا في مجال العقارات النهاردة موجودين في مصر وسالته عمرك خسرت قرش في مصر قاللي لا عشان كده هما موجودين وبيتوسعوا في استثماراتهم النهاردة والكلام دا من بقهم هما والتالي احنا عاوزين هذا لو تذكر قبل 2004 كان بيجيلنا من الاستثمار الاجنبي من الخارج 2 مليار دولار وكان 60 او 70% منهم كان في البترول احنا وصلنا قبل الازمة ل13 مليار 4 او 5 في البترول ولكن الباقي في مجالات اخرى مقابل 400 مليون اذن احنا نقدر بشروط اولا ان المناخ بتاع الاستثمار يبقى ايجابي ما ينفعش ان انا ادي رسالة اني ما بقبلش استثمارات او مش بحترم تعهداتي ناحية المستثمرين دي خطوة
عبد اللطيف المناوي: بتقصد ايه؟
د. احمد نظيف:اقصد بيها ان الكل من اكبر موظف لاصغر موظف النمتناخ نفسه لازم يبقى بيستقبل الكلام دا اننا بنخدم على الاستثمار وبنخدم على السياحة وبنخدم على العقارات دا مطلوب ان الروح تبقى ايجابية لان كن موظف صغير يوقف لك استثمارات بمليارات لان احنا خدنا الاستثمارات لتحسين مناخ الاستثمارات الخطوة التانية مازال لدينا اجراءات نقوم بيها دخلنا مجموعة قوانين بنقوم بيها للتجارة الداخلية احد الحاجات الرئيسية اللي مككن يكون فغيها تفعيل للسوق المصري لان احنا عندنا قوانين التجارة وما تنساش ان مصر دي بلد عريقة والعراقة احيانا بتسبب لنا مشاكل القوانين قديمة انت ممكن تلاقي قانون في التجارة مثلا عقوبة على تاجر مثلا 50 جنيه في حاجة ممن يكسب منها النهاردة ملايين فبنراجع كل الحاجات دي النهاردة دي برضه حاجات هتدخلها في الفترة اللي جاية الجانب التالت هو جانب التمويل لابد اننا نسمح بالتمويل وبوجود عناصر جديدة في التمويل مثل موضوع المشاركة بين القطاع الخاص والقطاع العام اللي هوالقانونن اللي تم في الدورة البرلمانية والمشاركة د مهمة جدا ان كثير من هذه المشروعات هي مشروعات عامة ممكن يكون مشروع محطة تنقية مياه او صرف صحي ممكن مشروع مستشفى كل دي مشروعات عامة الطبيعي ان الدولة هي الل بتبنيها لو انا اللي هبنيها محتاج اجيب فلوس طب الموازنة بتاعتنا تختمل ان انا احط 30 او 35 او 40 مليار جنيه في لاستثمرا غير اللي بحطه في الاجور غير اللي بحطه في الحاجات التانية طب 40 مليار ما يكفونيش ان ا الناردة عشان انمو 8% لازم اعدي 300 مليار بيجيلنا منهم النهاردة مبلغ لاباس بيه اعتقد ن الاستثمارات النهاردة تعدت ال100 مليار فاذن احنا محتاجين نضاعفها في الفترة اللي جاية طيب هنضاعفها ازاي يه القطاع اخاص بيجي يعمل مدينة سكنية بيجي يعمل فندق دا ماشي طب ما ادخله كمان في الحاجات التانية دي ازاي انا الحكومة هنا زبون انا معنديش فلوس اعغمل الطريق دا اقوله اعمله انت طب هو هيستثمر ازاي اقوله انت هتعمل هذا الطريق انت عايز عائد قد ايه على فلوسك الطريق بيتكلف مليار بيقول انا عايز 200 مليون اقوله خلاص انا هديك ال200 مليبون وانا هطلع كمن الطريق هطلع رسوم طريق هاخد من الاعلانات هتجيب 150 يبقى الدولة بتدي المستثمر حقه وانا بدفع 50 يبقى بدل ما بني الطريق بنليار عملت ايه يبقى بدل ما اعمل طريق واحد اقدر اعمل طريقين
عبد اللطيف المناوي: يعين ال200 مليون دا هيبقى عائد سنوي؟
د. احمد نظيف:وبديله انا في الحالة دي عائد 20 سنة هو لما تحسب هيطلع ايه في ال20 يسنة هيطلعه المليار جنيه بفوايده بكل حاجة والطريق ملك الدولة ولا يملك حق استغلاله ولا يملك حتى ان هو يحاس حد على الطريق دا اللي بيحاسب هي الدولة يقولك دا هيجيني يستغلني ..لا ..دا الدولة اللي بتحدد والدولة اللي بتاخد الايراد زي حكاية المية انا ممكن اخليه يعمل محطة مية انا ببيع المية ب50 قرش هو عشان يكسب ما ينفعش 50 قرش المتر فانا اتعاقد معاه على جنيه للمتر انا كحكومة فبدفع له الجنيه على المتر وابيعها للمواطن ب5 في حاجة اسمها سعر اقتصادي وسعر اجتماعي ودا اللي بيقى واضح الدعم قدام الناس
عبد اللطيف المناوي: يبقى دا تاكيد على ان هذه الشراكة بين القطاع لعام والقطاع الخاص من يتحمل جزء من تكلفتها المواطن البسيط؟
د. احمد نظيف:اطلاقا نرجع فى برنامج الريس بين النمو الاقتصادي والعدالة لاجتماعية وهنا الدور الرئيس للحكومة انا عاوز نمو اقتصادي طيب ما الشع بكل طبقات لا يحتمل الطبقة المتوسطة تتحمل الى حد ما لكن الطبقات غير القادرة ودي هتيجي في حاجات كتيرة جدا في التعليم في الصحة احنا النهاردة الغني ما بيوديش ولاده مدار س حكومية بيودي مدارس بمصروفات فبيتحمل هو عبء التعليم لكن هل انا اقدر اتخلى عن تعليم الشخص اللي ما يقدرش يدفع مصروفات لا ..لازم افضل اني مدرسة ولكن هذا لا يعني ان انا ماشجعش الاخرين ان هما يستثمروا في التعليم لان فيه طبقة متوسطة تقولك لا انا عاوز حاجة احسن من المدارس الحكومية عاوز اعلم ولادي لغات بس مش عاوز الغالي قوي بتاع القطاع الخاص فممكن نسمح باستثمار ندعمه جزئيا عشان تبقى مصروفات المدرسة 30 الف او 40 الف تبقى الفين او تلاتة او خمسة ما انا لازم اخلي كل دا موجود قدام الناس وفيه في الاخر المدرسة الحكومية المجانية اللي موجودة وبنحسن فيها لابد كمان احتضن المتفوقين فالحقيقة تغيير المفاهيم دي
عبد اللطيف المناوي: جزء خاص مرتبط بالاستثمار والتشغيل هو مكافحة الفساد ودا احد الموضوعات اللي قررت الدولة ان تتحملها وطالب بها رئس الجمهورية وكلف بها الحكومة السؤال هو ما هي خطتكم للتعامل مع هذا المفهوم؟
د. احمد نظيف:المسالة لها شقين مهمين جدا والناس دايما بتبص للفساد من ناحية واحدة وهو العقاب ولكن هناك وسيلة اهم انك انت تمنع مصادره بمعنى لو جينا للجمارك مثلا لما جينا نعمل اصلاح جمركي كنت تجد ان نفس السلعة ممكن تخش تحت بند جمركي معين اذا هي مثلا تستخدم في الصناعة وتحت بند جمركي اخر اذا هي تستخدم في التجارة طب دا مجال للفساد طب ما انا وحدت قلت ان السلعة الواحدة لهال جمرك واحد الغيت مجال للفساد فاذا ضبطت حاجات كتير في المجتمع تمنع الفساد ، انمت لمنا تبيع سلعة مدعومة النهاردة زي رغيف العيش انت بتديله الدقيق مدعوم الشيكارة مثلا ب16 جنيه وهو بيبيعها ب200 جنيه طيب ما انت بتخلق فرصة للفساد طب هل فيه طريقة نك تديله الشيكارة ب200 جنيه واخليه يبيع للمواطن رضه ب5 صاغ، عشان كده فصلنا الانتاج عن لتوزيع قلنا انت تنتج لكن ما تبيعش انت عندك 10 اولة لازم تديني 100 رغيف اخد انا بقى الرغيف ازاي ابيعه بمعرفتي للمواطن انا بديلك امثلة ازاي امنع الفساد من منابعه لكن دا لا يمنع ايضا اننا يبقى عندنا قوانين رادعة للفساد عشان كده دخل نود كتيرة للوظيفة المدنية الموظف العام الثواب والعقاب فيه صعب جدا يعين يممكن واحد عندك يبقى فاسد او مرتشي او مختلس وما تعرفش تعاقبه او تعاقبه عقاب اقل من الفايدة اللي ياخدها ماتبقاش مشكلة ..لا..انا عاوز النهاردة العقاب يبقى رادع زي مخالفات البناء هو يدفع مختل6ة وبيتصالحمع الراجل اللي اداله رخصة الان ما هي كل دي مجالات موجودة لكن لو انا بخلي العقاب هي العقوبة او هي الرادع معنى لو انا قلت له لو بنيت حاجة مخالفة مش بس ههدها دا انا هدفعك تمنها مثلا يعني لازم تبقى العقوبة رادعة قانون الوظيفة المدنية بيشدد العقوبة على الفساد وبيخليها مؤثرة لانه ممكن تبقى العقوبة كبيرة ومعرفش اطبقها برضه، انت متقدرش تقول هعين مراقب لكل مواطن او لكل موظف يبقى لازم الردع تاخد مثال تردع الباقي كله هيلتزم
عبد اللطيف المناوي: احد المشاكل اللي بيعاني منها المستثمرين هي التعامل مع عدد كبير من الجهات الحكومية ومن عدة اعوام رفع شعار التعامل مع شباك واحد للتعامل مع المستثمر السؤال هو- لماذا لم نصل بعد الى هذا المستوى لماذا هناك مستثمرون يعانون من التعامل مع جهات حكومية مختلفة؟
د. احمد نظيف:شوف هو الوضع اتحسن كتير لكن مقدرش اقول اننا وصلنا للي احنا عاوزينه لان زمان عشان تؤسس شركة مثلا تاخد شهور النهاردة الشركة بتتعمل في 48 ساعة احنا من اسرع الدول النهاردة في تاسيس الشركات لكن لما تاسس الشركة تبقى عايز تاخد رخصة مثلا من المحليات من البيئة من الدفاع المدني فلسه فيه تعدد في الجهات اثناء التنفيذ النهاردة ندور ازاي الكلام دا يتعمل بشكل ما يبقاش مزعج للمستثمرين وازاي يبقى عمل الجهات دي عمل شفاف ما يعملش فرصة للفساد وفي نفس الوقت ما بيبقاش معوق للاستثمار او معوق للانتاج لانه الاستثمار تم فدي بتبقى الشكوى اللي موجودة وبنحاول نعالجها بشكل كبير لكن هيبقة غيه علاقة دائمة بين المشروع والمستثمر والمنتج والدولة من الناحية الاخرى ممثلة في جهاتها المختلفة ومانقدرش نحجر على جهة لكن نقدر اننا نحط نظام شفاف انها ماتسمحش انه الاستثمار يستثمر باس شكل يخالف قوانين الدولة
عبد اللطيف المناوي: العديد من الموضوعات لازالت محل نقاش وهي الموضوعات التي سنطرحها بعد هذا الفاصل القصير
فاصل
عبد اللطيف المناوي: يستمر الحوار مع الدكتور احمد نظيف حول العديد من القضايا المطروحة في الشارع احد الاسئلة التي تعرضت لها دكتور نظيف تحدثنا عن نسبة نمو 7% هناك نمو السؤال هو لماذا لم يشعر المواطن بهذا النمو؟
د. احمد نظيف:مش كل المواطنين لازم في النهاية نعترف ان احنا واحنا بنعمل عملية تحول اقتصادي بهذا الشكل فيه ناس بتتاثر ايجابيا فيه ما بتحسش قوي فيه ناس ممكن تتاثر سلبيا كمكان احنا حاطين في الاعتبار هذا لكن المتوسط بيرتفع اذا المتوسط بيرتفع عند الناس فوق المتوسط بيطلعوا اسرع وعادة بيبقوا الناس القادرين الاغنيا او المثقفين او المتعلمين او صاحب الحرفة او صاحب المهنة دا بيتاثر ايجابيا فيه ناس تانية يعني شخص ماكملش تعليمه او حتى كمل تعليمه لكن في مجال مش موجود في السوق النهاردة فلازم يطور نفسه احنا بقى بنساعد وهنا مبدا العدالة الاجتماعية انك انت كحكومة بتشجع النمو الاقتصادي انزل حضرتك المجمعات الكبيرة اللي حوالين القاهرة شوف النهاردة حجم الرواج الاقتصادي اللي موجود
عبد اللطيف المناوي: مقابل دا هناك حالة من حالات الارتفاع في الاسعار اللي في بعض الاحيان بتكون صادمة للمواطن البسيط والعادي
د. احمد نظيف:دا صحيح لكن اللي يحكم ان دا صادم وبيحد من قدراته هو الاستهلاك لو الاستهلاك زاد لو انت لقيت انك انت بتبيع صنف معين زاد أي حاجة البيض او الجبنة البيضاء وسعره كان زايد دا معناه انه فيه دخل جه ادى الى انه رغم زيادة السعر الناس اشترت فاحنا عينا بتبقى على الاستهلاك وانت بتعمل هذا التحول وهذا النمو في حاجة اسمها التضخم لازم تحدث التضخم دا النهاردة حوالي 10% وحتى اليومين دول نازل شوية اتحسن لانه في الشهرين دول الاسعار بتنخفض
عبد اللطيف المناوي: دا نتيجة لايه؟
د. احمد نظيف:لو تفتكر في سبتمبر واكتوبر كانت اسعار الخضار طالعة النهاردة اسعار الخضار نازلة واسعار البيض نازلة فاذن في النهاية فيه رواج اقتصادي وفيه اسعار بتزيد لكن فيه دخول بتزيد معاه وهنا المعادلة الصعبة اللي احنا بنقولها والسياسة اللي احنا مؤمنين فيها فعلا ان النمو الاقتصادي هيؤدي الى ارتفاع مستوى المعيشة دا معناه ان الدخل يزيد اكتر من الاسعار وآما دا يحدث على المستوى المتوسط لكن لبعض الناس دخلها ما بيزيدش على مستوى الاسعار اللي هما نقدر نقول اللي هما ال20% تحت خط الفقر دول دورنا ان احنا نتدخل مباشرة ودا اللي احنا عملناه عشان كده سياستنا نوعين وعشان كده دايما بقول هذه الحكومة رغم الاتهام لها انها تنحاز الى الاغنياء ورجال الاعمال هي اكثر حكومة انحازت لهذه الطبقة والكلام دا بالارقام شوف حضرتك اجور العاملين في مؤسسات الدولة والناس اللي بتستفيد من بطاقات التموين احنا زودنا العدد الى 60 مليون احنا زودنا عدد البطاقات وزودنا عدد الناس اللي في البطاقات والسلع اللي على البطاقات وحافظنا على رغيف العيش ب5 صاغ في ظل زيادة غير طبيعية في اسعار القمح حافظنا ايضا على الضمن الاجتماعي وشبكة الضمانات الاجتماعي الناس الذين لا دخل لها ورفعنا عددهم رفعنا المبلغ اللي بياخدوه الى 120 و150 جنيه اذن احنا بنعمل حسابنا انه ازاي نركز على الطبقات المتوسطة
عبد اللطيف المناوي: والتزامكم كحكومة مرتبط بايه هل انتوا عندكم التزام دائم مع هذه القضية ام هو التزام وقتي؟
د. احمد نظيف:لا دا التزام دائم وتكليف من الرئيس ، الرئيس اتلكم اصلا على التشغيل والاستثمار والعدالة الاجتماعية ولازم نقول دي واحد ودي اتنين عشان دي اللي بتجيب دي دايما بنقول طيب هنجيب فلوس منين عشان اخد بالي من الطبقات محدودة الدخل لومكانش عندي شكل اقتصادي اجيب منه ضرايب يعين شوف حضرتك ضريبة المبيعات السنة اللي فاتت زايدة بحوالي 18 % حصيلتها معناها ان المبيعات زدت بنسبة 18% دي كلها دلائل
عبد اللطيف المناوي: عايز اسال كل الارقام خليني اقول ان الناس لا تتعاطى الارقام التوجه العام السوق العام ييقول انه فيه حالة من حالات الفقر المتزايد الغني يزداد غنى والفقير يزداد فقر هناك تراجع في دورالدولة في ضبط الاسواق ليه دا الاحساس العام السائد لدى الناس فين الخلل؟
د. احمد نظيف:الاحساس دا جاي من حاجتين مهمين فيه بعض الناس جزء جاي من الطموح والطموح مشروع للناس أي واحد عايز يحسن نفسه ودايما بيبص للي جنبه انت عارف حضرتك لو دخلي زاد 10 جنيه وجاري 200 جنيه هحس ان انا مش واخد حقي ودا طبيعي جدا لكن في النمهاية احنا عندنا مؤشرات لا تحتمل الخطا زي ما اديتك مثال الكهربا استهلاكه بيزيد اذن قدراته بتزيد اذن الشعور دا موجود ولا ننكر انه في التحول الاقتصادي بيخلق نوع من الطبقية في توزيع الدخل لكن احنا جربنا الاشتراكية جربنا توزيع الدخل على الكل حصل ايه احنا النهاردة بنتكلم عن السعر محدش تكلم عن جودة السلع هو السعر بيزيد اه لكن ماهو معروض اولا جودة كبيرة من كل الانواع من اول الحاجة الغالية لاقل حاجة فيه تنوع وفيه جودة فيه مستوى جودة في السوق ودا ماجاش من فراغ اذن اليات السوق بتتغير صحيح احنا معندناش رقابة نوع الرقابة اتغير كان الرقابة زمان مفتش التموين بتبيع بالسعر دا ولا منا بتبيعش يقوم حاطط لك الحاجة البايظة في الوش وحاطط لك عليها السعر اللي انت عايزه او تشح السلعة خالص ما تلاقيهاش ونفتكر كلنا طوابير فراخ الجمعية النهاردة الكلام دا مش موجود دور الدولة في الحالة دي اولا الكلام دا بيتغير بانه يبقى عندك اجهزة حماية زي جهاز حماية المستهلك النهاتردة الجهاز موجود بيتلقى الشكاوى اذا حد اتضحك عليه لكن ضبك السعر بيجي من المنافسة وعشان كده عندا جهاز اخر انشئ جهاز لمنع الممارسات الاحتكارية لانه احنا مؤمنين ان اكتر حاجة تضبك السوق انه يخلق فيه تنافس اول مادا يعرض سلعته ودا بيعرض سلعته دا عاوز يبيع ودا عاوز يبيع دا هينزول سعره تحت شوية علشان يببيع فاللي بيضط السعر هو التنافس وكل ما يكون فيه انتاج اكتر كل ماكان فرصة التنافس دي موجودة
عبد اللطيف المناوي: هل ممكن للدولة انها تقوم في بعض الاحيان بدور ضخ سلع معينة امام المافيات اللي بتسيطر على هذه
د. احمد نظيف:دا العنصر التالت في ضبط الاسواق ودا بيتم في بعض السلع الاستراتيجية زي رغيف العيش والسكر ، السكر النهاردة بقى ب5 جنيه و6 جنيه احنا بنبيعه في بطاقات التموين بجنيه ونص وبنبيعه ب60 مليون واحد وبتبيع لكل واحد 2 كيلو الرز نفس الشئ والشاي والزيت دي كلها الدولة داخلة ومحدداها ومحددين حاجات في الخدمات من اول تذكرة الاتوبيس وتذكرة القطر دي اسعار ثابتة محدداها الدولة
عبد اللطيف المناوي: هناك بعض من الادوية
د. احمد نظيف:الادوية احنا مسعرينها يعني فيه سلع استراتيجية الدولة متدخلة فيها وستبقى متدخلة فيها لكن مع ايجاد البدائل وايجاد المنافسة لانها مطلوبة برضه
عبد اللطيف المناوي: والمسالة الخاصة باللحوم هذه التجربة والتي دخلت فيها الدولة ووفرت اللحوم السؤال هو ايه هو الدرس اللي بنخرج منه من مثل هذه التجربة وايه هي الممارسات اللي ممكن الدولة تبني عليها لمحاربة هذه المافيات المعينة المستغلة لاحتياجات المواطنين؟
د. احمد نظيف:هو الدرس الرئيسي هو التنوع لاننا فتحنا على الاسواق الافريقية مثلا اللي هي ممكن نجيب منها لحمة اللي ممكن تتباع في السوق ب30 جنيه بينما اللحمة اللي بنجيبها من بلاد تانية بعيدة زي البرازيل واستراليا وةغيره بتوصل ل60 و70 جنيه فاذن انت اوجدت بديل واضح وجيد للناس ، اللحوم البلدية في مصر غالية وفيه بلاد الاقتصاد بتاعها ضعيف لكن عندها ثروة حيوانية وبالتالي يجب ان احنا نحسن التجارة معاهم احنا نضرب عصفورين بحجر وبنكسر احتكار مستوردي اللحمة الغالية هما بيقولوا دي السكة اللي انا عارفها فبحافظ عليها وممكن يحارب انك انت تفتح اسواق جديدة لكن ه مش استغلال هو بيبيع بهامش ربح معقول وفيه تنافس في هذا المجال يعني هي مش مافيا فيه عدد كبير من المستوردين ولكن بيجيبوا من الدول الليهما عارفين مصادرها النهاردة احنا شجعنا مستثمرين اخرين ان هما يروحوا للدول الافريقية او لدول اخرى عشان نجيب مصادر اخرى فدا شئ جيد عندك مثال تاني صناهة الدواجن النهاردة حتى اثناء انفلونزا الطيور قدرنا نحافظ على صنعة الدواجن في مصر ومازالت هذه الصناعة جيدة جدا ومازال سعر الدواجن في مصر سعر معقول جدا وهي بديل جيد جدا للحمة ، الثروة السمكية دي من الحاجات اللي احنا اهتمينا بيها في الفترة الاخيرة وهيئة الثروة السمكية النهاردة عندها برنامج انها تضاعف دا وابتدا الانتاج عمال يزيد واحتننا عندنا برنامج للثروة السمكية النهاردة وبنطبقه واتصور ان دا هيبقى له تاثير جيد جدا على سعر اللحوم في مصر، كل دي صناعات لازم تتطور وبنطور فيها النهاردة ولها برمج محددة عاملاها وزارة الصناعة وزارة التجارة عشان نزود القيمة المضافة لانتاجنا الغذائي في المرحلة الجاية ودي نقطة مهمة جدا الحقيقة مش مرتبطة بالجاني الاقتصادي بس لكن مرتبطة بالجانب الاجتماعي احنا ما بنشربش لبن جيد في مصر ومع ذلك انتاجنا امكبر من استهلاكنا جزء منها الثقافة العامة وجايز برضه التكلفة مش مناسبة فاحنا بنفكر ازاي ان احنا نعظم من هذه الصناعة ونحسن من اليات التسويق بتاعتها بدل ماهي مازالت بدائية الى حد كبير بحيث اننا نوجد اللبن واللبن عنصر غذائي مهم جدا خصوصا للاطفال
عبد اللطيف المناوي: دا هيدخلني لمنطقة اخرى مهمة وهي المسالة المرتبطة بالريف والفلاحين وكما يبدو فان هناك صحوة متأخرة للاهتمام بالفلاح المصري في اطار العامين او التلاتة السؤال هو ماهي مخططاتكم للتعامل مع الفلاح المصري؟
د/احمد نظيف: مفيش شك شوف حضرتك الفلاح المصري شاف في السنتين التاليتين الاخرانيين تطور حتى في داخله حتى في اهتمام الحكومة بيه وبترد برضه على ان الناس تشعرولا ما بتشعرش، الفلاح المصري دا جزء مهم من المجتمع انا بقول العامل المصري شعروالفلاح المصري شعر، العامل المصري حضرتك تذكر لما نكون ماشيين في الشارع وعمال البنا والمقطف مستني يدورعلى شغل ما يتشافش المنظر دا النهارده ليه لانه اشتغل في مئات المشروعات اللي شفناها في التنمية الصناعية وبنا المساكن وبنا الفنادق هو دا اللي الناس شعرت بيه بس الناس ما بتتكلمش دايما تسمع صوت الشخص المتألم لكن الشخص الراضي عندنا ما بيتكلمش بيؤمن بالحسد فبيسكت ، وعندنا الفلاح احنا مؤمنين ان مصر بلد زراعية وهتبقى الى امد الدهروهي منتجة للزراعة وسلة للغلال لكن عندنا مشكلة سكانية بتاخد اكترلذلك احنا بنستورد جزء من غذائنا من الخارج شوف انتاج القمح في مصر زاتد سنة 80 كان 2 مليون طن النهارده فوق ال8 مليون طن ومع ذلك لازلنا بنستورد لانه لما كانوا 2 مليون كان السكان 8 مليون دلوقت استهلاكنا زاد 13 مليون لان السكان زادوا احنا بننتج 200 مليون رغيف في اليوم في النهاية فيه تطور حصل واعتقد اننا هنكمل في الاتجاه دا اهمها في ريي انا المية احنا نقدر عندنا بالمية دي اكتر من كده بكتير دا اللي بيصعب على الواحد لكن احنا مازلنا بنستخدم المية في الزراعة زي ما يكون مالهاش اخر
عبد اللطيف المناوي: دا يصعب عليّا انا كمواطن ولكن انا بطلب منك كمسئول لاجراءات
د/احمد نظيف:المشكلة مش سهلة انت بتشوف دول حواليك بالانبوبة يقدر يزرع بالتكنولوجيا الحديثة دي قد اللي بنزرع يه مرتين طب ايعه المشكلة ..؟ اهم مشكلة بتصادفنا في الارض القديمة الملكية انت النهارده نتيجة قوانين الاصلاح الزراعي اللي تمت في الخمسينات وغيرها كانت الملكية خمس فدادين والناس دي ورثت بقت الناس تتكلم في القراريط مش الفدادين طب القراريط دي يعمل ايه يطورنفسه ازاي اذن الفكر النهارده يجب ان يكون ازاي نجمع تاني مش الملكية لان الملكية دا حق مشروع ولكن الادارة ودا اللي وزارة الزراعة شغالة عليه مع وزارة الري ازاي نرجع تاني للتعاونيات اللي هي انا عندي كذا قيراط وانت عندك كذا قيراط الحوض دا كله يجتمع مع بعضه نبقى 50 فدان ويجتمع مع بعضه في شكال ما بحيث ان هويطور الزرعة بتاعته يطور نظام الري ونظام الصرف والدولة تساعد واحنا اللي بنفكر فيسه ان اللي يعمل كده الدولة تساعده اكترمن اللي ما يعملش يبقى فيه حوافز اجابية تساعد الناس انها تعمل كده وبرضه خدنا بعض التشريعات اللي بتساعد في هذا المجال يعني هديلك مثال الانتاج الزراعي معليهوش ضرايب باخد من الشركات يعني لو الشركة هي اللي بتزرع بتدفع ضريبة ارباح تجارية فانا كده ماشجعتش الناس انها تعمل شركاتت ودا حافز سلبي مش ايجابي فالنهارده بنفكر نجمع الناس دي تاني في شركات لما ازرع 100 فدان حتى في التشغيل هتفرق لما بنتكلم النهارده عن التجارة الداخلية دي عنصر اساسي في التطويرلان النهارده لما الفلاح بيزرع حتة ارض هو بيحصد بنفسه تبص تروح تشتري الحاجة من الارض الطماطم بسعر وعلى ما يوصلك عند البقال بتكون ارقام غير عادية كطيب مال الحلقات دي كلها ممكن اختصارها وممكن تحسين كفائتها ودا اللي لازم نهتم فيه برضه ، لما يبقى عندي ارض كبيرة شوية او بتكلم باسماء ناس بيبقى اقوى بدل ما اتكلم منع ناس كده اروح تكلم مع مصنع صلصة
عبد اللطيف المناوي: هذا التفكيروفي مجالات اخرى مختلفة هناك ملاحظة واضحة ان هذا التفكير لا يصل الى المواطن في نهاية الخط وخاصة الفلاحين انا استطيع ان اؤكد لك ان هذا التفكيروهذا الاسلوب لم يصل عد الى الفلاحين الصغار السؤال هنا هي المشكلة فين المشكلة حالةى الانعزال حالة انفصال استخدام لغة مختلفة ومغايرة عدم توافق بين الفلاح والحكومة فين المشكلة
د/احمد نظيف: انا مش عايزاواجه نقد بنقد ولكن عايز اقولك حاجة عاصرت احنا بننزل نزور قرى وفلاحين القاعدة في مصر واعية فيها وعي شوية مش مافيهاش وشفناها الحزب الوطني بيتحرك كتير في هذه المناطق بيقابل والناس وانا قعدت مع فلاحين واتكلمت معاهم والكلام دا فاهمينه كويس ، الاعلام احيانا بيديني صورة تختلف عن الواقع لانه بيعتمد في بياناته اساسا على بعض الخبراء جاية من الجامعة مش بيجيب الفلاح نفسه يستضيفوا فلاحن بجد عمال بجد ماشفناش احنا دايما بنشوف ناس لابسين بدل وانا معلوماتي ان الفلاحين ما بيلبسوش بدل فمهم جدا اننا ننزل .....
عبد اللطيف المناوي: انا جبت فلاحين بجلابية وقعدوا معايا واتكلموا وانا نقل كلامهم جزء منهم كانت فيه انفصال في الحديث او الحوزار ما بين الوزارة والوزير وبين ما يطرح من افكاروفيه انفصال لم يصل الى القاعدة وبيسمع بتخوف وبيسمع بقلق معندوش معلومات واضحة معندوش لغة يوصل لهم انا بتكلم عغن الفلاحين وعن اطراف اخرى من المجتمع هنا انا بسال السؤال هل مطلوب قنوات للتواصل هل مطلوب نزول المسئولين بشكل اكبر من القواعد بشكل اكبر كده ؟
د/احمد نظيف: شوف حضرتك انا بقول كل ماقدرنا نتفاعل اكتر مع القواعد دا مفيد للطرفين لان انا مش من الضروري ان اكون محتكرالفكر دا ممكن افكار بتيجي من تحت افضل من الافكار اللي احنا بنقولها لان فيه ناس ايدها في النار زي ما بيقولوا وبعدين فيه ناس قاعدة بعيدا عن هذا بتفكر بشكل اكاديمي دا انا ما بعترفش بيه يجب اننا نشرك اصحاب القرار وانا بذكر ان لما منت وزير الاتصالات كنت بجيب كل اطراف الموضوع الشركات الصغيرة والمستهلك على طرابيزة واحدة وبنقول احنا عاملين استراتيجية علشان نطور هذه الصناعة نطورها ازاي ، احنا بنعمل كده على صناعة الالبان مثلا ياجماعة الفلاحين اللي عنده جاموسة وبيحلبها يودي اللبن فيه وشفنا زمان مراكز التجميع النهارده مش موجودة النهارده بنطور هذه المراكز فانت بتنزل للقواعد مش ما بتنزلش في حاجات معينة وفرصة ان القنوات الاعلامية النهارده بقت منفتحة وما بقاش الاعلام تليفزويون بس او صحافة بس يعن انتا باخد النهارده معلومات كتير جدا من الفيس بوك عن ماباخد حتى من الجرايد لانم الجرايد زي ماقلتلك عادة بيبقى واحد زيي واحد بيتلقى الخبر وبيكتبه ، التليفزوون يمكن احسن شوية يمكن بينزل الشارع اكتر لكن مفيش احسن من انت تكلمن صاحب الشأن نفسه
عبد اللطيف المناوي: ارجع تاني لموضوع المية اللي ما يقفش عند الاستخدام الامثل لمية النيل والترع وكذا ولكن ايضا مسالة المياه الجوفية من الواضح فعلا ان فيه حالة من حالات الفوضى العارمة في استخدام المياه الجوفية في مصرهناك المنتجعات على طريق الاسكندرية الصحراوي الذي كان مخطط ليه ان يكون زراعات تحول الى منتجعات سكنية فاخرة وشاهدنا صور لمراكب صغيرة بتمشي داخل هذه البحيرات هناك حالة من حالاتات الانتهاك لحقوق الاجيال الجاية وحقوق البسطاء السؤال هنا ماذا سوف تفعلون فيما يتعلق المياه الجوفية في المستقبل وماذا انتم فاعلين مع ماتم بالفعل حتى الان
د/احمد نظيف:عشان نحط الصورة في وضعها الحقيقي اه فيه منتجعات اتعملت في طريق مصر اسكندرية او في الاسماعيلية لكن لازم نقول حقائق اخرى وموازية لهذا ان مثلا 80% من صادراتك الزراعية النهارده بتطلع من الارض المستصلحة على الطريق الصحراوي اللي حضرتك بتتكلم عليه انا زرت المزارع بنفسي وشفت كمية الشباب الصغير والبنات اللي بيجوا من وسط الدلتا كل يوم ويعدوا النيل ويعدوا الصحرا عشان يشتغلوا في مراكز التعبئة ومراكز التجارة بتاعة هذه الشركات اللي اصبح منها شركات عملاقة النهارده فالحقيقة انه فيه جزء منتجعات لكن معظم الاراضي الجديدة دي اراضي منتجة واراضي متميزة وللتصدير فهي بتضيف اضافة كبيرة لاقتصاد المصري لكن ارجع اوافقك ان هناك نوع من السحب الجائر للمياه الجوفية بيحصل في بعض المناطق عشانم كده الحكومة اعدت قانون جديد للمياه الجوفية تحديدا عشان نحدد كل بير بيتعمل له رخصة وله استخدام ولابد ان يحافظ على الاستخدام اللي موجود في الرخصة وله معدل سحب يعني في بعض الاراضي اللي فيها زراعة بتزراع مزروعات منم اللي بتستهلك مية اكتر من معدل البرسيم مثلا فدا مش مسموح له انه يزرع الا تلت المحصول برسيم وهو جرى على كده لانه محصول بيكسب اكتر يبقى اخالف القانون هتتحط هذه الحاجات في قانون جديد هيدخل مجلس الشعب ان شاء الله
عبد اللطيف المناوي: طيب ما الموقف فيمن تجاوز وكما تقول الصحافة هو جزء كبير من المخالفات اسيه الموقف ف المخالفات التي تمت بالفعل ولا هيكون عفا الله عما سلف
د/احمد نظيف: لا احنا مفيش عفا الله عنا سلف لانه اللي اخد حق من الدولة هيتحمل نتيجة هذا الحق ودا تم بالفعل هيئة التنمية الزراعية اللي هي كانت مسئولة عن بيع هذه الاضي لاغراض معينة كانت اما لاني ببيع بغرض التنمية الزراعية او تنمية زراعية عمرانية بمعنى انهم كانوا بيسمحوا بنسبة بناء على هذه الاراضي كانت بترتفع حتى 10% بموافقة هيئة التنمية لسنوات طويلة جدا فاحنا جينا قننا هذه المواضيع كلها وتأكدنا ان في ناس خالفت هذا دول بيتحاسبوا النهارده وعملنا ازالات بالفعل تمت على هذه المنتجعات خلينا نقولها من الناحية الاقتصادية البحتة اذا كانت هذه الحاجات مطلوبة والناس طالباها وهي اقتصاديا سليمة طب ما اعملها انا بس اعملها بطريقة مقننة وساعتها اقول ان البير المستخدم في الزراعة يدفع كذا والبير المستخدم في المنتجعات يدفع كذا بنسبة معينة يني اقول ان 5% بيستخدم في المنتجعات دا مطلوب واقتصاديا حاجة كويسة ما تنساش ان المنتجع دا بيسعمل تنمية عمرانية وبيشغل ناس كتير يمكن اكتر من المزرعة وبعدين المنتجعات دي بيبقى فيها مزارع انا ساكن في المنطقة دي حوالي الاف من النخيل مثلا بتطلع بلح ممتاز
عبد اللطيف المناوي: مرتبط بنفس الموضوع موضوع اراضي الدولة اثير في الفترة الماضية مسالة مرتبطة باراضي الدولة ويع اراضي الدولة مين بيملك اراضي الدولة وايه القواعد المنظمة السؤال هو الا تعتقد بان فكرة بيع الارض اصبح امرغير مستحب وغيرمتوائم مع كطبيعة العالم كله اللي بيعمل انتفاع ايه الموقف في اللي جاي وهتعملوا ايه في اللي فات
د/احمد نظيف:الموضوع دا خد اهتمام كبير حتى في خطاب الريس واقدراديلك الملامح الرئيسية احنا بنفكر ازاي في هذا الموضوع اول حاجة الملامح الرئيسية ان الارض قيمتها في استغلالها وخصوصا ان احنا بلد عايشة على 6%ر يعني احنا عندنا مليون كيلو مترمربع ما بنستغلهمش فاحنا معندناش مشكلة ارض لكمن المشكلة في كيف تستغل الارض معنى لةو امنا عملت ارض وقلت لك الارض دي هنعملها مدرسة قيمة الارض تختلف عن لو قلت لك اعمل فيها مثلا فندق اومنتجع سياحي او مدينة سكنية وممكن تكون مدينة سكنية معملة لمحدودي الدخل وممكن تكون مدينة سكنية معمولة لمستثمرين ومنتجعات كل حاجة من دول لها قيمة ولها تمن في الارض نفسه دا غير كمان ان ترفيق الارض بيحط سعر للارض بمعنى ان لما اجي اعمل منطقة صناعية واوصل مرافق المنطقة الصناعية تختلف عن مرافق المنطقة السكنية دا عايز كهربا اكترعايز صرف صناعي يجي يقولك فيه ارض ادوها لمستثمر ب300 جنيه وفيه ارض تانية اتباعت بالفين جنيه دا صحيح لكن المستثمر اللي خد ب300 جنيه دا مشروع مدينتي دا واخد ارض صحراوية جديدة تماما لما طرحناها محدش جالنا غيره وبيعمل فيها كل المرافق على حسابه وهو الليي يعمل التسويق وهو اللي واخد كل المخاطر اللي عليها الاستثمار الارض اللي قارنوها بيها بالفين جنيه لانها اتباعت في مزاد وعلى ناصية واتوصل لها كل المرافق وبقت ارض فعلا باللغة الدارجة متسقعة يعني ما يتنفعش اقارن الا بنفس الحاجات ، العنصر التاني المهم انه لابد انه استخدامنا للاراضي يحكمه بالدرجة الاولى التخطيط يعني ما اسيبش كل واحد يروح عامل لي مصنع جنب مدرسة احنا النهارده قانون التخطيط عمل مجلس اعلى للتخطيط والتنمية العمرانية هذا المحلس بيراسه رئيس الوزارة ومعظم الوزارات اللي ليها علاقةو بالاراضي وخبراء ف كل المجالات المرتبطة بهذ ا الموضوع ، المجلس دا دوره الرئيسي انه يحدد استخدامات الاراضي والقانون الجديد هيدي المجلس دا سلطة تحديد استخدامات الاراضي عايز تنمية زراعية هنا اخصص هذه الارض لهيئة التنمية الزراعية عايز تنمية سياحية على البحر الاحمر في المنطقة الفلانية اخصص لهيئة السياحة
عبد اللطيف المناوي: هل احنا عندنا خريطة واضحة ؟
د/احمد نظيف:عندنا خريطة واضحة تماما وبيتم تحديثها لانه احنا استخداماتنا ممكن تبقى زراعة ممكن تبقى صناعة ممكن تبقى سياحة ممكن تبقى سكن عمران مكن عشان استكشافات البترول والمعادن ممكن استخدامات خاصة بالقوات المسلحة بتستخدم جزء من الاراضي عشان حماية الدولة كل واحدة من دول لها جهة مسئولة عنها ممثلة اذن الجهات دي حتى بيحصل تداخل بينهم يعني ممكن اخصص حاجة للسياحة واكتشف ان فيها ارض بتاعة بترول دا بقى عندنا جهاز اخروهو ادارة اراضي الدولة وكمان هننشئ جهاز حماية اراضي الدولة ، بمعنى انه بيشير على كل ارض هي بتستخدم في ايه تانتي حاجة هو يراقب الاستخدام نمرة تلاتة بيفض الاشتباك دا جهازالحماية،جهازالادارة بيقول فيه ارض كذا انت واجبك انك تحمنيها وفيه ارض ماخصصنهاش كتير بيحميها هذا الجهاز ، جهاز الحماية دا هيبقى جهاز مهم جدا ايضا وفيه محافظات مسئولة طبعا عن الاراضي داخل كردون المدن ماخارج ذلك بيبقى هيئات تنمية لابد يتحطوا في نسيج واحد يحدده القانون دا ، وضع اليد دا انتهى من القاموس بتاعنا تماما لان جا كان احد سبل الفساد الرئيسية وللاسف كان موضوع في بعض التشريعات انا دعيت القانونيين وخليتهم يشوفوا ازاي نقفل الثغرات اللي بينفذ منها تجار الاراضي
عبد اللطيف المناوي: احنا لسه فيه ارض عند الدولة عشان تحمى ؟
د/احمد نظيف: انا بقول لحضرتك كل اللي مستخدمينه 6% ماشاء الله 900 الف كيلو متر مربع الاراضي الفاضية مصر الغنية باراضيها احنا لسه بنتكلم عن ممرات التنمية وازاي نوسع الوادي ، فيه نظرية بتقول ان احمنا كنا دولة زراعية كنا بنمشي حواليتن النيل طب خلاص دا استنفذ اغراضه لان المية اللي هتيجي من النيل مش هتزيد اذن التنمية القادمة هي تنمية خدمات وصناعة اكتر من تنمية زراعية يعني انت النهارده لما عدد السكان هيوصل ل150 ملون في يوم من الايام فبالتالي انت لازم تتجه للخدمات وللصناعة يبقى التنمية بتاعتك هتبقى تنمية في الغالب شاطئية لازم هنفكر في شواطئنا ساحل البحر الابيض المتوسط وساحل البحر الامحمر على اساس انهم مجالات التنمية المدجن الجديدة للي بنفكر فيها النهارده في العلمين مدن على البحر فاتجاه في التنمية هنمشي هيئة بيحدد اراضي جديدة خالص في سينا مثلا فيها مجال استثمار غير عادي
عبد اللطيف المناوي: هل هنعتمد علي المستقبل على بيع الارض الى الابد ام هنعتمد على فكرة حق الانتفاع لمساحات زمنية معينة ؟
د/احمد نظيف: هو حق الانتفاع ينفع في بعض حاجات ولكن خلي بالك احنا ثقافتنا كمصريين نحب الملك ويقولك عواد باع ارضه يعني خلي بالك دي حاجة جوانا لكن ما بنملكش الاجانب الاراض بنملكها للمصريين وفيه قوانين بتحط حدود لهذه الملكية يعني اجنبي بيملك شقة او بيملك بيت لكن لما ييجي ياخد بيت تاني لازم ياخد موافقة ، فيه مناطق معينة تبقى حق انتفاع يعني مثلا في سينا نتيجة الحساسية السياسية الجغرافية لسينا ، سينا مصجر للغزو المصري عبرالقرون والقرون فدي خط الدفاع الاول ولها حساسية معينة ولذلك احنا طلعنا قرار ان الارض في سينا ما تتباعش بالتملك ولكن تباع بحق الانتفاع لانه ممكن يكون شركة فيها مصرؤيين وفيها اجانب فحق الانتفاع احد الوسائل ولكمن الدراسات بتاعتنا بتتقول انه ما تقدرش تعتمد عليه لوحده عشان تجذب استثمار وخصوصا للقوى الوطنية
عبد اللطيف المناوي: بس فيه دول كتيرة بتعمل حق انتفاع ومعندهاش مشكلة مع الاستثمار دول اوربية ودول اسيوية؟
د/احمد نظيف: دي دول مش محتاجة الاستثمار لكن في دول زي اسيا زي ماليزيا بتدي الاراضي بلاش واحنا عملنا كده في الصعيد ادينا الاراضي الصناعية مجانا ودا اللي شجع المستثمرين انهم يروحوا هناك زي ماقلت الارض قيمتها في استخدمها طب انا لما ادجي حق انتفاع هديه كام سنة 150 او 200 سنة الجدوةى بتيجي من القيمة المضافة اللي بحطها فوق الارض لو القيمة المضافة اتحطت وواحد يملكها طب دي بتزعلني في ايه لو ابنى على ارض زراعية مملوكة للقطاع الخاص احنا عمرنا ماكانت الدولة بتملك ارض زراعية مثلا لكن القيمة بتيجي في اللي انا هحطه على الارض
عبد اللطيف المناوي:من الموضوع اللي اثرته هو موضوع سينا وسينا مع شديد الاسف احنا عندنا مواسم بنتكلم عن سينا في ابريل واكتوبر وبننسى الكلام عنها بعد كده نتحدث عن مشروع تنمية سينا والارتقاء بسينا واظن كما ارى وكما يرى كثيرون ان سينا ليست ففي مقدمة الاجندة الوطنية المصرية في عملية التنمية السؤال هو هذا المشروع عن تطوير سينا والارتقاء بيها متى يكون واقع على الارض
د/احمد نظيف: اولا انا الكلام دا بسمعه كتير وبحس ان فيه ظلم كبير لعصر الرئيس لما استلمنا سينا مع بداية عام الرئيس مبارك كان شكلها ايه كانت مدمرة ومكانش فيها مرافق وكان حتى اليهود عاملين مستعمرات هدوها وهما ماشيين ومكانش فيها سياحة والبترول كان متاخد شوف النهارده شرم الشيخ دي معجزة ..منطقة خليج العقبة اللي فيها اكتر من 50 او 60 الف غرفة فندقية بتجيب تلت السياحة في مصرماهي دي سينا مش حتة تانية ، المية اللي عبرت قناة السويس ودخلت عشان تزرع 200 الف فدان في سينا النهارده بينتج منها 50 او 60 الف فدان دا تم امتى دا..!!! تم في السنين اللي احنا فيها دي ، خط االغاز اللي عبر لسينا النهارده ووصل الى جنوب سينا اللي وصلناه للعريش ورفح عشان اهل سينا
عبد اللطيف المناوي: بس هل دا اللي نستهدف له زي ما انت قلت ان سينا هي الخط اللي بتاتي منه الغزوات يعني خط الدفاع الاول الكثافة السكانية مطلوبة سينا ولكن وسط سينا هي جزء اصيل كممن سينا شمال سينا هي جزء اصيل منة سينا؟
د/احمد نظيف: انا بكلمك عن اللي تم مش على المستهدف ولكن احنا النهارده ما نسيناش اهل سينا احنا كم ابيار في وسط سينا عشان المية وعشان المرافق ، العريش واخدة نصيبها في مجال الصحة والتعليم والمستشفيات والمدارس بتتبني ولكن المستهدف اكبرمن كده بكتير احنا شايفين الفلسفة بتاعة الفترة الي جاية هي اولا المنطقة العمرانية الصناعية اللوجستية في شرق بورسعيد دي منطقة في سينا في ناحية تانية من القناة حجمها ضخم جدا هتبقى اكبر تجمع صناعي على مستوى الجمهورية ويمكن على مستوى الشرق الاوسط لان حجمها ضخمك جدا معاها المينا بتاعة شرق بورسعيد لان المينا واعد حقيقة واصبحت تالت اكبر مينا في البحر المتوسط في حجم الحاويات معاها ايضا مدينة جديدة كل دا في سينا ايضا بننمي منطقة سياحية جديدة لانه شرم الشيخ اتاقفلت وتقريبا خليجا العقبة كله اتقفل هننتقل لخليج السويس كل دا هيعمل فرص عمل لاهل سينا دا كله موجود ضمن خطة تنمية موجودة النهارده ونرصد لها في الموازنة كل سنة مبالغ استثمارية وبنفكر في نفق جديد يعبر جنوب بورسعيد وخط سكة حديد لغاية العريش
عبد اللطيف المناوي: توقف هذا المشروع؟
د/احمد نظيف: توقف لكن احنا النهارده قاعدين بنحيي هذا المشروع اذن سينا عمرها ماسقطت من تفكيرنا احينا محددات التنمية بتبقى كتير واحيانا اولوياتك ما انت هنا عندك بلد فيها 80 مليون عايز توجد لهم استثمارات ، احنا التحدي الرئيسي عندنا موضوع الطاقة زي ما بنتكلم عن المية بنتكلم عن الطاقة بنتكلم عن الطرق بنتكلم عن الموارد البشرية وتدريبها كل دي عناصر مهمة جدا في خطة التنمية
عبد اللطيف المناوي: وهي خطة تنمية لكل مصر بصعيدها بسينا ؟
د/احمد نظيف: طبعا حضرتك شفت الصعيد وشفت قد فرق معاها خط الغاز اللي وصله السيد الرئيس الاسبوع الماضي وصل اسوان وبيغذي في مصانع وفرص عمل ، الطرق النهارده عندنا 4 طر ق في الصعيد طريقين قفي الغرب وطريقين في الشرق وطريق ينهم بتبنيه القوات المسلحة
عبد اللطيف المناوي: دكتور نظيف اضع مجموعة من التساؤلات السريعة دكتوراحمد نظيف من هم مستشاريك في القضايا المختلفة هل لديك مجموعة من المستشارين ام تتعامل مع الوزراء بشكل مباشر ؟
د/احمد نظيف: انا اسلوبي في العمل ان انا بعتمد على الوزراء لان انا اكتشفت ان انا لو حطيت مستشارين هيحصل صدام طب ليه..؟ ما احنا شغلتنا في مجلس الوزراء ان احخنا نشتغل كفريق عمل واحد عندنا حاجة في الزراعة اقول لوزيرالزراعة اذا احتجنا خبراء يبقوا موجودين معانا في نفس المجال لكن انا بعدت تماما عن موضوع المستشارين دا ولو شفت النهارده في مجلس الوزرا مش هتلاقي أي مستشارين ، المستشارين الموجودين هما القانونيين اللي بيعدوا القرارات الخاصة بمجلس الوزرا ورئيس الوزرا عشان يمضيها ودي محتاجة ناس قانونيين يشوفوا ان القرارات دي ماشية مع القانمون ومع الدستور
عبد اللطيف المناوي: عندما تواجه مصر ازمة واحنا مرينا بعدد من الازمات جايز يكون اخرها موضوع الاسكندرية هل لديكم ما يمكن تسميته بمجموعة ادارة الازمة في مجلس الوزراء كيف تتم ادارة الازمات لو تديني نموذج او مثال لادارة ازمة كيف يتعامل مجلس الوزراء ورئيس مجلس الوزراء مع هذه الازمة
د/احمد نظيف: انا اتجهت لفكرة مجموعات العمل انها احسن واسلم طريقة لانه مهما جهزت نفسك لادارة الازمات ممكن مركز ادارة الازمات وهو موجود عندنا انما دا مركز معاون عنده الحاجات اللي بتحتاجها داخل الازمة لكن انا مقدرش اقول الازمة هتيجي فين يعني مرة حكاية العبارة مرة رغيف العيش يعني حاجاتت بعيدة عن بعض مرة صحة مرة تعليم يعني كل مرة بتختلف عن التانية وانا بدعي على عكس بعض وسائل الاعلام ما بتقول ان احنا كنا جادين جدا في الازمات اللي جت علينا وعدينا منها بشكل افضل بكتير احنا مستمرين في الاتجاه دا واتمنى ان ربنا ما يجعلش فيه ازمات كثيرة
عبد اللطيف المناوي: احد ما تعلمناه في العلوم السياسية وفي النظام المصري ومجلس الوزراء المصري ان المسئولية تضامنية في مجلس الوزراء الى أي مدى المسئولية تضامنية في مجلس الوزراء هل هذا الوضع موجود بشكل دائم ؟
د/احمد نظيف: اعتقد ان انا راضي جدا عن عمل الحكومة كفريق متحد وكمسئولية تضامنية لانه اعتقد ان احنا بنشتغل باسلوب جيد جدا مجلس الوزرا ما بيقتصرش على الاجتماعات اللي دايما بتتعمل دائما في كل مجلس على الاجندة بتاعته موضوع رئيسي بيبقى موضوع بيعرضه احد الوزراء او اكتر عن قضية تنمية من القضايا يعني دائما نناقش كل قضايانا على الترابيزة دي بتيجي بروح فلريق وبتبقى كويسة جدا لان انت بتسمع الاراء كلها والخلاف بيظهر على السطح ما بيبقاش خفي فانا اتمنى انه يدوم لان دا عنصر رئيسي للنجاح
عبد اللطيف المناوي: سؤال يتردد كتير متى يستقيل وزير في مصر ؟
د/احمد نظيف: هو حصل قبل كده ليه ما حادثة القطر وزير النقل استقال انا في تصوري ان الناس لما تعمل بتعمل باخلاص وتعمل بقدر استطاعتها اذا تم الاخطاء واردة ومش بالضرورة انه لما يحصل خطا ن الواحد يستقيل انا في تصوري اه لو وزير مش مقتنع بالسياسات بتاعة الحكومة فدا وراد او انه فقد القدرة على انه يساهم ودي بترجع للوزير نفسه ف هذه الحالة لمكن احنا عدنا اعتبارات اخرى احنا بنشوف الوزارات مين بيحتاج فكر جديد بنضخه كل شوية العديل مطلوب دائما وسنة الحياة فيعنيانا مش شايف ان دا عنصر رئيسي الناس بتديله اهمية اكبر من حقه الحقيقة لكن في النهاية احما اصبحنا بلد بتحكمها سياسات ومؤسسات وكل ما دا يحصل اكتر كل ما الاعتماد على شخصية الوزير بتقل والدليل على ذلك انه حتى في عمر هذه الحكومة يمكن وزارة او اتنين عدى عليها 3 وزرا او اكتر لكن احنا ماغيرناش المسار مسارنا واضح وسياساتنا واضحة وسياستنا هي الاستثمار من اجل فرص التنمية وفرص العمل وانعكاس ذلك على العدالة الاجتماعية
عبد اللطيف المناوي: هل صحيح انكم لم تجدوا حتى الان من يقبل بان يكون وزيرا للاستثمار يحل محل دكتور محمود محي الدين ؟
د/احمد نظيف: لا هذا غيرصحيح هو السبب اننا تانينا في وضع وزير مكان وزيرهو عادة هيكلة هذا المكان لانه الوزارة كانت انشئت في وقت كان مهم انها بتنشئ بشكل لانها كانت وارثة هي مجموعة حاجات لانه كان فيه وزارة اسمها قطاع الاعمال العام وكان فيه هيئة للاستثمنار فتجمعت مجموعة حاجات تحت مظلة واحدة النهارده احنا بننظر الى ان التنمية دا ادى دوره وخلاص هل ادى دوره بالشكل دا او بشكل اخر انا بشتغل مع السيد وزير التجارة والصناعة المهندس رشيد في هذا الموضوع مش عايزين نستعجل وهو قائم دور وزير الاستثمار ودا بيدل على المؤسسية اللي احنا فيها النهعغردة هيئة الاستثمار شغالة ، هيئة الرقابة المالية ايضا شغالة والشركات القباضة شغالة ولها برامجها يعني شغالة معندناش مشكلة وهي دي المؤسسية اللي ما بتعتمدش عليها على الشخص لكن النهارده موضوع ادارة الاستثمارات لعامة للدولة اللي كانت بتدار من خلال الشركات القابضة اللي هي قطاع الاعمال واحنا بنخرج من فكرة الخصخصة كهدف الى فكرة الاستثمرات العامة بشكل او اباخر قد يكون شرا او بيع مش ضروري بيع
عبد اللطيف المناوي: هل مفهوم الخصخصة لم يكن المفهوم الاصح ؟
د/احمد نظيف: لا كان فيه وقت بنعمل كده لكن دلوقت خلاص عدينا الحالة النهارده عندنا مجموعة من الشركات اللي فاضلة اما انها تحتاج الى تطوير كبيروغير صالحة حتى للخصخصة بشكلها الحالي او شركات احنا مش شايفين مبرر ان احنا نخصخصها لانه احنا شايفين ان الدولة ممكن يبقى لها دور في هذا دا يستلزم تغيير الاطار لان انا النهارده لما اقول الاستثمار الخاص والاستثمار العام لازوم نحطهم على نفس المستوى والا محدش هيجيلي يعني لو الدولة احتكرت الاستثمار وقالت انا هعمل كل المصانع في الموضوع الفلاني محدش هيحي فيها وهنرجع تاني لماساة بقى سيطرة الدولة على الاقتصاد بالشكل اللي بيؤدي الى تدهور هذه المؤسسات اقتصاديا لانه بيخش فيها عناصر سياسية اذن الهدف هنا كيف افصل الادارة عن الملكية ، الملكية ممكن تكون للدولة في بعض الحاجات وعدين الاجهزة التنظيمية بنشوف دا زي دا احنا شفناه في قطاع الاتصالات بوضوح انه عندنا جهاز تنظيمي ما بيفرقش بين الشركة المصرية للاتصالات اللي هي مملوكة 80% للدولة و20% في لبورصة ومابين شركة موبينيل او فودافون اواتصالات هتلاقيهم كلهم على نفس المستوى ودا المطلوب عشان كده القطاع النهارده بيجيب استثمارات ضخمة جدا اكتر من 72 مليار
عبد اللطيف المناوي:هل هذا يعني ان كلمة الخصخصة هتختفي من قاموسنا في المرحلة المقبلة ؟
د/احمد نظيف: اعتقد هذا سيحل مكانها ادارة اصول واستثمارات عامة دا الهدف الرئيسي بتاعنا ندير اصول وادارة الاصول فيه بيع لكن فيه شرا فيه دمج فيه اعادة هيكلة عندي جهاز professional مفيهوش سياسة خالص قاعد بيبص على هذه الشركات من منظور اقتصادي بحت طبعا بيخش في دا عناصر اجتماعية اخرى زي العمال واتفقنا اناي حاجة بتحكمها لن تمس ابدا ونطمن الناس ..لا..العمال لا يمكن نمسهم بل باعكس احنا دائما بنطور والعمال موجودين ويردوا على هذا اننا لم يضار عامل واحد في مصر في الفترة اللي عملنا فيها هذا التحول ونشوف استفادوا قد ايه النهارده متوسط دخل العامل في شركات القطاع العام المصري اللي مازالت قائمة الى الان زاد بقد ايه في الفترة دي
عبد اللطيف المناوي:دكتورنظيف سؤال اخير هل تعتقد ان حكومتك حكومة الدكتوراحمد نظيف لم تحظ بالصورة الصحيحة والتقديرالكافي منه قبل اجهزة الاعلام والمواطن البسيط في الشارع؟
د/احمد نظيف: لا ..اعتقد انه الحمد لله بنحظى بكثير من النقد وايضا بكثير من الاستحسان احيانا لكن دا قدرنا وقدر كل حكومة وعلى فكرة مش في مصر بل في العالم ودا لازم نتقبله بصدر رح للغاية لكن احنا مقتنعين باللي احنا بنعمله واعتقد ان لدينا مصداقية لانها حكومة واجهت الناس بالحقائق ولم نجبن اننا نقول المشاكل فين وهنحلها ازاي واذا غلطنا بنعدل مسارنا ازاي مفيش مشكلة في هذا واعتقد ان الناس لما بتشوف الكلام دا على الاقل المصداقية مهمة جدا اذا كنا عايزين المجتمع يقف ورانا
عبد اللطيف المناوي:السيدات والسادة ما استطيع ان اشهد به هو مفهوم المصداقية في كافة الاسئلة المطروحة التي اعتقد انها تعن في اذهان المواطنين وطرحتها بدون ترتيب مسبق امام السيد مجلس الوزراء للاجابة عليها اتمنى اننا نكون طرحنا الموضوعات واستمعنا الى الاجابة على اجابات مقنعة ولكن الحد الادنى اننا استمعنا الى التزامات التزمت بها الحكومة على لسان رئيس الحكومة وهي حق لمنا كمواطنين ان نعلم ماهي الالتزامات حتى نستطيع ان نعلم ماهي الحقوق وحتى نستطيع ان نعلم ماهي المؤسسات المختلفة التي لها الرقابة ومحاسبة الحكومة والمواطن هو الاول الذي له حق الحساب السيد رئيس مجلس الوزراء شكرا جزيلا على هذه الفرصة واتمنى لك التوفيق من اجل مصر شكرا جزيلا لك