إرسم... إرسم رموز متسَتَره بالمسك جايه معَطَره داخله عليك متشَطَره تحَفَظَك وتألوَظَك وتجَهزك وتحَفزك والجهل لوزة مقَشَره ودليل إدانة لو تكون قاصد إهانة أو تقول عليها وخداك قنطَرَه
ورموز قصادها مقَطَره ومقصَرَه وغير نفوسها يبقى كله صورة باهته مُصَغَره
آدي المعَطر شوف ازاي بيقَيمَك ويفَهمَك.. ويطعمَك ويخدمَك ويعَكمَك.. ويطمنَك الجنة ناقصة حضرتك ورينا شكل خطوتك وآدي المقَصَر فوق بروج الكون مكانه والغموض ف كتابته زانه والكلام والتراكيب همه دول طقة لسانه والعلام والكراكيب ويّا مظهره الكئيب همه دول طوق اتزانه
وانت يا ماسك دماغك مين تصَدَق مين كلامه بيه تحللي مين كلامه بيه تحَدَق مين بجهله قال تمام أهو ده الكلام أيوه والله العظيم ياللا يا ابو لسان كَليم قوم وإفرش لك كِليم ورُص حواليك الخُواه واِبلف دماغهم كالحُواه ماهو الحُفاه لما تقوم من نومها تمشي ع السِباخ وتقول ده طين إعرف إن معاك أداه شَكلتَها زي العَجين [email protected]