عارف لو انت يهودي وكنت عايش في مصر وشربت من نيلها وشوفت ناسها وطيبتهم .. لازم تحب مصر وتحب جيش مصر اللي حامي ترابها وحاميها حتى من اليهود اللي انت منهم .. فما بالك لو انت مصري .. جد جدودك وابوك مصري وامك مصرية .. ازاى يبقى عندك ريحة الدم ومتحبش مصر ولا جيشها .. وتقرف اوي وتقول " يع " لمًا تسمع اغنية تسلم الايادي .. تسلم يا جيش بلادي .. تيجيلك حالة عصبية وحالة جرب موجودة أساسا عندك وتقعد تهرش في قفاك وتلسعه كام قلم بإيديك .. من كتر " الأكلان " اللي بيقولوا عليه " البق " اللي سارح وعاجبه قفا حضرتك وحالف ميمشيش الا لمًا يمص دم اهلك.
ايه اللي يزعلك يا راجل يا "عرة " لمًا تسمع اغنية حلوة عن جيش مصر .. ايا كانت المناسبة بقى .. المهم ا ن ده هو جيش مصر .. إكره السيسي زي ما انت عايز .. بس لازم تحب وتعشق جيش مصر .. السيسي ما هو الا جندي مقاتل وراجل جدع وعنيد في الحق .. ضربك على قفاك ، او انت متصور انه ضربك على قفاك .. خد منه موقف .. اكرهه يا سيدي .. حقك .. بس جيش مصر تكرهوا ليه يا غبي .. ده هو اللي حاميني واللي حاميك .. هو اللي مطوّل رقبتك ورقبتي .. هو اللي حرر ارضي وارضك .. تكرهه ليه يا حمار ؟ طيب ايه اللي يستفزك لمّا تسمع الكلام ده : " اسألوا الرمل اللي في سينا .. انت مروي بدم مين .. دم حنا ولا مينا .. ولا دم المسلمين .. ابن عمي وابن خالي وصاحبي وعِشرة سنين " .. ايه اللي يزعّل جنابك من كلام حلو زيي ده .. الا اذا كنت لامؤاخذة .. عميل وجاسوس والبعيد راجل وسخ وعايز تنضرب بالنار في ميدان عام.
طيب ايه اللي يستفزك لمّا تسمع الكلام ده : " اللي قال لازم أدي .. حق بلدي بدون خلاف .. قال هدوس ع النار واعدي .. قال وعهد الله ما اخاف .. اللي زيك يا ابن بلدي .. لازم يتشال ع الكتاف.
فيها ايه دي .. وليه اخدوتها على السيسي وربطوها زي ما انتوا مربوطين في حبل ومجرورين من قفاكم ورا اللي بيضحكوا عليكم ويفهموكم انكم بتجاهدوا في سبيل الله وبتحاربوا المصريين الكفرة الملحدين .. ؟ .. الكلام ده على اى جندي مصري سواء كان عسكري او فريق او مشير .. ولا هو يعني السيسي بقى عندكم حساسية من سيرته ومن صورته .. عمل ايه السيسي ؟ .. حمى البلد من شوية بلطجية ولاد كلب كانوا ناويين يبيعوها حتة حتة .. عطاكم بدل الفرصة ميت فرصة عشان كبيركم يعقل ويوزن الامور صح ، قام رد عليه بغباء مستحكم : احنا حنحكم مصر 500 سنة .. ولو قلّيت عقلك وعملت حركة نص كم .. امريكا مش حتسكت .. وانت عارف امريكا .. دماغها انشف م الحجر .. قام السيسي رد عليه بأدب .. أيوه بأدب : طظ فيك وفي امريكا .. انا ضفر اصغر عيل في مصر عندي بكل جماعتك وبرقبة اوباما اللي انت فاكره حيحميك.
وقد كان .. الراجل عمل اللي عليه بزيادة .. يا جماعة بلاش هبل .. لأ احنا بنحب الهبل .. ياجماعة بلاش وساخة .. لأ احنا الوساخة نفسها وان كان عاجبك .. يا جماعة دي مصر .. والجماعة ترد بخسة وندالة : سلم لي عليها!!
قام الراجل عشان بيحب مصر وشعب مصر ، قام حطها في عنيه والشعب كله شاله فوق الدماغ .. والسيسي راح ولا جه .. واحد من الجيش .. وعرّض نفسه للموت عشان البلد يعيش .. يبقى يستحق نغني له تسلم الايادي ولا لأ؟ .. انتوا ناسيين عبد الحليم لمّا غنى وكلنا غنينا معاه ايام عبد الناصر : الله يا بلدنا الله .. على جيشك والشعب معاه .. وناسيين احمد فؤاد نجم لما غنى دولا مين ودولا مين .. دولا عساكر مصريين .. دولا مين ودولا مين .. دولا ولاد الفلاحين .. دولا الورد الحر البلدي .. يصحى يفتح اصحي يا بلدي .. دولا خلاصة مصر يا ولدي .. دولا عيون المصريين .. دولا القوة ودولا العز .. دول راضعين من اطهر بز .. هز ياهلال هلالك هز .. واحنا وراك ملايين جايين .. دولا اخوتنا ودولا بنينا .. دولا الامل اللي مخلينا .. فوق الجرح نعود سالمين .
انتوا ايه مفيش دم .. مفيش احساس .. مفيش حاجة خالص .. ده يا " غجر " مفيش واحد من شعب مصر ما دخلش الجيش .. يعني م الأخر كل شعب مصر جيش .. فلمّا نغني لشعب مصر " نتأمص " وناخد على خاطرنا ؟ .. لا .. اتفلقوا واخبطوا راسكم في الحيط .
طيب اسمعوا دي لعمكم نجم برضه : واه ياعبد الودود .. يارابض ع الحدود ومحافظ ع النظام .. كيفك ياواد صحيح .. عسى الله تكون مليح وراقب للأمام .. ان الاوان ياولدي ماعاد الا المعاد .. تنفض الشركة واصل وينزاحوا الكلاب .. عايزني اكون ابوك .. بتجيبلي تار اخوك .. والاهل يبلغوك جميعا السلام .. واه ياعبد الودود .. كيفك وكيف زمايلك .. عسى الله طيبين .. خالك زناتي جايلك ضمن المتطوعين .. واختك تطلع يومياتي .. ع المستشفى القديمة .. حاكم ع يمرنوها في العركة تكون حكيمة .
ده كلام يزعل حد .. الا كل ناقص وجبان .. وخسارة فيه بق الميه اللي بيشربه من نيل مصر .. وخسارة فيه التراب اللي حيتويه يوم ما ربنا ياخده ويريحنا منه ومن غبائه وغباء اللي لسه بيدافعوا عنه وفاكرينه راجل .. ولسه فيه ناس " اكيد اتجننت " وبتمد ايديها للتصالح .. بشرط يرجع مرسي .. بلاش رئيس جمهورية .. خلّوه رئيس وزراء وحناخد عليه عهد انه يسامح السيسي وميرمهوش في السجن او يؤمر باغتياله.
مش بقولكم خلاص اتجننوا .. وملهمش حل غير انك تحطهم في عنبر الخطيرين بمستشفى المجانين ويقعدوا مع بعض يغنوا .. ونبي ناولوني الولاعة .. عايز اولع روما بحالها .. انا مستعجل عندي اذاعة .. خطبة جديدة لازم اقولها : تعاليلي يابطة .. وانا مالي هأ .. وشيليلي الشنطة .. وانا مالي هأ .. بزيادة اونطة .. حنروحوا على طنطا .
يفضلوا بقى يغنوا ويردوا على بعض لحد ما مرسي يرجع او يشرّف هو كمان جنبهم .. ويغني : ما تفتح يابني فتح شوف مين بيكلمك .. ده انا مرسي المفتح بصباعي اخرشمك.
ياتكم الغم .. وقبل ما اقفل المقال وغلاسة وعِند ومخ عيال بقى .. تسلم الأيادي .. تسلم يا جيش بلادي!!
