السلام عليكم، بجد جزاكم الله خير على الموقع الرائع ده. أنا بحب واحد وهو بيحبني جداً ومتفقين على كل حاجة؛ بس قلنا مش هنتكلم ولا نتقابل لحد ما هو يتقدم وكده عشان ما نعملش حاجة تزعّل ربنا، هو كويس وكل حاجة؛ بس هو مش بيغير خالص والموضوع ده بيضايقني؛ ساعات باقول ده مش شهم وما عندوش كرامة، وساعات باقول لأن هو عارف إن عمري ما باعمل حاجة غلط وملتزمه بالدين الحمد لله. أنا عارفة إن كل شيء نصيب؛ بس هو فيه صفات كتير بتضايقني مش وحشة أوي؛ بس أنا مش عارفة هل ممكن يغيّرها ولا لأ، هو مش بيغير وأنا باغير جدا، وبيقول لي ده هيقلب لشك، باغير من زمايله ومن قرايبه، أنا بحبه؛ بس هو مش فيه كل الصفات اللي أنا كنت باتمناها في فارس أحلامي؛ بس هو وعدني إنه هيتغير، وكلم ماما، وهو بيحبني، مش عارفة أنا محبكاها في مواصفاتي ولا إيه.