السلام عليكم ورحمة الله وبركاته، أشكر أسرة بص وطل على اهتمامهم بينا، أنا بجد عاوزة ارتاح، وتعبت جدا من تفكيرى. أنا بحب واحد جارنا من 3 سنين، وهو كان معجب بيّ، اتقربنا من بعض، وقال لي إنه بيحبني برضه؛ بس ما ينفع نرتبط ببعض في الوقت ده لأنه لسه ما ظبطش ظروفه، أنا بصراحة مش باثق في أي حد، وده أكتر إنسان حبيته، وعمري ما حبيت غيره، وعدم الثقة دي تاعباني أنا، وهو بقى بيعاني مني دلوقتي. أنا بحبه جدا، ومش قادرة استغنى عنه؛ بس ساعات كتير بافكر أبعد عنه علشان يرتاح لأنه أصلا مضغوط في شغله، ومش مستحملني، أنا بحبه جدا؛ بس باخاف عليه أوي وباخاف إني أسيبه. بجد أنا من غيره مش هاعرف ارتبط بحد ولا أرتاح مع حد غيره، وتصرفاتي بقت بتتعبني وباسال نفسي إزاي باشكّ أو باخاف مش عارفة، وإزاي باحس إنه بيحبني أنا بافكر أبعد عشان أرتاح وأريّحه، أرجوكم تردوا عليّ أعمل إيه. منة أحمد