لي سؤال محدد هل القايمة الخاصة بمنقولات الزوجة من حق ولي أمر الزوجة أن يطلبها في أي وقت حتى لو الزوجة عايشة مع زوجها؟ وهل لو يوجد ورقتين للقايمة هل يسيروا الاتنين مع بعض ولا واحدة فقط هي اللي سايرة؟ ولكم جزيل الشكر. Scorpion.king
قائمة المنقولات هي ضمان لحق الزوجة في منقولاتها لدى زوجها، وتصبح واجبة الأداء لها عند الطلاق، ولا دخل لولي الأمر في هذا الموضوع، إنما يوجد وكيل عنها بموجب توكيل رسمي، والأمر يختلف إذا كانت الزوجة قاصرا لم تبلغ سن الرشد 21 سنة.
أنا عندي مشكلة؛ أنا كنت مخطوبة واتكتب كتابي وقبل فرحي ب4 أيام حصلت مشكلة وأهله قرروا يطلقوا وهو لا حس ولا خبر، فرفعت قضية نفقة وتبديد وطلقني غيابي، ورجع كلمني إن كل ده غصب عنه وإنه بيحبني، وأنا صدقته 20 يوم ولقيته بعت لي خيانة ائتمان إنه ماضي على القايمة على بياض، وكمان أخد شاهد وإداله فلوس عشان يغيّر أقواله، وانقطعت الاتصالات بيننا ودلوقتي رفعت المؤخر، فاستناني وأنا نازلة من شغلي وحاول يضربني، فعملت له محضر وتقرير طبي ولا همه، وقال لي البلد مافيهاش حكومة وقال لي هتتعرض القايمة على الطب الشرعي، أنا خايفة أوي وعاوزة أكسب القضية. prensess
مما لا شك فيه أن الطب الشرعي سوف يثبت أن التوقيع الموجود على القائمة على بياض ومضاف إليها كتابة بعد التوقيع، مما يشكّل تزويرا في ورقة عرفية، ولا تخشي شيئا فالقضاء عادل وسوف يعطيك حقك.