لو عايزة تعملي طبق سلطة جديد وكمان مميّز ومفيد لعيلتك جرّبي معانا على "سفرة دايمة" سلطة الخضار بالمايونيز.. وماتنسيش تبعتي لنا رأيك فيه وكل الوصفات اللي عايزة تعرفيها.. سلطة الخضار بالمايونيز المقادير: ثمرة بصل كوب بسلة كوب مايونيز 2 ثمرة بطاطس ملعقة صغيرة زعتر 2 ملعقة كبيرة خل كوب فاصوليا خضراء 2 ثمرة جزر مبشورة 1⁄4 كوب عصير ليمون ملعقة كبيرة ثوم مفروم 2 ثمرة فلفل مقطّعة شرائح ملح وفلفل الطريقة: 1- اسلقي الخضار (البطاطس والبصلة والفاصوليا والبسلة)، وبعد ما يستوي قطّعي البطاطس والبصل شرائح. 2- حطّي الخضار كله في طبق التقديم، وحطّي عليه شرائح الفلفل والجزر المبشور. 3- لتحضير الصوص: اخلطي المايونيز مع الثوم والملح والفلفل والزعتر والخل والليمون، وقلّبيهم كويس أوي. 4- حطّي الصوص على طبق السلطة، ودخليه الثلاجة لمدة ساعتين وقدّميها باردة.. بالهنا والشفا.
وبكده تكون خلصت وصفتنا النهارده.. نتمنّى إنكم تجرّبوها وتبعتوا تقولوا لنا رأيكم فيها.. وكمان لو عندك أي وصفة عايزة تعرفيها ممكن تبعتي لنا.. وإحنا هنقدّمها لك في أقرب وقت..