أولا أحب أشكر الموقع والعاملين عليه؛ فجزاكم الله خيرا.. على الرغم من حزني من كمّ المشكلات اللي في المجتمع بهذا الشكل الرهيب، واللي باقرأ جزء منها من خلال "سؤال محيرني".. ربنا يصلح حال جميع الشباب والبنات. بالنسبة لاستفساري.. أنا أعجبت ببنت تصغرني بأربع سنوات، وقلت البنت دي من أحسن البنات.. وبقينا متفاهمين؛ لكن أنا حبيت أعرف أكتر عن أهلها؛ لأني مش هاتجوزها هي بس. المشكلة بقى إنها مقاطعة أهل باباها من سنين؛ والسبب أمها وإخواتها.. حتى جدتها والدة باباها بقالها سنين طويلة ماشافتهاش، ووصلت لدرجة إنها مش عارفة أولاد عمها؛ بس باباها على صلة بأهله هو بس.. والله حاجة تحزّن.. ومن ساعتها وأنا قلت لها: أنتِ كده بكره هتبعدي أولادي عن أهلي؛ زي ما مامتك عملت. وأخدت انطباع إن الأم هي المسيطرة وليس الأب؛ لأن هو نفسه أولاده يروحوا معاه، بس هم رافضين زي الأم. بصراحة أنا لم أصارح أهلي بعد للتقدّم لخطبتها، ونفسي أتقدّم ليها، بس حاجة زي دي أصلا ممكن تخلي أهلي يرفضوا، وقلت لها إني لو ارتبطت بك هنزور أهل بابا ونبقى على صلة بهم؛ لأن دي صلة الرحم؛ حتى لو ماما رفضت. مع العلم أنني أعمل، وهي لا تزال تدرس، وأظن إن تفكيرها لسه مش ناضج أوي، بس باقول لها: مش مهم.. أنتِ لسه صغيرة، وأنا هاساعدك وربنا معنا. Blue jenghi