أنا متابعه الموقع من زمان أوي؛ بس أول مرة أبعت مشكلتي، ويا ريت تردوا عليّ بسرعة؛ لأني فعلا في مشكلة، ومش عارفة أعمل إيه؟؟ أنا كنت بحب واحد، وكنّا متفقين على الارتباط، واتقدم لي، بس حصلت مشكلة بين عائلتي ووالده، ولكني كمّلت معاه وماتخليتش عنه، وأنا عارفة إنه بيحبني جدا وأنا بحبه أوي، بس حصلت مشكلة بينّا وسيبنا بعض، وبعدها اتقدم لي واحد ووافقت عليه، واتسرعت في قراري، وارتبطت به، وكتبنا كتابنا.. بعد كده لقيت نفسي مش قادرة أنسى اللي كنت بحبه الأول، وطول ما أنا قاعدة مع خطيبي بافكر فيه، وعارفة إن ده غلط إني أفكر في حد وأنا مرتبطة بحد تاني؛ بس أنا مش عايزة أظلم اللي معايا، واللي كنت بحبه قال لي إن عنده أمل لسه إننا نرجع لبعض ويكون لينا نصيب.. أنا آسفة إني طولت عليكم، بس يا ريت تساعدوني؛ لأني مش عايزة أعمل حاجة غلط، ومش عارفة أنساه..