السلام عليكم ورحمة الله وبركاته.. أنا فتاة عندي 19 سنة حبيت شاب وهو كمان، ودلوقتي بقالنا سنتين بنحب بعض وهو خلاص جاي يتقدم لي قريب، لكن أنا عندي مشكلة لأن حبيبي ده من النوع اللي مش متكلم باحس إنه تقيل أوي يعني مش بيقول كلام حلو ولا أي حاجة، ولا حتى بيسأل عني كتير رغم إنه بيحبني جدا وبيخاف عليّ، وكذا مرة صارحته بس هو دايما يرد عليّ ويقول لي أصل أنا طبعي مش بحب أتكلم وقبل أما أتصل بابقى مش عارف أرد وأقول لك إيه، قلت يمكن خايف مثلا ومش عايز يحرجني أو حاجة وصارحته بس برضه مافيش فايدة على الرغم من إن أهلي وأهله عارفين حكايتنا ومرحّبين جدا، بس بجد أنا مليت جدا من كده ومش عارفة أعمل إيه ومش عايزة أقول بعد الخطوبة هيتغير؛ لأني متأكدة إنه مش هيتغير وكمان ما ينفعش نسيب بعض؛ لأني بحبه بجد ومش هاقدر أقولها له. بجد أنا محتارة أوي ومش عارفة أخليه يتغير إزاي؛ لأني حاولت معاه بكل الطرق وبرضه مش بيتغير... يا رب تساعدوني وأكون شاكرة لكم جدا. e.