أنا محتاجة رأيكم جدا لأني بجد باقتنع بكلامكم أوي؛ بس بسرعة. أنا عندي 27 سنة، وكنت متجوزة واحد بجد أهانني وبهدلني، وبجد حاسة إني من جوة محطمة وإنتم عارفين طبعا اسم مطلقة دي قد إيه بيتعب البنت، وبالذات لما تكون مظلومة بس اللي تاعبني طمع الناس وطمع رجالة كتير ما عندهمش ضمير. وأنا دلوقتي قدامي إنسان كويس وبيحبني جدا زي ما بيقول بس هو عنده مشكلة إن مامته مش راضية بي خالص، وسبق إنه حدد ميعاد مع أهلي وما جاش ورجع تاني يقول لي إنه بيحبني ومحتاج لي وإني أصبر عليه شوية، وبالذات إنه كان بيحبني من قبل ما أتجوز وإنه اتقدم لي وأهلي ما رضيوش بيه. بس دلوقتي حاسة إني مش قادرة أبعد عنه علشان ضميري واجعني، وحاسة من ناحيته بالمسئولية وعمال يقول لي اصبري شوية وأنا هاتقدم لك؛ بس كل ما الفترة تطول المدة أحس إن الموضوع صعب وبعيد، والمشكلة إني حاسة إنه عمره ما هيتجوز غيري وإنه بيحبني، وده اللي مخليني مش عايزة أسيبه؛ بس مش عارفة أعمل إيه، وبالذات إن اليومين دول متقدم لي اثنين كويسين ولقطة بالنسبة لأي بنت مطلقة. بجد محتاجة رأيك قولي لي أعمل إيه. سهر