الحلم: حلمت باللي كان خطيبي إني معاه قدام بيته، وفيه فرن حلويات فتح قدامه وأنا واقفة على أول سلمة من بتاعة الفرن، وهو واقف على السلمة الثالثة وبيديني ثلاثة أرغفة عيش برضه بس كبار أوي عن الحجم الطبيعي لهم، ومش عارفة إزاي فرن حلويات وبيعمل عيش برضه، وقال لي بعد كده خدي العيش ده دخليه جوه عند ماما بس أخذتهم ودخلتهم، ولقيت صاحبتي اللي هي أخته جوه وشفت والدتي ووالدته، وبعد كده طلعت في فرندة كبيرة عندهم وقعدت على أول طرابيزة كبيرة مليانة زرع أخضر وقدامي طبق لبن كبير وغويط ورغيف عيش وشفت نفسي باكل منه، وبعد كده طلع اللي كان خطيبي، وكان مسافر وفيه بنت كان مستنيها تسافر معاه من الشركة بس جت واحدة تانية هو ما كانش عاوزها تروح معاه، بس قالت له أنا جاية معاك؛ بس النهارده ومش عاوزة كلام كتير أنا ما كنتش هاجي معاك لولا الشركة هي اللي بعتتني بس شفته بيركب الطيارة لوحده، والطيارة طارت في الجو؛ بس رجع تاني في نفس اليوم بس لوحده، ولما رجع أنا كنت باجهز ورقي إني أسافر؛ بس كان فيه ورقة ناقصة وكنت بادور عليها. يشير هذا الحلم إلى شعورك بالأسى والحزن على تجربة فاتت أو خطوبة لم تتم لحبيب مضى، وشعورك أن أي شخص آخر أو موضوع آخر لن يأخذ من مشاعرك قدر ما أخذ الأول، ولن تكون علاقتك وارتباطك به بقوة ومتانة علاقتك الأولى.. هي لعبة شيطان وخواطر تدفع الإنسان للتعلق بوهم مضى فتفسد عليه حياته فتنبهي واجعلي الماضي خلف ظهرك لتنعمي بحياتك.