السلام عليكم.. أنا طالبة في الجامعة، وداخلة سنة تانية، وأنا وزميل لي مرتبطين منذ سنتين ارتباط جادّ ومحترم لأبعد الحدود؛ لدرجة إنه مايعرفش حتى رقم موبايلي. مشكلتي إني حاسة إني اتسرعت في قرار الارتباط ده من كتر اللي باشوفه؛ يعني أنا الحمد لله نجحت بتقدير كويس؛ لكن هو لسه مش عارف يخرج من أول سنة؛ مع العلم إنه كان مستعجل جداً على الخطوبة، وكلم أهله وقالوا له مش قبل سنة تالتة الخطوبة، وده معناه إنه يعمل المستحيل عشان يخلّص ويتقدم. ولما كلمته قال لي: أنا مش محتاج الكلية في حاجة؛ مع العلم إنه مرتاح مادياً.. أنا مش عارفة أعمل إيه، أنا حاسة إني ماشية معاه في طريق مش قادرة أرجع فيه، وابقى زي الأول البنوتة اللذيذة الفرفوشة اللي الكل يحب قعدتها، ولا عارفة للموضوع ده نهاية لأني حاسة إنه مستهتر أوي، ولما حبيته كان إنسان تاني؛ طيّب وحنين ومتحمل المسئولية. هو اتغير للأوحش، وأنا مش عارفة أعمل إيه.. أرجوكم ردوا عليّ أعمل إيه، وآسفة على الإطالة. samaka