أنا عندي 18 سنة، وكنت بحب ابن خالي بس ماقلتلهوش، أنا حبيت فيه حاجات كتير زي: الغرور، والثقة في النفس، والكرامة، وعزة النفس العالية أوي؛ بس عشان أنا مابحبش أعمل حاجة غلط ماقلتلهوش، وكنت ساعات باعيّط من كده. وبعد كده بفترة جه وصارحني إنه بيحبني وإنه كان بيحبني من زمان.. طبعاً أنا فرحت جداً؛ بس في نفس الوقت مارضيتش أعمل حاجة غلط.. وفي الآخر العيلتين عرفوا ووافقوا، وهو كان بيكلمني على طول. ولما عرفته أكتر مالقيتش الحاجات اللي كنت بحبها فيه نهائي؛ فحسيت إن حبي ليه قلّ جداً، وحسيت إنه كمان مش بيغير عليّ أو بيزعل مني في أي حاجة؛ لدرجة إني عملت حاجات كتير تزعّل عشان أشوفه هيزعل ولا لأ، لقيته مازعلش، ولا غار عليّ، ولما سألته قال لي: أنا هازعل في حالة الخيانة، وكمان اللي بيحب لازم يسامح على أي حاجة. أنا حاسة إني مابقيتش أحبه زي الأول، وباظلمه معايا.. يا ريت حد يقول لي حل، وهل أنا الغلط ولا هو؟