أنا بجد باموت في "بص وطل" وكل الناس اللي بيهتموا بينا وبمشاكلنا.. أنا عندي مشكلة؛ بس يا ريت الردّ يكون بسرعة؛ لأني لازم أردّ على أهلي في موضوع العريس اللي متقدم لي ده بسرعة. هو ابن خال بابا وكويس وكل حاجة؛ بس المشكلة إني مش هاعيش في بلدي لما أرتبط بيه؛ هاعيش في أرياف، زائد إني بحب واحد وباحاول أنساه؛ لأني عارفة إننا مش لبعض. خايفة أوافق على العريس ده وأرتبط بيه وبعد كده أظلمه، لأن قلبي مع غيره، زائد إني خايفة أتخطب وأفركش لأن دي هتبقى تاني خطوبة ليّ. كمان العريس ده معاه دبلوم وأنا في تانية آداب قسم إعلام؛ يعني مؤهلي أعلى منه، وخايفة الحكاية دي تبعدنا عن بعض لأن مستوى التفكير ممكن يكون مختلف. هاستنى ردكم، وشكراً.