أنا بحب واحد وهو كمان بيحبني وإحنا قدّ بعض في السن، وكمان بابا وباباه أصحاب، وأختي وأخته أصحاب والأهل شوية عارفين بعض، بس أنا كتير باروح عندهم يعني بالبلدي واكلين عيش وملح مع بعض.. المهم هو كان بيقول لي على كل حاجة بس دلوقتي حصلت حاجة؛ فيه رقم بيتصل بيه، هي بنت بس كانت عايزة واحدة وبعدين هو قال لها إن الرقم ده بتاعه، والرقم غلط، بس هي بتتصل وتبعت رسايل هو قال لي فقلت له إنت في إيدك تنهي الموضوع ده، قال لي أنا عايز أعرف دي مين، عشان أنا حاسس إني أعرفها، قلت له لو أنا اللي عملت كده؟ قال لي هو أنا اللي باكلّمها؟ هي اللي بتتصل، وبعدين دي مش محترمة اللي تسمح لنفسها بكده، قلت له هي مش محترمة إنت بتكلمها ليه؟ أنا هادّيك فرصة تنهي الموضوع ده عشان ما يبقالكش حجّة.. أنا بس خايفة إني أكون أنا السبب أصل أنا في بلد وهو في بلد، بس إحنا بقالنا 5 سنين مع بعض، يعني المفروض هو اتعود على كده، أنا حتى بقيت باسمع الموبايل بيرنّ هو بيتصل وحاجة من جوايا تخليني ما أردش عليه، أنا مجروحة أوي إنه بيكلم حد تاني.. أعمل إيه؟ bosy