الحلم: أنا حلمت إن أنا لابسة لبس الصلاة وعايزة أصلي، وكان معايا حد من قرايبي برضه هيصلي مش عارفة مين بالظبط، بس تقريباً جدتي، وأنا ماسكة سجادة الصلاة وبابصّ عليها عشان أعرف هي القبلة إزاي، وأنا لسة هاقول الله أكبر؛ بس برضه بابص لها وكأني خايفة إنها تغيّر القبلة وأنا ما اغيّرهاش وتبقى الصلاة غلط، وبعدين بصيت لها وقلت لها: على فكرة هي القبلة مش كده، المفروض وشنا للبلكونة، قالت لي: صح وحطت السجادة وأنا قلت لها: إيه ده أنا نسيت أنا أصلاً ما ينفعش أصلي أنا عندي ظروف صحية، فقالت لي طيب كويس إنك ما صليتيش عشان حرام!! قلت لها: الحمد لله وخلص الحلم على كده. الحلم يشير إلى تعلّقك بالصلاة وارتباطك الروحي بها، برغم ما يتخلل أفعالك من بعض الذنوب والمعاصي التي تحجبك عن رؤية الحق كاملاً والثبات على الطريق.