حبيتها.. بنت خالي من وإحنا لسه صغيرين, حب ما لهوش حدود، وعدتها وأنا مقتنع تماماً إني هاحبها لآخر يوم في عمري، ومش هاعرف حد غيرها مهما حصل. ومش قادر أتخيل واحدة تانية تقدر تدخل مكانها في قلبي.. ورغم معارضة أهلنا غير المبررة؛ تمسّكنا بحبنا. بس للأسف كلام أهلها كان أقوي من حبها, قررنا الفراق أكتر من مرة بسبب الموضوع ده؛ بس كنا دايماً بنرجع لبعض تاني ونتحدى الظروف. بس بدأت أحس إنها مش هي اللي كنت أعرفها, تفكيرها اتغير؛ حتى طريقتها في الكلام معايا اتغيرت. وبعد سبع سنين حسّيتها بعيدة عن معنى كلمة بحبك اللي بتقولها، وقررت أبعد عنها للأبد, وأتمنى لها حياة سعيدة من كل قلبي. ده نصيبي أعيش وحيد في ذكرى قصة حب وهمية.. حب للأبد.. فراق للأبد. بس مش عارف أخلف وعدي ليها وأتجوز، ولا أنفّذ وعدي وأفضل عازب؟ ولو خالفت وعدي يبقي مش هاعرف أوفي بوعد!! مش عارف أعمل إيه؟ mob