أنا شاب في تانية كلية، ارتبطت من فترة قريبة ببنت كنت متعرف عليها من على الإنترنت، وكنا في أول الفترة دي بنتكلم عادي، وكل ما باتصل بيها بتردّ، وكنا بنتقابل؛ بس مش كتير. أنا مش عارف الفترة دي إيه اللي غيّرها بالظبط؛ بس هي من الأول ما كانتش موافقة بالارتباط، وبتقول اللي إحنا فيه مرحلة لسه ما ينفعش إننا نرتبط، ومع ذلك كان فيه بيننا حب متبادل، وكنا بنتقابل، وكنا بنتكلم في معظم الأوقات؛ لكن الفترة دي ما بقيتش بترد وأما أكلمها تقول لي أصلي أنا مش عارفة أردّ عشان بابقى في البيت وباخاف حد يسمعني، أنا مش عارف بجد أعمل إيه. a.n