فى إعاده مابينهم من تانى .. والشعب فى موقف إنسانى واحد إخوانجى آه يانى والتانى فريق وإن حتى إن جم بقه سألونى .. طب مين تختار ؟! مرسى الأخوانجى ،، واللا شفيق أفندى راح أرد وأقول ... دا بجد قرار ،، محتاج تفكير إن خدت شفيق راح أموت فى النار، وإن خدت طريق مرسى هحتار لكن أنا خايف .. يحصل تزوير ما هى مِش محتاجه .. راح أظيط فى الظيطه وأنا هَبطْل صوتى وهقول على حاجه .. عادى سهله بسيطه طب ماله سكوتى ألاقيكوا تردوا ساعتها تقولوا ،، إن حتى سِكت .. الوضع خطير إن خدت فلول ،، " أقصد يا شفيق " راح أموت مقتول .. وهترمى الجثه على أى طريق واللا الاخوان جايين جايين فى رئاسه كمان بس أنا أحسنلى بدل ما أولع .. إنى أبقى غريق وأختار مرسى ،، علشان الكرسى .. ميرحشى يا ناس .. للى إسمه شفيق والأسم بقه إختارت أنا واحد .. أحلى الوحشين لكن لا فى شرع ولا فى مِله ولا حتى فى دين ينجح إخوانجى شفيق فِله ،، ويسقط حمدين واللهِ خلاص أنا هتجنن يا بنى آدمين حبه أسأل واحد .. طب أنتَ هتختار بقه مين ؟! ألاقيه بيقولى شفيق عادى .. إيه اللى هيجرى والتانى يقول دا كلام فاضى .. لأ دا أنا مُش هرضى من تانى أعيش فى الدنيا فى كبت يا مصريين غير الحريه حاجه تانيه محناش عايزين ربِك يسترها بقه عليكى يا أم الصابرين بكفايه عياط شايفه عنيكى مبقوش شايفين إياكى تقولى إننا بيكى لأ مُش حاسين واللهِ يا مصر أنتى الغاليه وإحنا راضين علشانِك هنموت ونضحى بأغلى الغاليين فى سبيل إننا بس نصحى كل النايمين واللِه يا مصر أنتى حببتى وشايلك فى العين ماخلاص أنتى بقه عرفتى مين الخاينين من غير أنا ما أحكى أو أقولِك دا أكيد باينين ساكته يا مصر وصابره علينا .. ومستحمله علشان ترضينا وأما الفرصه جَت فى إدينا روحنا فى ثانيه متشكلين ونقطع فيكى على كيفنا .. ونوزع ع الحراميين كله نِفسه ياكل م التورطه .. وفيكى ياما مُش فاهمين واحد علمانى .. ليبرالى .. سلفى جهادى بقه وتيوانى وبيتكلم لكن تحت ستار الدين كلمه أخيره يا مصر هقولها ،، وهروح للدنيا وهحكيلها فيكى الناس .. عايشه وخلاص .. مبقاش فى قلوبهم إحساس من ربنا مبقوش خايفين بس أنا هدعى ليكى يا مصر ربى إحفظها م الظالميين .. من وقتنا ده ليوم الدين كله يأمن يالله ورايا قولوا آمين كله يأمن يالله ورايا قولوا آمين
