الاحد * 22/4/2012 مفيد فوزى : أهلا بحضراتكم فيه فى مصرترسانة من القوانين يعنى قوانين ياما وكلها تكافح الفساد خد عندك قانون العقوبات قانون الكسب الغيرالمشروع قانون حظرغسيل الأموال وأجهزة إشى مباحث أموال عامة إشى جهازالنيابة العامة والنيابة الإدارية وأيضا المركزى للمحاسبات يعنى أيضا هناك أجهزة فى مصر شغلتها الوحيدة فقط هى الحرب على الفساد ومع ذلك بعد ثورة يناير ثبت أن هناك فساد غيرمسبوق الله أعلم إذا كان فيه بعد ثورة ينايرفساد تانى ولا لأ الله أعلم دى بقى التاريخ ممكن يذكرها ,معى ضيفان كريمان المستشارة نجوى صادق نائبة رئيس النيابة الإدارية والمفكرالمصرى الدكتورعلى السمان الإتنين هيحاولوا يسلطوا كشاف يكشف حقائق الفساد هل هى نتاج صغرات هل هى فكرة الفساد اللى جاى عن طريق قرار بالأمر أو إستيلاء بالأمرأوالأمر المباشر كل هذه الأشياء نحن نحاول أن نناقشها بشكل موضوى ليس به أى إنفعال فى حديث المدينة مفيد فوزى : المستشارة نجوى عايز اسألك عن حاجة مهمة جدا بيقولوا سموه عوار سموه مشاكل سموه فساد زى ما تسموه لكن هو يكاد يكون فساد بالقانون أنا واقف عند جملة فساد بالقانون هل يمكن أن يكون هناك فساد بالقانون ؟ نجوى صادق : بسم الله الرحمن الرحيم ما نقدرش نقول كلمة فساد بالقانون لكن هناك أسباب كثيرة لكن هناك أسباب كثيرة ان يوجد قوانين ولكن الفساد منتشر أولا فيه قوانين أصبحت لا تلبى حاجات نظام قانونى سريع وحازم وفاعلية لمكافحة الفساد فيه قوانين تانية أصبحت قاصرة عن ملاحقة المستجدات فى الفساد فيه للأسف الشديد قوانين بها صغرات يستطيع الماكرين والخبثاء والمعتدين على الأموال العامة يمروا بها بتيار فسادهم من هذه الصغرات فيه قوانين غير مفعلة أو أنا بقى مش عايزة أقول أكتر من كده ان لازم يكون فيه مبدأ المساواة فى تطبيق القوانين إحنا فى بلد قانون ويجب أن يسود مبدأ سيادة القانون يخضع له الحاكم والمحكوم على السواء مفيد فوزى : هل معنى هذا علشان خاطر أفهم ان حضرتك إعترضتى على كلمة فساد بالقانون الناس اللى بيرتكبوا فساد يقولك أنا مظبط نفسى الكلمة دى وصاللك ؟ نجوى صادق : بتحصل مفيد فوزى : بتحصل كتير نجوى صادق : مظبط نفسه طيب ومع ذلك أنا أحب اسألك الدكتورعلى السلمى لماذا يقال أحيانا أن اسوأ ان الفساد هو ما كان يرتدى ثوب الفضيلة على السمان : أنا عندى إمكانية إنى أعبريمكن بسهولة أكترمفيش تحفظات عندى ولا وظيفة ولا وضع وظيفى عايزأقولك المشكلة اللى جاية على كلمة الفساد اللى كنت عايزتسأل فيها الفساد القانونى هوجاى فى الواقع من مضمون وليس شكل إيه المضمون ؟ أجى فى وقت أنا عايزفيه فى الواقع مؤرخ وقانونى أقوله إنت طلعت القانون ده أمتى وليه ؟ يقول أصل هو مثلا إترشح نائب رئيس جمهورية وأنا فى وضع جديد كان لازم أتفادها دا مضمون القانون أقوم أطلعله قانون وقبل وقبل فى العهود السابقة بيطلع قانون للرد أما من يحكم ومن هنا التعبيربتاع زمان طلع إن دى صانعة بالنسبة للمواطن العادى بيشعرإن ده ما بيردش على مطلب حقيقى ولكن مطلب آمن إذنا لازم أعمله قانون النهارده مفيد فوزى : دا فساد ؟ على السمان : فى رأى فساد مضمونى زى ما بيقولوا فى مضمون الأشياء إنت مطلع القانون دا مخصوص لهدف سياسى معين واللى قابليهم عملوا نفس الشيىء دى النقطة اللى بتعملى زى ما بتقول عدم إرتياح فكرى وضميرى وكله وبعدين هروح يمكن بعيد شوية وأخد منك كلمة فساد وأقول إن فيه فساد فى الممارسة ويؤثر فيه بقى ممارسة هى أخطر من القانون حكم المحكمة ولا يوجد منصة أقدر أتكلم فيها بصراحة عن ده اللى هذه المنصة بتاع النهارده تأذنلى ؟ مفيد فوزى : تفضل على السمان : تمام لما أقول أنا هحكم النهارده فى قضية مهمة جدا جدا جميعا ماسين فى الشارع اللى فيه القاضى اللى هيحكم والمكان اللى هيحكم منه فى قاعة المحكمة لو يكون فيه ألف قدامن المحكمة وخمسمائة فى طرقات المحكمة ثم 300 جوا القاعة ما هو لو أذنتلى الإرتياح النفسى للقاضى الذى يسمح له أن يحكم ؟ القاضى اللى إحنا مؤمنين بيه كقاعدة كلمة إستقلال القضاء والقضاء الشامخ ولكن فى كلمة أسمها المناخ مفيد فوزى : المناخ العام ؟ على السمان : المناخ اللى قدامه والهتفات والإعتداء والتهديد وبالتالى دا اللى خلانى اسأل وأقول فيه أجهزة تانية بقى القضاء دورها أن تمنع دا نوع من الفساد فساد الممارسة مفيد فوزى : فساد الممارسة علشان كده سيادة المستشارة عندها تحفظ على جزء من كلامك نجوى صادق : كلام حضرتك إلى حد كبيرمظبوط ان يكون مناخ مريح للقاضى ولكن مهما ساءت البيئة ومهما حصل أشياء حوالين القاضى القاضى سوف يحكم بالعدل هيبقى تعبان جايز لكن مش هيحيد عن إقامة العدل مهما كانت الظروف مفيد فوزى : فهمينى يا دكتورة هيبقى تعبان يعنى إيه هيبقى تعبان ؟ نجوى صادق : يعنى ناس بتهتف ناس عاملة مظاهرات مفيد فوزى : تعبان ولا يتأثر؟ نجوى صادق : ما بيتأثرش كويس إن حضرتك بتوضحلى يعنى مهما يكون القاضى لا يتأثر وعلشان كده هما عملوا رمز العدالة إيه ؟ الميزان دى حاجة نمرة إتنين سيدة معصوبة العينيين يعنى هى لا ترى أى شيىء إلا أن تحكم بالعدل مفيد فوزى : ولذلك دكتورعلى بيقول ممارسة فيها فساد نجوى صادق : لأ هى ممارسة جايزما تكنش مدية جول مريح ولكن هذا لا يؤثرعلى القاضى مفيد فوزى : هل لدينا هيئة قومية عليا لمحاربة الفساد وما هى آلياتها ؟ نجوى صادق : أه إحنا الحقيقة عندنا أجهزة كثيرة لمكافحة الفساد النيابة الإدارية والنيابة العامة والكسب غير المشروع ومباحث الأموال العامة ولكن فى مستجدات جرائم الفساد هذه الأجهزة بتقوم بوظيفتها بطريقة تقليدية ومن زمان وموجودة ولكن هناك مستجدات مفيد فوزى : تقصدى المستجدات التغييرالجذرى الحالى فى المجتمع ؟ نجوى صادق :الغير الجذرى الحادث فى المجتمع وما إنطوى عليه من ناحية أخرى من مستجدات زى حتة تهريب الأموال يعنى دى كلها حاجات جديدة لازم تواجه بآليات جديدة هو فى الحقيقة كانت الأممالمتحدة علشان مواجهة هذه المستجدات أما الإتفاقية إسمها إتفاقية الأممالمتحدة مفيد فوزى : أفتكر إن مصرصدقت عليها نجوى صادق : بالظبط مصر صدقت عليها سنة 2004 ولكن للأسف أنا طبعا من منطلق ببقى عضو فى الوفد الرسمى المصرى الأممالمتحدة بتعمل كل سنتين إجتماع دولى الإتاقية ما الذى نفذ منها وكلنا بنقول رأينا دا التنفيذ دا جاب نتيجة ودا مجبش ولكن هى الإتفاقية دى فيها ثلاثة أشياء مهمة جدا أول حاجة كانت مطالبة بإنشاء هيئة وطنية لمكافحة الفساد تانى حاجة إصدارقانون لمكافحة الفساد تالت حاجة تفعيل التعاون الدولى الى إحنا فى أشد حاجة إليه دلوقتى لمقاومة الفساد علشان نرجع الأموال والعائدات بتاعة الأموال المهربة بالنسبة لهيئة مكافحة الفساد هتقولى طب ما إحنا عندنا النيابة الإدارية والنيابة العامة قبل ما أخش فى مكافحة الفساد معلش عايزأقول جزية صغيرة فى حتة هيئة النياية الإدارية هو للأسف النيايبة الإدارية دى من الهيئات الأساسية لمكافحة الفساد فإيه اللى حصل من الدولة ففى السنين اللى مضت؟ قطعوا أدرعتها علشان متقدرش تصل إلى جرائم الفساد قطعوا أدرلاعتها إزاى يعنى أنا كنيابة إدارية مسئول عن التحقيق فى جميع الجهات اللى المفروض أموالها أموال عامة مفيد فوزى : داخل الدولة يعنى فى قطاع الدولة ؟ نجوى صادق : فى قطاع الدولة علشان كده دا الفرق بينها وبين هيئة مكافحة الفساد فأول حاجة أى قانون إصداريروح مطلع من إختصاص النيابة الإدارية يعنى مثلا إحنا المفروض بتمتد إختصاصتنا للعاملين المدنيين فى الدولة والإدارة المحلية والعاملين فى القطاع العام والعاملين فى الشركات اللى بتساهم فيها الدولة بنسبة أول حاجة عملوها إيه ؟ إنهم لما يحولوا من شركات قطاع عامة لشركات قابضة وشركات تابعة يقولوا لا والله دى مسئولية مفيد فوزى : مين اللى بيقولوا أولا ؟ نجوى صادق : القانون ما هو للأسف ما هو دا الفساد القانونى فاصل مفيد فوزى : أنا بس عايزأقول ملاحظة ربما للمشاهد الكريم اللى بيشوفنا يندهش إننا قاعدين خلال هذا الحوارالمهم عن الفساد وقدامى فنجان قهوة وأيضا ليمون وقدام الدكتورعلى السلماى فنجان قهوة ولمون وأنا أعرف حدوتة بسيطة صغيرة هقولها فى سطر ان كان الرئيس الراحل جمال عبد الناصر لما يبقى عنده ناس ضيوف فى مكتبه كان يحرص على إنه يجبلهم لمون وقهوة القهوة لتظبيط فى النقاش طبعا والليمون للروقان وأنا أعتقد إن المعلومة علشان خاطر أكون آميين خدتها من الدكتور على السمان ماذا كان يقصد الرئيس يا دكتور على؟ على السمان : هو أنا خدتها فى كلمة ممارسة يعنى أنا كنت طرف فى قاعدة مغلقة بينى وبينه بعد لقائه مع المفكر الشهيرسارتردخل 4 طلبات إتنين لمون وإتنين قهوة وهقعد لوحدى إفتكرت إن فيه إتنين هيحصلونى وهو يقصد يرشحلى معلش كل دا لنا الليمون يروق والقهوة ظبط وأصارحك منذ ذلك اليومخ إعتبرت إن دا جزء من تراث الرئيس عبد الناصر مفيش مكتب أخشه وأملك القرار فيه و لاينفصل الليمون عن القهوة مفيد فوزى : المستشارة نجوى صادق عايزاسألك سؤال هل يجوز قانونا التصالح مع رموزالزمن السابق لإسترداد الأموال ؟ نجوى صادق : يجب أن نفسرهذا السؤال أولا هنتصالح على إيه دلوقتى فيه نوعين من التراضى فيه رموزالنظام السابق إرتكبوا جرام كان فيها أشياء جنائية قتل المتظاهرين والحاجات دى كلها دى لا يجوزالتصالح عليها أبدا وأنا بوضح الجرائم الجنائية بتاعة قتل المتظاهرين والتعذيب لا يجوز التصالح معهم ولكن بخصوص الأموال وأنا كنت هقولها لحضرتك دلوقتى مفيد فوزى : إذنا أنتى ترى أن التصالح مع الرموزفى غيرالأموال قضايا أمام المحاكم أنا مش عايز أقول كلام أدبى أنتى مستشارة والقانون لغتك فإسمحيلى معناها إن هذه القضايا الجنائية إذا صح التعبير وصححيلى لوكنت غلطان الجنائية تنظرأمام المحاكم المختصة فيما يتعلق بالأموال فإنتى أيضا شايفة نجوى صادق : هو طبعا فيه وجهات نظر فى قالوا إزاى ؟ دول نهبوا أموال الشعب دول الى خدوا أموالنا دول عطلوا حركة التنمية إزاى أنا أتصالح معاهم ؟ نمرة إتنين طب ما هو أى النهارده واحد فى الدولة هيبقى يستولى هيبقى أنا بسهله ان الإستيلاء على الأموال العامة وبعدين حين يكتشف يقولم أتصالح وأرجع الأموال ومتعاقبش مفيد فوزى : إنتى وجهة نظرك إيه ؟ نجوى صادق : الكلام مش كده إحنا محتاجين طبعا الأموال لحركة التنمية دلوقتى مفيد فوزى : أنا وصلنى من كلامك إنه يمكن التصالح ؟ نجوى صادق : يمكن التصالح فى حدود يعنى أنا مش هتصالح أسقط العقوبة عنده لأ برضه هيبقى فيه غرامة وبرضه هيبقى فيه الإستيلاء إسترجاع الأموال اللى هو خدها يالإضافة إلى غرامة يعنى هيكون فيه نوع من العقوبة أخف قليلا مما لو ما رجعش الأموال مفيد فوزى : دكتورنجوى الناس اللى بتشوفنا بتبقى حريصة قوى تعرف المسائل بالظبط فحضرتك دلوقتى قلتى يمكن ولا يمكن لأ وصحيلى بالكامل ؟ إذا سمحتى علشان خاطركمان لما أنا أفهم الناس هتفهم إعتبرينى مشاهد نجوى صادق : يعنى واحد مثلا إختلس 50 مليون جنيه وهربهم طبعا إحنا لسه هنتكلم على مدى إمكانية إسترداد الأموال اللى فى الخارج وإيه الإجراءات ؟ طبعا إجراءات صعبة جدا ولازم الأول يبقى فيه إتفاقية بينا وبين الدولة مفيد فوزى : تعود هذه الأموال ؟ نجوى صادق : إن شاء الله بس بصعوبة مفيد فوزى : معلش ريحينى فى التساؤلات اللى بقولهالك وإنت ست مسئولة قانون هل تعود قلتى فيه صعوبة إتنين هل معنى هذا تصالح ؟ نجوى صادق : لأ دلوقتى لما الأموال دى تعود مفيهاش تصالح خالص دى أولا لازم يصدرحكم من القضاء ان إن هذه الأموال المتحصلة عن جرائم جنائية لازم يكون فيه حكم جنائى يصدر عندنا هنا الأول مفيد فوزى : من المحكمة ؟ نجوى صادق : أه وهو فعلا صادرحكم مثلا بالنسبة لحسين سالم وإبنه وبنته بالسجن 8 سنوت وإن هذه الأموال متحصلة على جرائم سياسية دى نمرة واحد نمرة إتنين طب الأموال دى أنا مش شايفها دى فيه غسيل أموال هناك أوصلها إزاى؟ دى نمرة إتنين لازم يبقى فيه تعاقد مع المكاتب الكبيرة اللى هتبحث أين هذه الأموال موجودة ؟ وبصعوبة جامدة جدا ومش بسهولة مفيد فوزى : دكتورة نجوى على فكرة عايزأقولك على حاجة بعض الناس اللى بتشوفنا تتصوإن الفلوس جاية الشهرالجاى وبيحسبوها بالتنتوف إنتى تعرفى يعنى إيه التنتوف ؟ نجوى صادق : طبعا أنا مصرية طبعا مفيد فوزى : يعنى إيه التنتوف ؟ نجوى صادق : حاجة كده صغيرة قوى مفيد فوزى : المليم يعنى بيحسبوها بالمليم يعنى معنى هذا إن الناس تتوقع فأنا إسترسالك عايزك توصلينى للحقيقة ؟ نجوى صادق : بعد صدورحكم من عندنا صدورحكم من القضاء أولا هذه الأموال تايهة هناك إحنا صدرمن عندنا حكم لازم يكون إحنا قدمنا للدولة طلب والدولة الأجنبية تستطيع أن تضع يدها على هذه الأموال ويتم تجميدها دى أول حاجة إتنين يبقى فيه المصادرة- المصادرة دى ما تحدثشى إلا بحكم جنائى من مصر طب دا لو الأموال موجودة هل الأموال ظاهرة هناك ؟ ما هى بقى مشكلة فعلشان كده إحنا بنقول لو تصالحنا بحيث يكون فيه ميزة للجانبين يعنى أنا مش هعفى الشخص اللى هرب الأموال ده من العقوبة تماما لأ هنأخذ جزء ونوقع عليه غرامة برضه يعنى أنا مبعفهوش من العقوبة مقابل التصالح أنا بخفف العقوبة مفيد فوزى : همسك فى الجملة دى أنا ما بدلوش عفوا تام إنما أنا بتصالح معاها نجوى صادق : بتصالح وبخفف العقوبة مفيد فوزى : فيه حد من الموجودين حاليا بيقول أنا عايزأدفع كل ما عندى وتتصالحوا معايا هل دا مقبول قانونا ؟ نجوى صادق : هى وجهات نظر مقبول ممكن يكون مقبول بس بشرط ان ما يعفاش من العقاب تماما مفيد فوزى : طيب يبقى أنا أسمع رأى دكتورعلى السمان ويبدوا أن الموضوع شديد الحساسية بدليل إن الدكتورعلى السلمان أرتدى النضارة ليتكلم ويرانا على السمان : أنا عايزأقولك طبعا اللى جاب الضجة دى كلها كلمة تصالح تعتبرأدب سياسى أم الناس فكروا التصالح إنى أنا أعمل اللى أنا عايزة وبعدين أقولك خد الى أنا كسبته وصالحتنى هى فيها طبعا وأفهم موقف المستشارة إنها لابد أن تعطيك المعيار القانونى إلى أين يذهب التصالح بس عايزأقولك بالنسبة للجملة اللى إنت قلتها الأوال والأموال والأموال الى عند الناس دى فدى خلقت حلم زائف لدى فقراء مصرأنا عايزأديك نموذج حى عشته, الرجل الذى يعمل فى بيت الأخ والصديق المحترم بطرس غالى بقاله أقولك إيه 30 سنة جه فى يوم من الأيام وقال لمدام بطرس غالى أنا سعيد إن اليوم قرب إن أرتاح بعد المدة دى كلها من عمرى واللى يجيى بقى من أموال رجالة مبارك نعيش بيه بقيت العمر واحد حول نفسه إلى راجل فى المعاش وإن الفلوس جاية وإن الفلوس اللى جاية تكفى أن يعيش هو وولاده هذه للأمانة جريمة أسف أقول نصفها الإعلام ترك الحلم يطيرإنت تقصد تخلى الشعورضد فئة معينة من المجتمع إنها أجرمت وبعدين الأرقام لن تعبر على حقيقة على أرض الواقع مفيد فوزى : تعليقك إيه على أخركلام قاله الدكتور ؟ نجوى صادق : رأيى يوجد تصالح مع تخفيف فى العقاب وليس محو العقاب كله مفيد فوزى : يوجد تخفيف فى العقاب وليس العقوبة كلها هل تتصورى إنه من الممكن ان يتضمن الدستور القادم نصوصا حول مكافحة الفساد ؟ نجوى صادق : يهمنى جدا أشوف إيه الأحكام اللى كانت فى الدستور وتؤدى إلى خلق بيئة صالحة وإيه الينابيع اللى المفروض تكشفها حتى نجفف منابع الفساد أنا هقول لحضرتك حاجات كتيرة إنتهينا إليها بالمقارنة بالدستورالسابق أنا مش هقول نصوص أنا هقول مبادىء أول حاجة السلطة التنفيذية أحكام تضمن عدم تغول السلطة التنفيذية على السلطة التشريعية إنت حضرتك لو تبص فى العصرالسابق هل لقيت فعلا البرلمان عمل تحقيق أو طلب الحكومة فعلا بإن فيه فساد بإن فيه تقصيرإن فيه جرائم محصلش ؟ ليه لأن كانت الحكومة معظمها قصد أقولك السلطة التشريعية كانت من الحزب الحاكم كانت بتجامل الحكومة السلطة التنفيذية ليها سلطات كثيرة جدا جدا جدا يجعلها تتغول على السلطة التشريعية إتنين كان فيه نصوص فى الدستورالسابق هى مبادىء جيدة ولكنها غيرمفعلة يعنى مثلا لما يقولك لحضرتك إيه ؟ مبدأ تكافأ الفرص هل فعلا فيه مبدأ تكافأ الفرص ؟ أمام الوظائف العامة هل فيه مبدأ المساواة أمام التعيين فى الوظائف العامة ؟ مفيش كثير بقى فيه كمان نوع من الأشياء المهمة اللى يجب ينص عليها الدستورالجديد فيه مجموعة راعين جديد من الحقوق هامة جدا لتثقيف الشع بدال ما يعنى بنتكلم برضه بصراحة يعنى بدال ما مثلا طريقة الإنتخابات تدار مفيهاش تذوير أما واحد يجيبلى أتوبيس من الأرياف ملىء ناس يجيى يبتهم هنا وكل واحد يتوزع عليه 600 أو 400 جنيه روحوا قولوا كذا دا أنا مرة كنت فى لجنة إنتخابات فبقوله إنت عايزتنتخب مين ؟ يقولوا رمزالكنكة هو مين ؟ مش عارف الأسم شوف حضرتك قد إيه مفيد فوزى : طب خلينى آخد من كلامك نقطة شديدة الأهمية لما بتقولى الأتوبيس جاى وجايب معاه ناس والناس بيتوا فى أوتيل وإداهم فلوس وتانى يوم جاى يرشح الكنكة وهو لا يعرف فيها شقين الشق الأول هوالجهل لكن الشق الثانى وهوالأخطراللى بسأل فيه الدكتورعلى هناك فساد إسمه الفساد السياسى وربما العبارة تكاد تبدوا غامضة إزاى أعرف من الذى يفسد الحياة السياسية ؟ وهل هنا شيوع للإتهامات ما المقصود حقا بكلمة إفساد الحياة السياسية ؟ على السمان :هو مرة تانية هرجع لكلمة وأقول إذا كنت يعنى عنيد شوية وبكررنفس الكلام فساد ممارسة ما هى دى ممارسة راح الجنة دى وخد الراجل الى المفروض يصوت وأثرفى تصويته حتى بالكلمة يعنى لو قالوا يا بنى داء الإيمان وداء الكفرمثلا لوحصلت تعرف لو حصلت مرة واحدة قدر الفساد المعنوى فيها كبير إذنا دا فساد ممارسة دا جاى من واقع يمكن هاخد من الحتة دى وأروح لمنحى تانى خالص طالما إن إحنا بنقول حاليا بنعمل إيه قبل ما نفكرنعمل دستورإصارحك أنا حزين إن أنا صوت فى المرة الأولى لما كان المفروض ما أعملش الدستورالأول أقولها لك بصراحة لو حطيت الدستورالأول كنا بقينا فى الطريق الصحيح وكثيرمن الناس عندهم نفس الشعور ده اللى عايزأقوله لأن كلمة التنفيذية والتشريعية لازم نتوقف أمامها لابد علشان ما نرحش لفساد إن ما يبقاش فيه مزج لأن هى قالت التعبيرإن السلطة التشريعية كانت تنتمى إلى نفس المؤسسة السياسية بتاعة السلطة التنفيذية مفيد فوزى : هل دا فساد سياسى ؟ على السلمان : دا واقع هواللى حصل كده إن الحزب الوطنى هو اللى ماسك السلطة التنفيذية طبعا لأن البشر بشرأنا كسلطة تنفيذية مفيد فوزى : إذنا مفيش شيوع إتهام هنا على السمان : لأ طبعا مقدرأقول شيوع إتهام مفيد فوزى : يعنى إفساد الحياة السياسية محدد علشان الناس تفهم محدد تماما؟ على السمان : محدد بمعاييرتانية يعنى مقدرش أقول على دا فساد إلا لما يبقى فيه دلائل مادية إنما الوضع العام إنه عندما تختلط الأوراق ودا بيتطلب نظام سياسى مختلف مفيد فوزى : ايوه بس المستشارة نجوى قالت بالحرف الواحد إن الجهازالتنفيذى نجوى صادق : السلطة التنفيذية كانت تتغول على السلطة التشريعية والسلطة القضائية أيضا مفيد فوزى : هل هذا هو الممارسة اللى فيها فساد ؟ مستشارة نجوى صادق هل هى نتاج غياب ضمير أم بعد عن الله أم قانون بثغرات ؟ نجوى صادق: القوانين الجديدة اللى بتستهدف قوانين الفساد منها قانون مكافحة الفساد قانون مكافحة الفساد ده بيتضمن الجزئية اللى قلتلك عليها إنشاء هيئة وطنية لمكافحة الفساد مفيد فوزى : حضرتك قلتى الكلا دا من قبل يبقى إنتى كده وضحتى والمحكمة إتنورت نجوى صادق : يعنى حضرتك بتستبق الأحداث بتستبق القوانين حضرتك بتقول مسألة ضميرالهيئة دى هيبقى من أهمها مهامها الندوات والمؤتمرات لتوعية الشعب وتوعية ضميره بمخاطرالفساد لتنشأة جيل جديد بضمير مفيد فوزى : بضميربس إنتى وصلتى للنقطة الرئيسية هل هوغياب ضمير؟ البعدعن الله أم قنون بثغرات ؟ على السمان : الإتنين جزء من بعد إذنك هنخرج من القانون شوية مفيد فوزى : إتفضل على السمان:هوجزء من ثقافة مجتمع ونحن فى أمس الحاجة إليه إيه المؤسسات اللى تخش فى الثقافة تكاد تكون كل المجتمع الأهلى كل المؤسسات الدينية عالية المستوى والإعلام اللى زى ما قلتلك يا أستاذ مفيد المدرسة الشعبية هى دى اللى تساهم فى النقطتين الرئيسيتين اللى إنت قلتهم عودة الضميروالتانية اللى بسميها التقرب من الله فيه ثقافة ثقافة مجتمع وأنا أزيد على أللى إنتى قلته خطرإن الإتنين غابوا من مدة مفيد فوزى : دكتورة نجوى فى عبارة واحدة ما هو الفساد؟ أنا قلت العبارة علشان أختم بيكى أخر جملة هتقوليها هى أخرجملة فى البرنامج بمعنى أدق ان مش هيحصل إنك تحويلها لمقال ما هو الفساد ؟ نجوى صادق : الفساد هو سرطان ينخرفى المجتمع ويترتب عليه تعطيل التنمية وتعطيل الديمقراطية وسوء توزيع الدخل فى المجتمع وظهورطبقة شديدة الثراء نهبت الأموال وإنتشارالفقر والجهل والمساس بمصلحة الدولة
