مصر إنتى أمى إنتى أبويا وأخويا وأختى إنتى جارى وصديقى وصاحبى إنتى شرفى وكرامتى وعرضى إنتى الأرض ونهر النيل إنتى القنال والسد إنتى أطيب وأعظم شعب يا حبى الخالد إللى بيجرى ف دمى وساكن معشش ف القلب يا حب عمرى والسنين ياللى لونى من قمح أرضك حتى إسمى من طرح نخلك بلح زغلول بلون دمى جريده شواشى مضلله بتحمينى وقت حرى على ضفاف النيل منظومه من النخيل لوحه مرسومه بعظمة وقدرة إلآهى مين يا بلدى غيرك أفديه بروحى ودمى مين يا مصر غيرك يسكن حبها جوه قلبى ومن غيرك يا يا بلدى أنا أبقى مين أنا إبنك إللى مالهوش غيرك إللى ضاع بصمت الكلام مكتوم بين ضلوعى عمره أيام وسنين كنت خايف لأ كنت مكبل الإيادى كنت مكمم من غير أنين كنت عايز أصرخ ومش قادر سجنونى جوه نفسى حفنه من ولادك الفاسدين نسونى إسمى نسونى نفسى بالتعذيب والمعتقلات بالترهيب والإفتعالات مبقتش عارف أنا أبقى مين أنا إبنك ولا غريب عنك عايش على أرضك أجرى عند الإقطاعين حفنه من ولادك المفسدين قسموكى ما بينهم بزعامة على بابا والأربعين فى يوم خمسه وعشرين يناير أنا وأخويا وإبن عمى أنا وبنتى وإبنى أنا وجارى وصاحبى أنا وكل الشعب المصرى روحنا ميدان التحرير صرخنا بأعلى صوتنا إحنا ولادك يا مصر إللى صنعنا الحضاره بدم وعرق أبويا وجدى من ألاف السنين سامحينا يا بلدى ظلمناكى بصمت الكلام النهارده يا بلدى إنفجر البركان إللى مكتوم جوانا من سنين إحنا ولادك المخلصين إحنا شعبك الطيب الأمين من النهارده نعاهدك يا مصر هنحررك من المفسدين بالروح بالدم بالنفس فداكى يا هبة النيل الغالى والثمين يا مصر إنتى الحنين محتاجين يا حبيبتى لحضنك دفينا بحنانك الأمان هو إسمك اسقيننا يا أمى بقالنا تلاتين سنه عطشانين محتاجين نشرب كمان وكمان محتاجين تدفينا بحنانك من شريانك يا هبة النيل مهما شربنا من حنانك هنفضل يا بلدى لحبك عطشانين عطشانين لتحريرك من الظالم والظالمين من إللى أفسدونا وأفسدوكى لصوص سرقونا ونهبوكى مش من النهاده من زمان لما كنا لسه صغيرين كنا لسه مش عارفين إيه إللى فيكى بيتغير قيم وأخلاق بتدهور حتى الصحه والتعليم أتاريهم بيخدعونا بفتافيت يسكتونا ويقولوا عليكى مديونه باعوكى وباعونا خصخصوكى وشردونا كنا بسألك وبتسألينا بس يا خساره السؤال والجواب بحيره وبصمت الكلام أوهمونا إنك فقيره تجاوبينا بقنالك وسدك إللى فى أسوان بنيلك ببساتينك وزرعك بخيرك إللى مدفون تحت أرضك بالغاز إللى باعوه بملاليم تجاوبنا وإحنا صامتين قصادك مكممين وجوانا صمت الكلام تزيد حيرتك عيزاننا نجاوبك وأنتى عارفه الجواب فى صمت الكلام لو بصيتى ف عنينا نجاوبك بدمع العين قبل ما يبتدى الشهر مفلسين نجاوبك بالعششإللى فيها ساكنين نجاوبك بطوابير رغيف العيش نجاوبك بعواطليه ع القهاوى قاعدين وهمه بينعموا بالعيشه فى القصور نهبوا مليارات وكنوز كتير ومش مكفيهم يا بلدى أصلهم طماعين عايزين يورثوكى علشان يسقونا المرار باقى السنين مش مهم يا بلدى نجوع مش مهم يا حبيبتى نموت المهم نحررك من المفسدين تسلمى يا مصر يا نبع الحنان يا بلد الحضاره والأمان يا بلد عرابى وسعد وجمال يا أم الأبطال أكتوبر وسته وخمسين وخمسه وعشرين يناير والنصر المبين سامحينا يا حبيبتى كان غصب عننا صمت الكلام وبعد كل المعاناه سنين ثوره قامت للتطهير وطهرنا أرضنا بدم ألف شهيد وألاف مصاب النهارده معاقين وحبسناك يا على بابا إنت والأربعين جاى النهارده تطلب العفو من مين ولا من مين خلاص إنتهى صمت الكلام أصولتنا أعلى من الميكرفون بأعلى صوت كل الشعب المصرى يا قاضى يلا بقى أقعد على الكرسى واحكم بعدل الميزان ورجع حقوقنا بالفعل مش بالكلام إحنا رافضين لعبة العفو وسيناريو الإستخفاف المزعوم علشان يبقى عبره لكل من هو جاى عرش مصر محتاج رجال بالعدل يحكموا الحق مبدأ للحكام
