■ مصر بلدى بحبها.. ست الدنيا كلها.. مين فى الدنيا زيها.. نيلها بيجرى فى دمنا.. مهما يحصل منها.. جوه قلبى حبها.. صعب أفارق حضنها.. أحلى شعب شعبنا.. عدى علينا كتير أزمات.. عمر الحلم فى لحظة ما مات.. وفى شوارعها كتير حكايات.. تحكى صلابة شعبنا.. اسألوا عنها فى أى مكان.. ياما حررنا كتير أوطان.. دى المذكورة فى القرآن.. مين فى الدنيا زينا.. مهما قالوا عنها.. عمره ما ينقص منها.. كل جذورنا فى أرضها.. مصر بلدى بحبها. أيمن يحيى - إمبابة - الجيزة ■ أنا مصرى أنا مصرى.. صعيدى ونوبى من بحرى.. بحب بلادى يا ربى.. ودا أجمل ما فى قدرى.. وطيبة قلبى من طبعى.. عشان كمن أنا مصرى.. هواها كبير ملا قلبى.. كفاياة علىّ أكون مصرى.. يا أجمل حب صادفنى.. ولسه القلب كان خالى.. يا أطهر اسم رددته.. مكانه ف السما عالى.. يا بدر كبير مافيش زيه.. فى ليلى نهارى بيلالى يا مصر يا دنيتى إنتى.. كفاياة تكونى فى بالى.. ولما الغربة تاخدنى.. أقول يارب خلينى.. أعيش ساعة ما بين أهلى.. ترابك بس يكفينى.. وباشتاقلك تضمينى.. وأقول يا مين يرسينى.. أشوف شطك وأبوس نيلك.. مافيش غيرك دوا لعينى.. أنا مصرى أنا مصرى.. صعيدى ونوبى من بحرى. محمد محمد على جنيدى [email protected] ■ أنا المصرى زى ما أنا.. أجدادى الفراعنة كانوا هنا.. أصل الحضارة بدأ عندنا.. والعالم كله اتعلم مننا.. المصرى بدأ الكتابة علم الناس الكلام.. جيرة وجار يعنى احترام.. مسك القلم جمع وطرح يعنى حساب.. المصرى اللى نقش على الحجر.. علم الناس يعنى إيه دوران القمر.. صنع السفن ركب البحر.. ربنا حباه بأفضل نهر.. فى الحرب واقف وسط النار.. هو اللى بيعرف أصول الجار.. بسم الله الله أكبر ع الأحرار.. أنا المصرى إيدى من حديد.. أنا اللى طهرت بلادى فى أكتوبر المجيد.. الشجاعة أصل المصرى الشهيد.. له ألف انتصار شرف وعيد. ماهر فتحى زكى
