إسمك فى التاريخ مكتوب دمك بيسرى فى القلوب ياشهيد ضحيت والتضحيه نورت طريق كل محبوب إسمك فى التاريخ مكتوب كل حرب وفيها خسائر والخسائر لازم تكون إنت فيها وليها البشاير يرجع العدل فى الكون لو ما كنتش تبقى الضحيه مين اللى هايمحى العيوب إسمك فى التاريخ مكتوب لو كنت ميت فإنت حى ياشهيد حى بإسمك وإنت عملك مش بعيد يخلى الحزين يعيش سعيد ويرجع بفضلك كل شىء كان منهوب إسمك فى التاريخ مكتوب ياشهيد دمك تمنه غالى لما بسببه تلقى بلدك فى العلالى تلقى ساعة الظلم راحت لما صاحبها أصبح مغلوب إسمك فى التاريخ مكتوب يا أم الشهيد إفرحى وفرحى إبنك شهيد بيقولك فى الجنه مطرحى بين الشهداء المخلدين محسوب إسمك فى التاريخ مكتوب دمك بيسرى فى القلوب ياشهيد ضحيت والتضحيه نورت طريق كل محبوب