بقلم كارم عمران اجمل شىء انا شوفته النهاردة وانا فى لجنة الاستفتاء على تعديلات الدستور هو ان فى اقبال كتير جدا على اللجنة . والاجمل من ده ثقة كل اللى داخل يقول رأيه . ان صوته له اهمية كبير وان اللى هيقوله هو اللى هيوصل . يعنى مش هيتلعب فى صوته . والاجمل والاجمل من كل ده هو قبول الراى الاخر . كتير من الناس فى اللجنة قعدوا يتناقشوا ليه ده هيقول ( نعم ) وليه ده هيقول ( لا ) والكل مقتنع برايه مع احترامه للراى الاخر . والشعور جو الطرفين انهم هيقبلوا النتيجة بروح عالية فى كل الاحول سواء كانت ( اه ) او كانت ( لاء ) . واللى بيحصل النهاردة ده اكبر رد على كل اللى كان قال ان الشعب المصرى لسا بدرى عليه عشان يعرف الديمقراطية . وانه غير مؤهل لده . بس انا نفسى بجد بعد ظهور النتيجة الناس كلها تفضل بالتحضر ده وبالروح دى . وتقبل بجد النتايج ويكون كلامهم اللى بيقلوه مش كلام بس لاء فعل . عشان نبقى بلد ديمقراطى عنده ثقافة احترام الراى الاخر . وسواء ( اه ) او ( لاء ) . احنا اللى كسبنين . اهم شى كسبناه ثقتنا فى نفسنا . ورجعونا للحياه السياسية من غير خوف ولا قلق .