صور من البشر عجبى من صور البشر صور فى منتهى الخطر صوره مرسومه بالضحكه جواها حزن وكدر موقوته زى القنبله لو زغزغتها تنفجر صوره كدابه ومنافقه متلونه بالرياء والبسمه جواها سواد يعمى البشر الوصوليه طريقها وهدفها المهم تركب على أكتاف البشر تدوس على أى حد قدامها زى القطر لما بيدوس البشر وصوره الكبرياء عنوانها قرفانه ودايمآ متدايقه متعرفش حتى تكلمها ما ينوبك إلا تكشيرة أنيابها لأنك بالنسبالها يا عينى غير البشر آه لو تعرف آخرتها ونهايتها حفرة قبر مسكنها التراب لحافها وسريرها تقرف من ريحتها البشر صوره مغروره بسلطانها فاكره الدنيا دايمالها والمال إللى معاها مأمنها تسأل قارون قبل منها لما إتكبر على البشر دنيا صوره ورا صوره مزهزهه ألوانها وغروره الناس يا ولداه بيها مبهوره ناسيه إن آخرتها فانيه مش هتستنى ولا ثانيه ولا هتاخد منها غير أعمالها وتسيبها زى ما هيه مغروره وعجبى
