مجنون مين اللى قال ان مصر فيها ازمه اقتصاديه ؟؟؟ ولا ان الناس مش لاقيه .اكيد بيتكلموا عن بلد غير بلدنا او ان هناك مصريين اخرين غير ما نراهم !! . و قررنا الذهاب الى احد السوبر ماركت العملاقه والتى تعرضت للنهب فى اوائل ?? يناير و بالعافيه وجدنا مكان لنضع سيارتنا اى سيارتى والتى شعرت انها كالقطه اليتيمه الى جانب السيارات الاخرى اللهم لاحسد واللهم ازد الجميهع الا ان وجود المرسيدس والشروكى وغيرهما قد اشعرانى بالدونيه ،ولم اهتم وترجلنا من السياره انا وهبه وبالكاد وجدنا عربه لنضع طلباتنا فيها وكنت قد قررت ان اكتب ما احتاجه بالظبط دون زياده او نقصان فالموقف المالى لايتحمل رفاهيه .وبسرعه البرق انهينا مهمة الشراء وقررنا ان نجلس لنشرب اى حاجه ساقعه لنشعر اننا هوانم ولسنا حاملات مشتروات فى مهمه رسميه . و لفت نظرى كم اجهزه التلفزيون المحمله على العربات ونظرت لهبه هم بيوزعوها بالمجان ؟ وليه مجبناش ولا دى هدايا على المشتروات وابتسمت هبه لا بصى انتى على كم عبوات الزيت والعصير اكيد احنا داخلين على مجاعه ولا المحل هيقفل وده اخر يوم للبيع ؟؟؟ بالفعل المحل بداخله عروض لا يستهان بها للتوفير لكنها ايضا تحتاج ميزانيه هى الاخرى ولم يمض على وجودنا بالكافيه بمفردنا كثيرا وسرعان ما انضمت الينا غاده وهناء والاتى قررتا هما ايضا ان يشربا شيئا قبل الرجوع للمنزل وفوجئنا انهما قد لاحظا ما لاحظناه من نهم الناس على الشراء وحبهم المفرط للتخزين خاصه وان شكلهم الخارجى لا يوحى بامتلاكهم المال ما يكفى هذا الكم واحيانا نوعيه المشتريات ؟! نسيت ااقولكم ان غاده عاشقه للحيوانات الاليفه خاصة القطط وان اول حاجه قالتها قبل ما تشد كرسى لتجلس معنا ايه الغلا ده. فى كده فالدنيا اكل القطط ارتفع فوق ال???? الكيلو مقرب على ??? جنيه وحاولت ان لا اعلق حتى لا اتهم اننى منعدمة الرحمه و غير متحضره الا اننى فى قرارة نفسى كان نفسى أاقول لها انتى بتستعبطى قطط ايه اللى بتاكل ب ??? !!! طول عمرنا نعرف ان القطط بياكلوا بواقى اكل البيت لكن قلت. يكفى كلمه واحده معلش القطط ياما بيقاسوا ارتفاع الدولار بقى ؟؟؟ المهم رجعنا للناس اللى عربياتهم متخمه بالمشتروات واستنتجنا انهم ربما يعملون مجال المطاعم لان كميات الدقيق والزيت لا يمكن ان تكون للاستعمال المنزلى ؟؟!!ولم نتوقف عند هذا كثيرا . وكأن طاولتنا اصبحت مكان لجذب كل من يمر ويجدنا،، وبدلا من ان نشرب مشروبنا ونقوم ابتدينا نفكر هناكل ايه ؟ لكن طبعا قبل ما نفكر كل واحد ه اخرجت موبيلها اللى تشوف ولادها فين ، وهيعملوا ايه؟ واللى هتقول لجوزها واللى بتشرح ازاى يسخنوا الاكل ،،،المهم رتبنا الامور والقعده بقت غير محدده الوقت وطبعا مش هقولكم قرار اننا نتفق ناكل ايه اخد وقت طويل ازاى،،، مابين يعنى ناكل بره وكمان نطلب زر وخضار ما كنا اكلنا فى بيتنا ،،والتانيه ترد سبحان الله تمنعوا الولاد من الهامبرجر وتقولوا ده عك وتطلبوا؟؟؟ وحسمت صفاء الموقف بجمله مفيده بصوا يا بنات ( ااقل واحده فينا تخطت ال??) اكل الشارع لو مقلى يجيب حموضه والفراخ مش باين لها معالم ،واللحمه مجمده وحاطين عليها توابل عشان متميزوش طعمها ، والسمك اكيد من النوع اللى بنقرا عنه المسموم وانسوا انهم يغسلوا السلطه زينا !!! انتم ايه مبتسمعوش عن حالات التسمم خلاص مستغنيين عن نفسكم طيب عارفين الرستوران الشيك ده اللى فتح مكان الفيلا اللى كانت فى شارع ? اظن مفيش انضف من كده ؟! وبصراحه كلنا اكدنا على رايها عارفين سهير بنت طنط رشديه طلبت كردون بلو وده لافيه حاجه محمره ولا اى حاجه جالها نزله معويه من الخس مكنش مغسول وتامر ابن شهيره بقالهم اسبوع بيعالجوا فيه من اكل السوشى !!! وبصت لنا وكأنها حسمت الموقف موضوع الاكل بره ده تنسوه ، بصيت لها وقلت لها الله يسامحك سديتى نفسى انا ما صدقت ان الولاد خارجين وجوزى وافق واكدت على كلامى هبه فعلا الواحد نفسه اتسدت بس للاسف كلامها صح ونظرت هبه حولنا وهى تضحك طيب ما الناس بتاكل وزى الفل اهم كل دول هيتعبوا انا هطلب وخلاص وبلاش انتى تاكلى و وافقنا كلنا على راى هبه وقلنا نطلب نواشف بعيد عن المحمر والمشكوك فى امره ، والمسموم والمجمد . وجه الاكل عباره عن سندويتشات جبنه بطماطم وبطاطس محمره واجبان تانيه جوده رومى امنتال،،، طبعا غير المشروبات و القعده حلوه والاكل جميل ونظيف جدا وقلنا نطلب حاجه حلوه وطبعا حرصنا كلنا على المشروبات الدايت وقلنا نطلب الفاتوره . ولقينا فطومه بتقول لنا ( وكانها تلقى بيانا عسكريا) على فكره مش الاكل اللى هيجيب لكم تسمم ولا نزله معويه لكن غالبا لو عرفتم قيمه الفاتوره احتمال نطلب لكم الاسعاف ! وببرأه ليه يعنى وفتحت شنطتى وخرجت لها ?? جنيه وبكل ثقه لو فى باقى خليه تبس وانفجرت فطومه فى الضحك باقى ايه انتى اكيد من كوكب تانى كل واحده منكم يا هوانم تطلع ??? جنيه !!!!! وهنا نطقت بنت صلطح بابا على راى يوسف وهبى ايه ليه ازاى دى جبنه واللى اكلناه كله ميعملش ربع كيلو وحتى الجبن التانيه فى ايه انتى اكيد قريتى غلط ورينى كده وبحركه مسرحيه اخدت منها الشيك وبصت فيه ويبدو ان النظره الاولى لم ترضيها ففتحت شنطتها واخرجت النظاره وهى تقول تصوروا كلامها صح يلا يا حلوين كل واحده تطلع ??? جنيه وياريت محدش يفتح بقه ادام الولاد او ابهاتاهم ويقول احنا اكلناايه ،،،، لان محدش هيسيبنا فى حالنا وانفجرت صفاء فالضحك نسيت ااقول لكم ان رشا جالها فوبيا من اى حد يقولها حسابك كام بعد موقف يشبه موقفكم ده ! ! و افتكر انكم انتم كمان هتصابوا بنفس الفوبيا وهى لا تزال تضحك بس سيبكم المهم القعده الحلوه والتغييير الفلوس دى اخر حاجه تفكروا فيها !!!!! وضحكنا كلنا مع اقتراحى المتواضع ان بعد كده نبقى نقعد على الكورنيش ونجيب عيش وجبنه ونوفر فلوسنا الا ان هذا الاقتراح لم يلاق اى ترحيب وجاء الرد الذى توقعته هو احنا مكتوب علينا نحسبها دايما بالورقه والقلم الولاد بيفرتكوا وعايشين واحنا اليوم اللى خرجناه هنقول ونعيد المهم اننا اتبسطنا . الغريب ان كل الاماكن مزدحمه بكل الاطياف والاعمار ومفيش حد كان بياكل جبن ولا طماطم ؟!!!! يعنى اكيد حسابهم هيعدى ال ??? جنيه اللى كان ممكن تكفى عيله او تجيب حاجات كتير لناس تانيه وكان ممكن و ممكن ..... وممكن ،،،، المهم روحت وانا بقول عمار يا مصر مجنون مين اللى بيقول ان فى ازمه اقتصاديه والناس مش لاقيه فلوس تصرف ( ملحوظه مفيش عربية كبده ولا كشرى الا وعليها ناس وبرضه بتاكل ) .؟؟؟!!!
