لسه بحلم بيوم تظهر شمس العيد معاه لسه بحلم بيوم يكون لحظه نجاه لسه بحلم بيوم يكون هوه الحياة يا زمن قرب تعالى أحضن حزن قلبى نسينى نبض عمرى تعالى ويا العيد إرسم خطوط الامل خلينى أحلم كمان بقرب كل حنان لما يقرب عيدى لما يزداد حنينى لما يتوه وليدى فين العيد ؟ لما تغيب شمس الشتا لما يختفى نور القمر لما تسكن الأمواج فى بحرك لما يبتعد شطك لما ألاقى نور الصبح بيختنق لما تتوه بسمتى ويغيب العيد وفرحتى لما أفتح عنيه وحضنى محتاج لضمتك خلى الليل يرحل بعيد والسكون يزداد ضجيج خلينى ويا الصبر أدور عليك لحظه حب متعطشه ليك خلينى أعيد معاك وأفرح زى الناس بلقاك وأنسى شمس الشتا فى حضنك يزيد لهيبى وف قربك معنى الحياة ليله العيد ح ستنى قربك ليله العيد ح أكون فى حضنك رسمت فى خيالى حضن تانى وتاه صبرى معاك ليه لما بقرب بيزيد لهيبى ؟ وتتسرق فرحتى ويكون الحلم كل دنيتى نفسى أحضنك وألمس ملامحك وأروى عطش الارض لما أكون معاك لسه بحلم بيوم تظهر شمس العيد معاك