الحيوانات عملوا ثورة مليونية في جونية الحيونات ومنعوا اي زائر يدخل الجونينة فبعتتني الحكومه الموقرة للتفاوض معاهم ومعرفة ايه اسباب هذه الثورة دخلت الجونية وسط زئير ونهيق ونونوا وصوصوا وهوهوا ومئمئا ولاقيت الاسد واقف فوق المنصه وحواليه كل الحيونات بصيت للاسد اووووووووووووي وبكل قوة وحزم وشدة سألت الحمار انتوا ليه مشاركين في الثورة ؟؟ فرد الحمار وقال: ليه البني ادم اتخلي عن ادميته وعقله وسرق منا حمريتنا الحمار تحطله اللجام ميعرضتش تقوله شيييي يمشي تشد اللجام يقف لما يعترض يضرب بالكرباج تحطله البرسيم وجردل الميه ياكل ويشرب تركبه يوطي راسه ويمشي ولما ينهق تبعد عنه وتشتمه كمان وتشيله مهما تشيله بيستحمل ميعترضتش ولما يموت ترميه في الترعه وتدور علي حمار تاني وهكذا ,,,, فشوفنا البني ادمين قبل ثورتهم بيقلدوا حياتنا ازاي يا حمار الرئيس حطلهم لجام الوهم بمستقبل افضل فصدقوه , قالهم مفيش كلمة بعد كلمتي فصفقوا له ... واللي كان بيعترض يضرب بالكرباج .. يأكلهم أكل مسرطن وويشربهم ميه مجاري يقولوا نعمة حد لاقي , يسرق فلوسهم وارضهم فيقولوا ملناش دعوة ويمشوا جنب الحيط ... ومن كتر الويل اصبحوا بينهقوا زينا ولا حتي بيسمعهم , يتحرقوا في القطار او يغرقوا في العبارة مش مشكلة اصل البني ادميين كتير ومش بيحددوا النسل طب ما هما اتغيروا بعد الثورة يا حماااااااااار فلاقيت بغبغان ثائر وقف قدامي وقال: فين اللي اتغيروا دول يعني يسيبوا الحمير ويبئوا بغبغانات زينا ازاي يا عم البغبغان البني ادمين سرقوا منا لسانا اللي كان بيميزنا عن اي حد زمان وانا بغبغ صغنن كنت بسمع الست ورده وهي بتقول (انا عندي بغبغان غلباوي بنص لسان بيلئط اللي بقوله ويذاكره الليل بطوله اصبح القيه بيقوله وبعيده لوحده كمان ) اصل البغبغان منا اي كلمة بتتقال يكررها مش مهم مين اللي بيقولها ومش مهم صح اوغلط وكمان احنا اذكياء بنفس درجة ذكاء طفل عنده 6 سنين (حقيقة علمية ) وفجأه بعد ثورة 25يناير لاقينا البني ادميين بيقلدونا وبيسرقوا لسانا ومستوي ذكائنا ازاي يا عم البغبغ يسمعوا كلام يرددوا مليون مره لغاية ما تزهق ولما تسألوا , لا تلاقيه فاهم وعلي عارف معني اللي بيقوله و مره كدا علي صفحتي في الفس بووك انت ليك صفحة علي الفس بووك اه طبعا اسمها بغبغ لايفر امووووووووه كتبت استيتس هزار كدا .. عشان مصر تزداد حلاوتها خلو نانسي عجرم رئيستها فلاقيت 3000لايك 900 كومنت وبعد كداااااااا انتشر الاستيتس دا عند كل الناس وفي يوم لاقيت حد بيبعتلي دعوة لصفحة عشان مصر تزداد حلاوتها خلي نانسي عجرم رئيستها انت تعرف نانسي عجرم لا بس كنت اعرف ديك رومي شافها فين الديك دااااا ما خلاص هي شربت شوربته من زماااااااااااان يا خساااااااره , طب يا عم كبر دماغك وروح قفصك وقلد كلام الناس وخلاص البغبغان منا عملت كدا بس فلاقيت البغبغان بيبص يمين وشمال ووطي عليا وقال بصوت منخفض منا لاقتني في الفترة الاخيرة بقيت بنهق بنهق بنهق بنهق وفجأه عفره وتراب حواليه وقلت بصوت عالي مين الحيوان اللي بيعمل كداااااا فلاقيت الاسد واقف امامي ومبرق عينيه ليا الي اللقاء من الجزء الثاني من ثورة الحيوانات
