يعنى أييييييييييييييييييييه لما تقوم ثوره لتطهير البلاد من الحلنجيه ورموز الفساد ميقدرش قيمتها الحاكم والجلاد تبقى دى نطاعه ولا عناد يعنى أييييييييييييييييييييه لما الشعب ينزل للشارع تلاقى مليون ونص طايع متعطشين لقتل الولاد بكل ما لديهم من عتاد خراطيم ميه قنابل مدويه عربيات مصفحه ومدرعات مفيش تفاهم فيه تلاحم وكأن الشعب صراصير وكلاب بسرعه يحطوا إديهم ع الزناد أوامر بالضرب من غير هواد مش ده يبقى حاكم مغامر ودى تبقى رعونه عبيطه من الجلاد قلناها سلميه سلميه إندهشنا من العنجهيه والغباء والعناد يعنى أييييييييييييييييييه ترشونا بخراطيم الميه يعنى أييييييييييييييييييه فتفتحوا النار بعشوائيه وتقولوا بعد شويه النار هتصبح رماد دول شوية عيال وهيتفضوا تلاتين سنه مقدروش يعملوا حاجه جايين النهارده يعكروا المزاج حسبتوها غلط يا شلة حراميه راكبكم الكبر والعنجهيه عمى عنيكم وزادكم غباء التخمه إللى إنتوا فيها من العزبه إللى نهبتوها كنتوا فاكرنها دايمه والناس إللى كممتوها نايمه لا يا شلة فساد مصر لما تحبل وتولد خليفتها تكون رجاله شداد وأدى أخرة إللى يبرطع لابد يقع ما ينفع يقوم تانى يا من ورثتم من على بابا الفساد ف السجون محبوسين بعد العز والأبهه مش لاقين نومه حلوه على السرير فاكرين أس الفساد فاكرين مارينا وشرم فاكرين المليارات والملايين نفعتكم بأيه يا طماعين فاكرين الفلات والقصور يا ترى إيه الأخبار وكيف الأحوال وإنتوا فى حبس الزنازين والله لحظه واحده ف طره ولا صوره واحده يشوفوها المظاليم وإنتوا ف لبس المساجين تساوى الدنيا وما عليها لكن للأسف هتقول لمن فات الآوان ما أصعب الذل والهوان إللى شافوه على إديكم كل المصريين قاموا بثوره لما شافوا مفيش منكم فايده وإنتوا بالغباء والمعانده مصممين مهما زوقوا القرد ممكن فى يوم يكون غزال مهما كنزتوا من الأموال ولا القرد هيبقى ف يوم غزال وهيفضل القرد على حاله ولا هتنفعكم يوم الحساب الأموال هو فيه ملايكه هترتشى ولا ميزان العدل مال إرادة الله نافذه على الغنى والفقير الكل سواسيه أمام الميزان سوف يفوز بالجنه من يستحقها وأمثالكم إن شاء الله مثواهم النار عاشت مصر حره وتعظيم سلام للشهداء وتحيه خاصه للثوار
