لاقى إضراب المعلمين في المدارس سخرية على موقع "تويتر"، في مقابل تأييد البعض الآخر. وتتابعت التعليقات على الإضراب ما بين ساخر ومؤيد للإضراب، حيث عبر أحد الأعضاء بسخرية بأن من فوائد إضراب المعلمين أن الأطفال مبسوطة أنها مش رايحة المدرسة وهتتعلم إن الإضراب ده حاجة حلوة من صغرها. وعبر آخر عن سعادته بالإضراب قائلاً:"سعيد جداً بالإضرابات اللي ع الصبح دي وسعيد أكثر بتضامن أولياء الأمور في بعض المدارس مع المعلمين". وقال ثالث "كل التحية إلي المعلمين والعمال المضربين من أجل مطالبهم المشروعة التي تكتمل بها الثورة ". وعلق أحد الأعضاء: "لسه صدى صوت هتاف المعلمين فى مليونيتهم شغال فى ودانى ..يا عزيزي يا عزيزي المشير ده كان تلميذي". وسخر أحد الأعضاء "المعلمون أعلنوا الإضراب أول العام الدراسي، ومش كده بس لأ ده هيلقوا كلمة في طابور الصباح يفهموا الطلاب هما مضربين ليه". وقال أحد الأعضاء إنه مع إضراب المعلمين لم يتغير شئ قائلاً:"الدروس شغالة 100 100 ، وإحنا بندفعلهم 1000 في ال 100 ، ولا أحد يطالب بإصلاح العملية التعليمية المنهارة أساساً". وتساءل آخر "هل لو زاد مرتب المعلمين مش هيعطوا دروس خصوصية؟ ويكثفوا الدروس قبل الامتحانات؟ إحنا شعب عاوز ياخد فلوس وميشتغلش -بس لازم مرتب المعلم يزيد ".