البصاص

‬
يقال والله أعلم أن يوسف خطاب،‮ عضو مجلس الشوري بالحزب الوطني سابقاً‮ بدائرة الهرم،‮ المحبوس حالياً‮ علي ذمة واقعة الجمل، ‮ ابنه متزوج ابنة العميد أسامة الفقي،‮ والعميد‮ »‬أسامة‮« كان يشغل مدير مكتب اللواء حسن عبدالرحمن،‮ مدير أمن الدولة المحبوس حالياً‮ بسجن مزرعة طرة،‮ »‬البصاص‮« أكد أن الفقي كان حلقة الوصل بين‮ »‬خطاب‮« وأمن الدولة،‮ وقيادات الحزب الوطني في واقعة الجمل،‮ ونفي‮ »‬البصاص‮« بشدة ما تردد بأن الفقي هو اللي راكب الجمل‮.‬
‮ العميد حسن طنطاوي بأمن الدولة سابقاً‮ وبمديرية بني سويف حالياً،‮ يتردد بقوة أنه أصبح من الضباط الأثرياء خلال فترة اللواء حبيب العادلي،‮ »‬البصاص‮« سمع أنه يمتلك أكثر من مزرعة‮.. واحدة باسم ابنته والأخري باسم زوجته‮.. الأسبوع المقبل تقول لكم الوصفة التي ترشدكم إلي مواقع المزارع‮.‬
‮ اللواء أسامة المراسي،‮ مدير إدارة التدريب بالوزارة المحال حالياً‮ إلي محكمة الجنايات،‮ أكد لبعض المقربين منه أن التهم الموجهة إليه‮ »‬فشينك‮« وأقسم برحمة أمه أنه سوف يخرج منها،‮ وسيحصل علي البراءة‮.. »‬البصاص‮« كان بجواره وهو بيحلف برحمة أمه،‮ ومال علي واحد بجواره وهمس في أذنه‮: »‬هيخرج براءة ازاي‮.. طيب الفيلات والأراضي والشقق اللي عملها لما كان في أمن الدولة بسيناء ومدير أمن السويس وأكتوبر والجيزة‮.. هتقول عنها إيه‮«!!!‬
‮ »‬البصاص‮« شاف بالصدفة العميد محمد باسم،‮ قائد حرس الوزير المحبوس العادلي،‮ كان داخل محكمة القاهرة الجديدة جالس بجوار القفص المحبوس فيه الوزير،‮ قالوا إنها المرة الأولي التي يذهب فيها لرؤية الوزير داخل القفص،‮ »‬باسم‮« ما شاء الله والله أكبر يسكن الآن في فيلا،‮ بعد ما كان يسكن في شقة بمساكن الضباط بمنطقة طرة،‮ وإن شاء الله الأسبوع المقبل،‮ نقصد ونروح،‮ ونحكي عن الفيلا والعفش ونغني علي الربابة قصة انتقاله من شقة طرة إلي الفيلا الواسعة البرحة الشرحة‮!!‬
‮ يا ستار يارب من عين القرارين والحاسدين واللي عنيهم وحشة زي‮ »‬البصاص‮« نازلين قر علي اللواء مصطفي راضي،‮ مساعد أول الوزير لمصلحة الأحوال المدنية،‮ كل ده ليه؟‮!.. قال‮: علشان بيدخله كل شهر شيء وشويات من الرقم القومي‮.. كام؟‮!‬،‮ وازاي؟‮!.. و»البصاص‮« وعدنا بالتفاصيل الأسابيع المقبلة‮.. إخيه ناس صحيح وحشة‮!!‬
‮ سمعنا إن العساكر والأمناء كسروا قلة قناوي في الدور السادس كله،‮ سألناهم خير؟‮!.. قالوا‮: اللواء علاء حلمي،‮ مدير مكتب الوزير مشي‮.. سألناهم‮: راح فين؟‮!.. قالوا‮: الوزير محمود وجدي قبل ما يمشي مشاة،‮ سألناهم‮.. طيب ليه كل القلل القناوي دي؟‮! قالوا‮: ده كان وكان وكان‮.. تقول مهرجان كان السينمائي بخاطرة بقي‮.‬
‮ الولد‮ »‬البصاص‮« الخلبوص جري علي إدارة الكسب‮ غير المشروع،‮ وكتب في ورقة اسم اللواء مجدي أبوقمر،‮ مدير أمن البحيرة السابق،‮ بطل كليب‮ »‬أسياد البلد‮«‬،‮ مطرب أغنية نديهم بالجزمة،‮ فاكرينه؟‮! يا جماعة اللي كان واقف قدام المديرية بدمنهور،‮ ونازل شتيمة في الشعب والثورة،‮ وواحد من الأمناء اللي واقفين سجل له الأغنية علي المحمول‮.. افتكرتوه،‮ اللواء أبوقمر ده قالوا إنه مازال يستخدم العديد من سيارات الشرطة له وللأسرة وللشغالة،‮ كمان سيارة بسواق عترة‮.. »‬البصاص‮« طالب الكسب‮ غير المشروع بفحص الشقق والفيلات التي يمتلكها أبوقمر‮.. يا قمر‮!!‬
‮ شباب ثورة‮ 25‮ يناير في لقاء مع البصاص في ميدان التحرير سألوه‮: لماذا لم يتم التحقيق مع مدير أمن الدولة بالقاهرة؟‮! وأين ذهب هذا الضابط،‮ »‬البصاص‮« رد وقال‮: ده مش ضابط ده لواء واسمه عاطف أبوشادي،‮ والوزير السابق نقله من أمن الدولة سابقاً‮ إلي أمن الموانئ،‮ قالوا‮: بقي إيه؟‮! »‬البصاص‮« قال‮: مدير الإدارة‮.. زغردي ياللي مانتش‮ غرمانة‮.‬
‮ الولد‮ »‬البصاص‮« كان داخل علي الفيس بوك يعاكس الموزز،‮ تعرفوا شاف مين؟‮! شاف الضباط بتوع ائتلاف الشرطة وسمعهم بيتبادلوا الحديث عن شروط،‮ قال إيه عايزين يرجعوا بنفس مميزات زمان‮.. إيه زمان ده‮.. زمان قبل ما تقوم الثورة،‮ وسمعهم بيقولوا كنا بشاوات‮.. ياباشا ياباشا‮.. والولد‮ »‬البصاص‮« تعرفوا إنه فاق ولسانه عايز قطعة،‮ جري علي شباب الثورة في‮ »‬الفيس بوك‮« ونفتح علي ائتلاف الشرطة‮.. ولعت الدنيا وكان الكمبيوتر بتاعه هيولع قفل الإنترنت والجهاز ونام وسابهم ما سكين في بعض فنان بقي‮!!‬
‮ »‬البصاص‮« بيسأل معالي الوزير منصور عيسوي،‮ وزير الداخلية،‮ هم ليه الحرس اللي بيشرف علي نقل الوزير حبيب العادلي من السجن إلي المحكمة مانع تصويره؟‮! ولماذا لا يترك القنوات الفضائية تقترب من القفص وتقوم بتصويره أو بإجراء حوارات معه؟‮! الناس نفسها تسمع وتشوف معاليه هيقولهم إيه؟‮!‬