بعد الفضيحة اياها بتاعة "لن نقبل" .. "لن نركع" .. والكلام الهابط ده .. أصرت الست شمردل هانم (الله يرحمها) حفيدة بخشوان باشا المقدوني على الاجتماع بمجلس الوزراء الموقر .. والتحقيق بنفسها في الأسباب الخفية وراء سفر المتهمين من أبناء العم سام. وترأست فقيدة عائلة الحسب والنسب وكده يعني؛ الجلسة بتاعة يوم الجمعة اللي جاي، وقعدت قدامها كل المسئولين من أصحاب القرار والناس التقيلة والروس الكبيرة في البلد بعد ما سألت واطقست من حبايبها اللي ف أمريكا وعرفت معلومات خطيرة موت. شمردل هانم: مين اللي مسئولة عن فضيحة دي ؟ جمال الشهبوري: أنا ماليش دعوة يا فندم. شمردل هانم: أومال مين ليها دعوة .. زكزوكة هي اللي عملت كده .. ولا العفريت زي ما بيقول عفرو سوسى ؟! جمال الشهبوري: يمكن الطرف التالت يا فندم! شمردل هانم: طرف تالت إيه ولهو خفي إيه جنزاؤرة خنزاؤرة إنتي .. إنتي فاكراني داقق عصافير ؟! جمال الشهبوري: العفو يافندم. شمردل هانم: شهبوري .. إنتي جاية إشتغلي إيه ؟ جمال الشهبوري: رئيسة وزرا يا فندم. شمردل هانم: وكنتي بتقولي إيه لما خرجوكي من الحفرة ورجعوكي رئيسة وزرا ؟ جمال الشهبوري: معايا كل سلطات رئيس الجمهورية .. وبابا غنوجه. شمردل هانم: يعني مافيش حاجة بتحصل من غير علمك وموافقتك. جمال الشهبوري: ما هم اللي قالولي كده يا شمردل هانم. شمردل هانم: هم مين دول شهبوري أفندي. جمال الشهبوري: الشاويش بحراوي واللي معاه ضحكوا عليا يا ست هانم. شمردل هانم: آااااه .. الشاويش بحراوي .. قالك جاية تشتغلي رئسة وزرا ورئيسة جمهورية وادوكي واحد بمبة وشغلوكي حاجة تانية .. يعني دلوقتي بقى .. إنتي جاية إشتغلي إيه ؟ جمال الشهبوري: سواقة. وانتظروا بقية تفاصيل المحادثات السرية لشمردل هانم في الأيام المقبلة.