هناك فروق تبدو جوهرية علي العملية الانتخابية رغم أنها تنبت من قصرية زرع واحدة في معامل الحزب الوطني بغرفة العناية الوطنية المرتكزة علي إحياء ذاكرة الأمة في الغش المباح للصوت اللي راح واللي ما راح ونظرا للتطور الغير طبيعي في الحزب الوطني فقد حدثت بعض الفروق في جينات الانتخابات وإليك بعض هذه الفروق: * الأموات في عهد مبارك كانوا ينتخبوا، دلوقتي الناخبين هما اللي بينتخبوا الأموات!! * في عهد مبارك كانت أصوات المساجين تذهب إلي الصناديق، دلوقتي الأصوات في الصناديق بتروح للمساجين!! * في عهد مبارك الحزب الوطني كان واحد، دلوقتي أصبح قوائم!! * في عهد مبارك كان مبارك وحكومته بالكامل يحرصون علي الذهاب لالتقاط الصور أثناء الإدلاء بأصواتهم، دلوقتي عملية مالهاش لازمة الحكومة مقاطعة أصلا!! * في عهد مبارك ماكانوش بينقلوا الانتخابات مباشر وبيضربوا أي نسبة حضور تعجبهم، دلوقتي الدنيا كلها شايفة علي الهوا اللجان فاضياااااااااااه وبيقولوا لكل اللي شاف أنت مابتعرفشي تشوف كويس فيه 7 مليون انتخبوا وطبعا انتخبوا الحزب الوطني في حب مبارك والسيسي والسادات الله يرحمه.. برضه انتخبوه!!