رصد عدد من نشطاء مواقع التواصل الاجتماعي "فيس بوك" و"تويتر"، سقطة رئيس مجلس الوزراء بحكومة الانقلاب إبراهيم محلب، حول عمل من لم يجد عمل كسائق توك توك، وأثار هذا التصريح جدلا واسعا بين النشطاء وسخط بينهم. وعلق سيد خليل، "لما الحكومة بتاخذ التوك توك من السائقين وبتبحث حظره بأماكن كثيرة .. إزاي الناصح ده يقولنا اشتغلوا سواقين توك توك"!!. وقال خالد، "مش المفروض الدولة فرضت غرامة على قيادة التوك توك ومنعت استيراده.. إزاي بتطالبنا بالشغل على التكاتك".
وأضافت هالة، "جرب تسوق توك توك.. هو مفيش مشكلة يا فندم.. بس ما تقننها وترخصه وتحدد لهم طرق... إنما متقولش كلام في الهوا كدا، تبقى مش رئيس وزراء إنت كدة تبقى عامل نشاط اقتصادي".
وتابعت صاحبة الأكونت الفصيل، "عشان تقبضوا عليهم بعد ما طلعتوا قانون إن غرامة سواق التوك توك 1500 جنيه".
واشتكى راشد،"الوظائف الحكومية للوساطة والكبار فقط، ده غير إن الجهاز الإداري أغلبه عواجيز، شباب إيه بقى ودولة متقدمة إزاي، قمة التناقض في التصريح نفسه".
وسخر محمد ، "طيب يا محلب فين المصانع وقناة السويس الجديدة، والإنجازات العلمية الجبارة والمليون وحدة سكنية والعاصمة الجديدة، الحاجات دي أخبارها إيه؟!".
وتابعت ياسمين، "لما تكون هذه هي نظرة رئيس وزراء .. خليت إيه لنظرة الفراش مع احترامنا له.. دولة ضائعة".
وكان رئيس مجلس الوزارء بحكومة الانقلاب إبراهيم محلب، قال: إن عصر الوظائف الحكومية انتهى، مضيفًا: "فكر تنزل تشتغل بنفسك، فكر تشتغل على توك توك".