هاجم الإعلامي يوسف الحسيني، بعض من انتقده على حديثه أمس الأحد، عندما قال إن تراجع شعبية السيسي دليل على أنه "شغال كويس وماشي صح" مضيفا: "فيه ناس مقدرتش تفهم الجملة مظبوط وفيه أغبياء زي الإخوان ماعرفوش يفهموها خالص". وأضاف الحسيني، خلال برنامجه "السادة المحترمون" المذاع على فضائية أون تي في، مساء اليوم الاثنين، "لو حطينا مقارنة بين مرسي والسيسي مرسي بعد 3 شهور شعبيته بقت 35% السيسي 85%، وده لأن السيسي عندما أصدر قانون تجريم إهانة ثورتي يناير ويونيو فكده اصطدم بدواعش 30 يونيو ودي هاتؤدي لتناقص شعبيته".
وتابع الحسيني: "ولما يؤكد إعلاميين قعدوا معاه أنه قال على 25 يناير كان لازم تتعمل من 15 سنة، والراجل ده كان لازم يمشي، فهو كده اصطدم برضو بنظام مبارك القديم وبعض مؤيديه فتتناقص شعبيته، وكل ده يقولك إن السيسي شغال مظبوط وصار يصرح بما يجول في صدره".