تداول نشطاء على مواقع التواصل الاجتماعي تسريب قديم للرئيس عبد الفتاح السيسي - وقتما كان وزيراً للدفاع - يحذر فيه من مغبة التعامل الامني مع اهالي سيناء . وقال السيسي في التسريب: هو انا لو ظابط جيش مش سهل عليا اجي على رفح والشيخ زويد واجي محاصرها ومطلع السكان منها واروح مفجر المباني اللي موجودة فيها؟ مش هنقتل حد ولا حاجة .. ممكن نعمل كدة .. وأضاف: افترض ان حد ضرب نار وطلع قصاد النار دي 100 نار ومات 2 ولا 3 ابرياء وقتها تبقى بتشكل عدو ضدك وضد بلدك لان بقى فيه ثأر بينكم. واردف: احنا بنشكل امن بالتواجد مش بالقتال .. خلي بالك الكلام دة احنا بنقوله مع بعض .. ماهي دبابة واحدة ورشاش واحد ممكن يعملك حاجات كتير بس في النهاية دول اهلك .. ولازم نستدعي سيناريو جنوب السودان بدأت من 50 سنة وكانت المعالجة أمنية فقط ومفيش حسابات رفيعة والضغط للرأي العام كان حاكم وكان اللي بيقود المعالجة بيتأثر بيه حتى لو دة ضد الامن القومي .. النتيجة ايه؟ وكان ساسة وإعلاميون قد طالبوا السيسي بضرورة تهجير أهالي سيناء بدعوى محاربة الارهاب .