قال المشير عبد الفتاح السيسي، النائب الأول لرئيس الوزراء المصري وزير الدفاع والإنتاج الحربي، في تسريب جديد بثته قناة "الجزيرة" الليلة، أنه لا استخدام للقوة في التعامل مع ملف سيناء، مشيرا إلى أن المعالجة الأمنية من الممكن أن تؤدي إلى انفصال سيناء وتكرار سيناريو جنوب السودان. وهذا نص ما قاله المشير السيسي في التسريب: "انت مش متصور وانت ظابط جيش انه بمنتهى البساطة يعني أجي على رفح والشيخ زويد أروح محاصرها ومطلع السكان اللي منها واروح مفجر المباني اللي موجودة فيها.. مشكله يعني اننا نعمل كده مش هنقتل حد ولا حاجه".. وتابع "رفح والشيخ زويد اعمل حصار خرج السكان ال100 بيت دول يتكسروا ممكن نعمل كده حد ضرب نار طلع قدام النار دي مِيت نار مات اتنين تلاته أبرياء انت في الآخر بتشكل عدو ضدك وضد بلدك لأن بقا في طار بينك وبينه". واستكمل "إحنا بنشكل أمن بالتواجد مش بالقتال ما هي دبابة واحده ورشاش واحد قادر يعملك حاجات كتير بس دول في الآخر أهلك وناسك ولازم نستدعي حالة انفصال الجنوب في السودان بدأت في السودان من خمسين سنة بدأت إيه من خمسين سنه وكانت المعالجه ايه؟ أمنية أمنية فقط.. مفيش فيها حسابات رفيعة والضغط بتاع الرأي العام كان حاكم وكان اللي بيقود المعالجة بيتأثر بيه وبيتجاوب معاه حتى لو كان دا ضد مصلحة الأمن القومي على المدى الطويل النتيجه ايه؟".