اة عايز يتجوزنى عرفى تفتكرو ان الزواج العرفى حلال زى ما بيقولوا فئات معينه من الناس وعلى ما أسمع انه حرام لازم يكون فيه اشهار ولو مفهوش اشهار يبقى باطل هو بقى عايز يتجوزنى عرفى اقولكم على بدايتى معاه انا كنت فى الكورس وهو كان بياخد كورس معايا اتعرفنا على بعض مجرد زمايل يعنى حرفنى بنفسه ومن كلامه عرفت ان حالته الاجتماعية كويسه وانه مرتاح ماديا انا بالصراحه قلت الماديات مش كل حاجة وفعلا اتعرفنا على بعض وبقينا بنتكلم بعض فى كل شىء يخص الحياة وفهمنا بعض على ما اعتقد بس الموضوع مطورش لحب زى مانتوا فاكرين اصل الحكاية انى انا قلبى كدا زى ما بتقول مش بيقع على طول تقيل حبتين ههه الشاب دا كان شكله وسيم فى يوم كدا من الايام قالى انا بحبك قلتله ازاى مع اننا اصدقاء قلى بس انا حبيتك مش عارف ازاى وليه المهم انا طبعا مبصدقش حد فقلت خليه اشوف اخره ايه وبعدها ابتديت افمر واقله طيب واخر الحب دا ايه قلى بكل ثقه جواز طبعا انا بقى بينى وبينكم فرحت وقلت فى سرى للدرجاتى كدا وقلت(عريس يااماى) وما صدقت بقى فرحت روحت وانا مبسوطه ورحت مكلماه وقلت ليه ها هتيجى امتى رايح رد عليا وقالى هاجى اجى ليه قلتله مش انت قلت ليا انك عايز تتجوزنى رايح بكل ثقه وقال ايوه قلت رحت قلت طيب يبقى انا مش غلطانه قلى بس انا عايز اتجوزك عرفى بالصراحه انا سمعت الجمله دى والحياة بقت قدامى سودا فقلتله نعم قلى اة نتجوز عرفى رحت رديت عليه وقلت ليه عرفى بكل بساطه كدا رايح قلى وايه يعنى انا بحبك وانتى مرتحالى فيها ايه اننا نتجوز عرفى قلتله وبعد العرفى ايه قلى اهو نبقى مع بعض وكل واحد يعيش حياته انا سمعت كدا ومدرتش بنفسى قفلت السكه فى وشه وقعد افكر واقول للدرجاتى الجواز العرفى كدا سهل المهم اتصل بيا وبيعاتبنى انى قفلت فى وشه السكه قلتله انت عايز ايه انا مش موافقه على اللى انت بتقوله ورافضه الموضوع دا نهائيا وشوف ليك واحدة تانى بقى ترضى بالوضع دا رايح قالى بكل بساطه برحتك الف واحدة تتمنى كدا قبل ما يكمل قفلت السكه وقعد اضحك عارفين ليه لانى صحيت من نومى وقلت حتى الجواز بيجيلى فى المنام واكتشفت انه كابوس لانى بجد الواحد افتقد اصلا الجواز وربنا يستر ان تكون فعلا الحياة كلها عرفى مش الجوازبس وصحيت من نومى وضحكت وقلت الحمد لله ان كل دا طلع حلم وعايزة اقولكم انى من ساعتها حرمت اتفرج على افلام عربى وقلت توووووووووووووووبه اتفرج تانى على فيلم ما تجوزينى ياخالتوا