بادر شباب الفيس بوك بعمل أكثر من صفحة اشتملت علي دستور خاص لجمهوريتهم الافتراضية. تحت شعار "احنا اللي عملنا الثورة وعملناها من ع الفيس بوك" لذا قررنا اقامة جمهورية علي الفيس بوك.. وتشمل أهم بنود دستور الفيس بوك علي: * اعطاء كل مواطن يحمل الجنسية المصرية مليون جنيه من أموال الشعب المسروقة. * عمل امتحان لكل الشعب في الدستور ويكون امتحاناً سنوياً والراسب يطرد من الجمهورية. اضافة "كراسي" للمرشحين في مجلس الشعب عن دايرة الفيس بوك فئات. * الغاء التنسيق..... اللي عايز كلية يدخلها. * ممنوع البنات تتجوز غير اللي تختاره حتي لو كان عم عبده البواب. * عيد الحب اجازة رسمية. * كل واحد من الشعب يحكم يوم. * يعملوا وزارة للضحك ويخصصوا فترة كده في اليوم علشان الشعب يضحك فيها وأن يكون الضحك اجبارياً واللي مش هيضحك هيتحبس.