تداول نشطاء على مواقع التواصل الاجتماعي عدد من المعلومات الغريبة ياسمين النرش الشهيرة ب"سيدة المطار" التي قالت الداخلية انها محبوسة . وقال "المحمدي محمد" : لفيديو المتصور بتاع ياسمين النرش اللى متصور فى مطار القاهره كان من 8 ايام بالظبط وبعدين ده تسلسل الاحداث من ال8 ايام لحد انهارده 1- ياسمين اتعرضت على النيابه واخدت 4 ايام على ذمه التحقيق 2- ياسمين اخدت اخلاء سبيل من النيابه 3-ياسمين دلوقتى موجوده فى فيلاتها 4- اول واحد رفع الفيديو على النت ظابط فى امن المطار اسمه هشام عتمان بس هشام اتهدد ومسح الفيديو امبارح باليل بس بعد ما الفيديو كان انتشر على جميع المواقع الاخباريه والموضوع بقى راى عام 5- ياسمين كانت عضوه فى حمله السيسى 6- ابو ياسمين محى الدين احمد النرش من كان من اكبر الممولين لحمله السيسى الانتخابيه 7- ياسمين زوجه رجل الاعمال رانى مهنى برده كان من اكبر الممولين لحمله السيسى 8- زوج ام ياسمين يبقى ممدوح البلتاجي وزير السياحة السابق ياسمين بعد ما ضربت ظابط الشرطه وتفت على وشه ورشت عليه مياه وحطولها حشيش او هى كان معاها حشيش ومسافره بيه فعلا اخدت اخلاء سبيل وقاعده فى البيت بوص متحولش تحط نفسك مكان ياسمين وتقول ده انا لو اتخانقت مع امين شرطه كان زمانى متعلق من ايدى ورجلى فى القسم لانك عمرك ما هتبقى ياسمين "بحسب زعمه" . وأضاف: اخر حاجه نسيت اكتبها ياسمين وهى فى النيابه شتمت الظابط تانى وقالتله انا ابويا بيصرف عليك وعلى اللى مشغالينك اظن طبعا انتو فاهمين هى قصدها ايه .. مضيفاً: فى خبر على جريده الوطن ياسين اخو ياسمين النرش بيؤكد ان اخته فى الجونه"بحسب قوله" . فيما قال ممدوح إسماعيل انه قرأ خبراً في احدى الصحف الخاصة يؤكد أن ياسمين محبوسة .. مضيفاً: ثم قرات تصريح لشقيقها ان الواقعة حدثت من اسبوع وان شقيقته المحروسة فى الجونة بالغردقة !!! اقول ايه واعلق اكتب ايه لسانى هايفلت واكتب كلام ياولاد ال....... اترك التعليق لمن يحسنون التعليق المستحق "بحسب وصفه"