ردت الإعلامية ريهام سعيد، على الهجوم الذي تعرضت له بسبب دفاعها عن "سيدة المطار"، ياسمين النرش، التي قامت بالاعتداء على ضابط شرطة في مطار الغردقة، قائلة: "أنا مش بدافع عنها وهى غلطانة من ساسها لراسها، وكمان هى مش صاحبتي، أنا قلت إنها كانت زميلتي زمان في المدرسة، يعني ماشوفتهاش من 25 سنة، أنا بس بقول بلاش نشتمها، ونوصفها بالداعرة". وأضافت "سعيد"، خلال حلقة أمس من برنامجها "صبايا الخير"، المذاع عبر فضائية "النهار": "قلة الآدب مافيهاش تناقض، إزاي الناس بتهاجمها علشان تشتم ظابط، وفي نفس الوقت بيشتموها، إيه التناقض ده ؟" وتابعت: "أنا مش بدافع عنها، هى دلوقتي في السجن بتاخد عقابها ولسا هتتسجن تاني، أنا بس كل اللي بطلبه منكم إنكم الرحمة علشان بنتها الصغيرة، بلاش تقولوا عليها رقاصة ولا داعرة، أنا مش غلطانة إني عايزاكم ترحموها علشان بنتها".