أثارت تغريدة كتبها الفنان نبيل الحلفاوي، عبر حسابه على موقع "تويتر" حالة من الغضب لدى النشطاء السياسيين، والتي أكد فيها أن المعتقلين على خلفية قانون التظاهر مدانون بتهم أخرى غير التظاهر، لأن العقوبة هنا غرامة، ولابد سيكون نتيجة الإدانة بتهم أخرى، على حد قوله. وردت عليه الناشطة نوارة نجم، بسخريتها المعهودة قائلة: "آه متهمين علاء إنه سرق لاسلكي، زي ما اتهموه قبل كده إنه سرق مدرعة الظاهر مش عارف يشتري لعب لخالد"، مضيفة: "أنا شاهدة على الكلام ده، وفي موقف كمان مش موجود في الحيثيات، الظابط كان بياكل شاندوشت، علاء قرب منه وقاله ده شاندوشت إيه، فالظابط قال له ده شاندوشت مربى بلح.. علاء قال له هات حتة، قاله ماما لو عرفت حتضربني، قام علاء خطف الشاندوشت وفر هاربًا". وتابعت: "وأم الظابط عرفت ورنته علقة، ووزارة الداخلية عايزة الشاندوشت ضروري، أصل عهدة، أساسًا اللاسلكي ده جه في الرجلين، الخناقة كانت على شاندوشت مربى البلح". فيما رد الحلفاوي موجهًا حديثه ل نجم: "أنا لم أكن متواجدًا ولست وكيل النيابة ولا القاضى، فقط أوضح أنه لايمكن الحكم بالسجن بناء على تظاهر، وهناك درجة ثانية للتقاضى"، مضيفا: "الحكم بالسجن لا يمكن أن يكون لمجرد التظاهر بالمخالفة للقانون، لأن العقوبة هنا غرامة، لابد ستكون نتيجة الإدانة بتهم أخرى". الأمر الذي رفضته نوارة بسخرية قائلة: "أيوة وإذا كان المتكلم مجنون المستمع عاقل، علاء حيضرب ظابط ويخطف اللاسلكي؟ على أساس الظابط ده طفل تايه في مولد؟". وتدخل مالك عدلي، محامي الناشط علاء عبدالفتاح، مهاجمًا نبيل الحلفاوي، حيث قال: "بسم الله ما شاء الله حضرتك نبيه، أقل واحد اتقبض عليه في مظاهرة في مصر متلفق له ست تهم زيادة". الأمر الذي رفضه "الحلفاوي" واعتبره تجاوزًا من قِبل عدلي، حيث قال: "العفو..سبنالك النباهة.. التى تمكنك من خلط الأوراق، فبينما أوضح نص القانون تتجاوز أنت فى لهجتك معى بحجة تلفيق التهم، هو ما لا تسمح نباهتى بتأكيده أو إنكاره، للأسف تتفننون بنباهتكم فى خسارة مجانية للآخرين". فيما رد "عدلي": "قانون مين؟ حضرتك معانا هنا؟ مثلا فيه ناس ميتة أخدت إعدام.. أقول لك كمان؟ نباهتي بتخليني أوزن الكلام قبل ما أقوله بعكس نباهات أخرى، وبعدين هخسرك أو أكسبك ليه؟؟ هو إحنا نسايب ؟ يانت مع حق البشر ف العدالة يا إما لاء.. سهلة خد الطريق اللي يريحك ومتستناش مقابل". وأضاف: "لما تقول كلام معقول الناس هتناقشك فيه بعقل ولما تقول كلام سطحي الناس هتلومك.. لا مكسب ولا خسارة مش عشرة كوتشينة هيا، وبعدين لما تفتي بغير علم وتقول إنك بتوضح نص القانون، أروح أنا أشتغل ناقد سينمائي أو ممثل يعني؟ ممكن نتكلم ف اللي نفهمه؟ سهلة". شاهد الصور: