كشف الدكتور خالد رفعت - الأستاذ بجامعة قناة السويس وأحد أبرز مؤيدي الرئيس عبد الفتاح السيسي - الخسائر الحقيقية لمشروع قناة السويس . وقال "رفعت" في تدوينة عبر حسابه ب"فيس بوك": "امبارح كتبت بوست أن تكلفة تفريعة قناة السويس 64 مليار وهذا رقم خاطئ ...ده كان الرقم اللى جمعناه من الناس شهادات ... بس الرقم اللى حتتحمله الدولة هو 109 مليار جنيه وليست 64 مليار كما ذكرت .... أيوه 109 مليار جنية ... وبالأرقام". وأضاف: "الناس دفعت 64 مليار والدولة ستسدد لهم فوائد 60 % عبارة عن 12 % كل سنة لمدة 5 سنوات يعني 38.4 مليار جنيه ، بالإضافة إلى أصل المبلغ 64 اللى الدولة حترجعه للمواطنين فى 2019 يكون ما تلتزم الدولة بسداده 102.4 مليار جنيه". وأردف: "بعد رفع سعر الفائدة لآخر 3 سنوات من الشهادات (وفق القرار الصادر في نوفمبر بعد التعويم) زادت الفوائد 6.6 مليار حسب التصريحات الرسمية الصادرة وقتها .. وبالتالي يكون إجمالي ما تتحمله الخزانة العامة لهذا المشروع 109 مليار جنية ... أكرر هذه هي التكلفة الحقيقية التي سوف تدفعها الدولة". واستدرك: "طب تعالوا نبص على إيرادات القناة طبقا للبيانات الرسمية لهيئة قناة السويس نفسها المنشورة على بوابة معلومات مصر ... عشان نعرف هل زادت الإيرادات ؟ .. متوقع طبعا أنك بعد ما صرفت 109 مليار جنية لتطوير القناة أن الإيراد يزيد طبعا طبقا لدراسات الجدوى إن وجدت". وأشار إلى أن الفرق بين الإيرادات جاء كالتالي: " سنة 2014 كان 5.465 مليار دولار سنة 2015 كان 5.175 مليار دولار سنة 2016 اصبح 5.005 مليار دولار" وتساءل: "طب عملتها ليه ؟ .... مش كان أفضل تعمل مصانع ومزارع ب 109 مليار جنية ؟" .. مضيفًا: "وصل بيهم الحال عشان يداروا على حقيقة نقص الإيرادات أنهم يقولوا الإيراد بالجنية المصري (عشان قيمته أمام الدولار انهارت فيظهر أن الإيراد زاد .... ليه هو احنا بنجمع الإيراد بالجنيه) .. الأرقام الرسمية لا تكذب .... المطبلاتية هو من يكذبون بغباء" حسب تعبيره.
