"مش قادرة أعيش أنا وأولادي التلاتة بسبب زيادة الأسعار" هذه الكلمات بدأت بها المواطنة أمال شكوها ل"المصريون" وهي باكية وملامح الحزن تكسوا علي وجهها بسبب ضيق الحال وعدم قدرتها علي المعيشة في ظل ارتفاع الأسعار والغلاء التي تشاهدها الأسواق هذه الفترة. وأضافت قائلة: "جوزي مات من سنة وسابلي ثلاثة أولاد ومعاشي 500 جنيه مش بيكفوني لآخر الشهر أنا وأولادي مصاريف بسبب غلاء الأسعار اللي أحنا فيه وتابعت، جيت أقدم في المعاشات بتاعت السيسي رفضوا يعملولي معاش وقالولي أنتي بتاخدي تأمين 500 جنيه ملكيش معاش عندنا". وأضاف: "حاولت اشتغل في حضانة أطفال لاقيت المرتب آخر الشهر 300 جنيه وميعملوش حاجة وتابعت السنة الوحيدة اللي شفنا فيها غلاء أسعار جامدة جدًا غير كل السنين اللي فاتت هي السنادي نعمل إيه بس نعيش أزاي أنا لو عاوزه أجيب لبس ل"أولادي عشان الشتا أقل حاجه 150 جنيهًا ومش هاقدر أجيب ليهم هما التلاتة لأن الفلوس مش هتكفي ناكل ونعيش ولا أجيب لبس". وطالبت أمال، في حديثها الرئيس عبد الفتاح السيسي بالنظر إلي الأرامل والمحتاجين قائلة: "ياريت ياريس تبص شوية علي الأرامل اللي زى وزى غيري لأننا فعلاً بنعاني كتير جدًا متابعة نفسي صوتي يوصلك وتشوفني عشان تساعدني أنا وأولادي اللي مش قادرة علي مصاريفهم". وفي آخر الحديث وجهت المواطنة: " أمال" كلمة لرئيس الجمهورية: "ياريت يكون في رقابة علي أسواق الأكل واللبس بسبب زيادة الأسعار ". شاهد الصور.. شاهد الفيديو..