مين فينا معندوش هدوم قديمة مين فينا مفيش جزمة قديمة فدلابه عتقت من كتر الجرى والمشى بيها واول ما يعدى الراجل اللى بينادى بصوت عالى قوى ده ويقولك " روبابيكيييييييييييييييييييييييا" الست الحاجه تنادى عليه تعاله يا عم فى حاجات قديمة عندى تشيل الراجل يجرى ويلم كل القديم ونلاقيه بقى يفضل يفاصل لا ديه متقطعه قوى لا ديه كويسه هدفع فيها كتير الموقف ده بيفكرنى دلوقتى بالحال اللى احنا فيه عملنا ثورة ولقينا كل النظام القديم روبابكييييييييييييييييييييييا وروبابكيا اقدم كمان من الجزمة القديمة بتاعت الواد على اللى لعب بيها 30 ماتش فمركز شباب الحبانيه متقطعه ومهربده فالنظام الجديد بقى يعمل ايه" يقولك نقطة ومن اول السطر :- اللى هيخطف شنطة ولا يسرق من واحده البوك بتاعها ولا طلع يسرق عربيه :- الاحكام هتبقى مؤبده واعدام كمان طيب وحضرتك فيه ناس قتلت ناس وقفلت بيوت وشردت عائلات وخربت بيوت هتعملوا فيهم ايه يقولك احنا قولنا نقطه ومن اول السطر اللى فات مات خلاص كبر دماغك بقى الناس بترجع الملاليم اقصد الملايين وبيقولوا سامحونا يعنى حضرتك مع احترامى لسيادتك هو ده اللى انتوا قدرتم عليه يقولك ده تاريخ ازاى تاريخ 30 سنه فساد يروح كده ويتحاكموا لا احنا هنخليهم علشان الناس تعتبر تعتبر من ايه يا فندم مش واخد بالى من حضرتك انتوا عايزين اللى جاى يسرق ويفتكر انه هيتحاكم ولا يتعمل فيه كده ماهو محدش هيجى يمسكهالكوا تانى لو النظام القديم اتحكم عليه بالسجن ولا الاعدام بزمتك حد هيجى يبص فوش البلد ديه ويحكمها لا يا راجل نظرية يعنى انتوا بتقولوا ابه مش فاهم قالك هو ده قانون الروبابيكيا القديم المهكع ومكحكح مش بندفع فيه فلوس لكن لو الست الوالده نزلت ببنطلون وقميص لسه فيهم الرمق ويدوب فيهم قطع صغير كده هديها طبق بلاستيك كبييييييير شوفت بقى فهمت وتلف تبص حوالين نفسك تحس انك فقانون جديد يعنى اول بامر الله ده لو اداك العمر ومجالكش سكر وضغط وسارس وقلب من اللى بتسمعه وعيشت لحد ما تعدى ال 80 سنه اسرق وعيش بقى حياتك لكن طول مانت فيك صح وشاب استثمر وقتك بقى فالفرجه ع الحرامى الكبير اتعلم يا اخى شوفوا هو عمل ايه كان بيسرق من تحت لتحت مسرقش فوسط الزحمه لا ده تكتك وظبط واول ما جه يتقبض عليه والقانون يا اخد مجراه عمل نفسه ميت والقانون خد مجراه فقفا الشعب اتعلم بقى يا ابنى من المعلم دانت مش بعيد تبقى صاحب اكبر سلسلة استثمارية فمصر ولا صاحب مصنع بتاع المواد الاستراتيجية ولا تبقى رئيس دولة ماهى مبقتش بقى بقوانين ولا دستور ولا انظمة اقتصادية ولا اى حاجه انت روح خد وقتك فكر وادرس وشوف تطبق ازاى قانون الروبابيكيا عتق تاريخ السرقه فدماغك علشان لما تنشن لازم تصيب ويتقال شكلك فاهم يا مجلس عزة الشناوى 18-05-2011
