جدل واسع أثاره الإعلامي يسري فوده، بسبب الهجوم الذي شنه على ريهام سعيد، مقدمة إحدى البرامج على قناة «النهار»، بعدما «أهانت السوريين، وصورتهم في أوضاع إنسانية غير أخلاقية». «المصري اليوم» ترصد 3 مشاهد في الأزمة، بعدما تعهدت الإعلامية أنها «ستضرب نفسها بالنار لو كانت تعلم أن يسري فودة يشاهدها». البداية، تحدثت ريهام سعيد في برنامجها بطريقة اعتبرها كثير من مستخدمي مواقع التواصل الاجتماعي أنها «غير حضارية وأقرب إلى الشماتة في اللاجئين ومن مواطني دول الربيع العربي التي قامت فيها الثورات»، وصورت السوريين وهم يهرولون خلف سيارة المساعدات ويتنافسون فيما بينهم لمحاولة الحصول عليها. وعلقت ريهام سعيد على المشهد بقولها: «هي دي الشعوب اللي اتشردت، سابوا ولادهم على الأرض ضربوا بعض وداسوا على بعض عشان ياخدوا هدوم، حاولنا نوزع الحاجة بأمانة ولكن آخر مُخيم كان أفقر مُخيم وده حال الناس اللي بتضيع بلدهم، شفتوا يعني ايه حد يتشرد ويبقى محتاج أي حاجة، الشعب السوري مبقاش عنده حاجة لا أرض ولا بيت ولا مستقبل ولا شغل، ولا أي حاجة، أنا حزينة جدا للي شفته، وأنا لابسة علم مصر وحضناه أوي كده عشان عايزة أرجع مصر بحبها جدا، إحنا أنقذنا مصر من إننا نبقى زي اللي شفناه ده». تطور الأمر، وقاد الإعلامي يسري فودة، حملة الدفاع عن السوريين بعد «إهانة ريهام سعيد لهم، وأنها قالت إنها تتحدث باسم كل المصريين»، وكتب على صفحته على «فيس بوك»: «(السوريين اتبهدلوا واتشردوا وبيشحتوا وإحنا حلوين وبنعطف عليهم واللي مش عاجبه حالنا في مصر هنبقى زيهم.. حتى بصوا عليهم شكلهم عامل ازاي وبيقولوا إيه وموسيقى أنا يتيم شغالة إزاي!)، دي الرسالة من وراء هذا الشيء الصادر عن إحدى بالوعات الصرف (الإعلامي)، وبما أنها كررت في هذا الشيء أنها تقوم بهذا العمل نيابةً عن المصريين فمن حق أي مصري أن يرد، وبما أن الموضوع كبير جدًا يُسمح هذه المرة في التعليقات بالظواهر الصوتية لمن أراد ولمدة تعليق واحد». وبعدها كتب «فودة» معلقا: «عليكي وعلى اللي شغّلهالك وعلى أسياد اللي شغّلهالك»، لتبدأ بعدها مواقع التواصل الاجتماعي في تناقل رأي «فودة» في حلقة ريهام سعيد، فيما دعا آخرون لمنع مقدمة برنامج «آخر النهار» من الظهور مرة أخرى. لم يقف الأمر عند هذا الحد، بل ردت ريهام سعيد على يسري فودة، في برنامجها الاثنين، وخصصت أكثر من 30 دقيقة للهجوم عليه، وقالت: ««انت اتشهرت اليومين دول على حسابى.. نسيت لما عملت حادثة واتكسرت ضلوعك، والجيش خصصلك طائرة تنقلك للمستشفى، وأنقذك من الموت، أنا من عبيد البيادة يا سيدي، وكل واحد حر، وكل نقطة دم بتهدر في سيناء أنا عارفة قيمتها.. أتحداك تروح تقف لحظة في سيناء، أو تدخل العريش.. روح دافع عن بلدك». وردت على وصف «فودة» لبرنامجها بأنه «بالوعة صرف صحي»، قائلة: «وأنت بتتفرج ليه على بالوعة الصرف الصحي؟ وأنت ماشى في البيت الحمام دخل في التليفزيون؟ وأنت بتتفرج عليّ ليه؟ ولا أنت زعلان علشان ما بتتطلعش على شاشة والقعدة في البيت مضيقاك؟». وتابعت هجومها: «هو أنت كنت فاكر إن الأستاذ محمد مرسي ده هيقوم بالأمة.. إخص.. أنا لو مكانك مفتحش بقي خالص، أنا كان ممكن اضرب نفسي بالنار لو اعرف انك بتتفرج عليا لو سمحت ما تجيبش سيرتي تاني».
