قال الدكتور معتز بالله عبدالفتاح، أستاذ العلوم السياسية بجامعة القاهرة، إن «الرئيس عبدالفتاح السيسي ركب القطر وبيجري، وكلنا بنجري وراه ومش عارفين نحصله». وأضاف «عبدالفتاح» في برنامجه «90 دقيقة» على قناة «المحور»، مساء الجمعة: «ما المطلوب من المواطنين بعد البدء في تشغيل قناة السويس، المفروض نقعد نتفرج ولا نعمل إيه؟، المطلوب مننا نتحرك ونشتغل وكل واحد يقوم بدوره في الشغل، محتاجين ننهض ونشتغل كلنا كشعب بنجري وراء السيسي اللي ركب القطر، والشعب بيجري وراه، ومش عارفين نحصله». وتابع: «مينفعش تبقى دولة كاملة شغاله بمؤسسة واحدة وهي القوات المسلحة، فيه موجة صحيان كبيرة عايشاها القوات المسلحة، لازم نصحى من غفوتنا وننجز ونتقن دي مهمة للشعب، بطلب من كل واحد يستعد يشتغل بجد، اللي جاي جد، بطلب من حضراتكم كل واحد يفكر إزاي يساهم في بناء البلد دي».