هاجم مرتضى منصور، رئيس نادي الزمالك، عبدالواحد السيد، حارس مرمى الفريق الأبيض، بضراوة، بسبب مطالبة الأخير بمستحقاته، مطالبًا إياه بالاعتزال. عبدالواحد السيد أنهى علاقته بالزمالك رسميًا، بعد 17 عامًا قضاها الحارس الدولي بين جنبات القلعة البيضاء. ويطالب عبدالواحد السيد بمستحقاته من إدارة الزمالك، ما يمثل صدمة لمرتضى منصور، على حد قول الأخير. وقال منصور في تصريحاته خلال مؤتمر صحفي عقده، السبت، بنادي الزمالك: «إنت لما تتغلب بطولات 9 سنين هل الجمهور كان بيقف جنبك، لو إنت راجل كنت تروح تاخد الفلوس من ممدوح عباس مش مني». وأضاف: «كنت فين يا أبوشنب أيام ممدوح عباس، إنت ساكت 4 سنين ليه؟ هو إنت يا تلعب بالعافية يا تقولي إديني فلوسي مش تلعب بالعافية، بدأت كلامي معاك بأدب». وتابع: «الجهاز الفني للزمالك كان رافضًا تواجدك يا عبدالواحد في مباراة نهائي الكأس وأنا من تدخلت حتى ترفع الكأس بنفسك، ولما قالوا له حازم إمام يأتي معاك لرفع الكأس رفضت وقلت لو لمس الكأس همشي، إحنا متحملينك ومش بنتهدد.. وأنا لو منك أحترم نفسي وأعتزل.. كرمناك وقلنا يمكن تييجي منك إنت». وأردف: «مش هديك ولا مليم واشتكيني، أنا مش جاي أسدد مديونيات ممدوح عباس». واستطرد: «أنا مصدوم من عبدالواحد السيد.. إسلام عوض ونور السيد وأحمد جعفر ليسوا من أبناء النادي وقد تنازلوا عن مستحقاتهم». وأتم: «أما القائد، كابتن الزمالك عبدالواحد السيد يفتعل معنا أزمة بسبب مستحقاته». اشترك وخليك في الملعب لمتابعة أخبار الدوريات